পোর্ত, শিপ্পিং অমসুং ৱাতরৱেজকী কেন্দ্র মন্ত্রী, শ্রী সর্বানন্দ সোনোৱালনা নাগালেন্দগী ৱাতরৱেজকী মতিক লৈবশিংদা পান্দম থমদুনা পায়খৎকদবা মরু ওইবা খোঙথাং কয়া ঙসি নাগালেন্দগী দিমাপুরদা পাংথোকপা স্তেকহোলদরশিংগী কনফরেন্স মনুংদা লাউথোকখ্রে। নাগালেন্দগী মুখ্য মন্ত্রী, শ্রী নৈফিয়ু রিওনা শ্রী সর্বানন্দগা পুন্দুনা তিজু জুঙ্কি (নেস্নেল ৱাতরৱেজ ১০১) শেমগৎপগী ৱারোল লাউথোকমিন্নখিবনি। ইনলেন্দ ৱাতরৱেজ ওথোরিতী ওফ ইন্দিয়া (আই.দব্ল্যু.এ.আই.) অমসুং নাগালেন্দ সরকারগী ত্রান্সপোর্ত বিভাগনা থৌওং অসিগীদমক্তা নেভিগেসন ফিসিবিলিতী পুন্না পাংথোকমিন্নগনি। দোয়াং রিভর লেক্তা কম্ম্যুনিতী জেত্তী অমসুং রো পেক্স ফেরী লৈবা য়াবগী ফিসিবিলিতী স্তদী পাংথোকপগা লোয়ননা মফম অসিগী তুরিজমগী মতিকপু হেন্না চাউখৎহনগদবা অচৌবা থৌরাং পায়খৎকনি হায়না শ্রী রিও অমসুং শ্রী সোনোৱালনা পুন্না লাউথোকমিন্নখি।

ভারত সরকারগী পোর্ত, শিপ্পিং অমসুং ৱাতরৱেজ মন্ত্রালয়গী নোদেল এজেন্সী অমা ওইরিবা ইনলেন্দ ৱাতরৱেজ ওথোরিতী ওফ ইন্দিয়া (আই.দব্ল্যু.এ.আই.)না শিন্দুনা ঙসি নাগালেন্দগী দিমাপুরদা পাংথোকপা স্তেকহোলদরশিংগী কনফরেন্সকী সেসন অমদা ৱাফমশিং অসি লাউথোকখিবনি। কনফরেন্স অসিদা উপ মুখ্য মন্ত্রী, শ্রী য়ান্থুংঙো পাত্তোন; নাগালেন্দগী তুরিজম মন্ত্রী, শ্রী তেমজেন ইম্না আলোং; লোক সভাগী মেম্বর ওফ পার্লিয়ামেন্ত, এস.এস. জামির; রাজ্য সভাগী মেম্বর ওফ পার্লিয়ামেন্ত, ফাংনোন কোনয়াক; এম.এল.এ. অমসুং নাগালেন্দগী এদভাইজর, এম. য়ন্থান; এম.এল.এ. অমসুং ত্রান্সপোর্ত অমসুং তেক্নিকেল এজুকেসনগী এদভাইজর, তেমজেনমেনবা; এম.এল.এ. অমসুং এদভাইজর, এস.কে. য়িমচুঙ্গর; নাগালেন্দগী এম.এল.এ., জেত.এন. য়ুথে; সি.কে. সান্তম; আই.দব্ল্যু.এ.আই.গী ভাইস চেয়রমেন, শ্রী সুনিল সিংহ; নাগালেন্দ সরকারগী ত্রান্সপোর্তেসন বিভাগকী কম্মিস্নর অমসুং সেক্রেতরীগা ভারত সরকার অমদি নাগালেন্দ সারকারগী সেনিয়র ওফিসিএলশিংনা ঙসিগী থৌরমদা শরুক য়াখি।

শ্রী সর্বানন্দ সোনোৱালনা ঙসিগী থৌরমদা অসুম্না হায়খি, “ৱাতরৱেজ হায়বসি চত্থোক চৎশিন তৌবদা খ্বাইদগী শেল চঙদবা, তুং কোইনা চৎপা অমসুং খ্বাইদগী ফবা পাম্বৈ অমনি। লৈবাক্কী ত্রান্সপোর্তসেনগী অতোপ্পা পাম্বৈ অমা শেমগৎনবা হায়দুনা ঐখোয়গী প্রধান মন্ত্রী শ্রী নরেন্দ্র মোদীজীনা লৈবাক্কী ইনলেন্দ ৱাতরৱেজতা মতম পুম্বদা অহেনবা মিৎয়েং চঙদুনা লাক্লি। মহাক্কী লুচিং মখাদা, ঐখোয়না লৈবাক্কী য়াম্লবা রিসোর্স পুল অসিগী কান্নবা লৌদুনা ভারতকী শাহৌ লৌবগী চাং হেনগৎহন্দুনা দিকেদ অমগী মনুংদা লৈবাক অসিবু মালেমগী খ্বাইদগী মঙাশুবা চাউবা শেন্মিৎলোন ওইহন্নবা হোৎনরি। মোদীজীগী মিৎয়েং মখাদা অৱাং নোংপোক লমদম্বু ভারতকী গ্রোথ ইঞ্জিন অমা ওইনা অচৌবা থৌদাং য়াগনি। অৱাং নোংপোক্কী কমপ্লেক্স অমসুং দাইনামিক ওইবা ৱাতরৱেজ অসিনা লৈবাক শেমগৎপা ঙম্বগী খুদোংচাবা অমা পীরি। ঙসি শরুক য়ারিবা স্তেকহোলদর খুদিংনা লমদমসিগী ৱাতরৱেজনা পীরিবা খুদোংচাবশিং লৌবীনবা হায়জরি”।

শ্রী রিও অমসুং শ্রী সোনোৱালনা লমদমসিগী নহাশিংগী মফমদা মেরিতাইম স্কিল দিভেলপমেন্ত সেন্তরদগী মেরিতাইম স্কিলগী ত্রেনিং তৌদুনা মেরিন সেক্তরগী থবক্কী খুদোংচাবা লৌনবা হায়খ্রে। নাগালেন্দ মনুংদা এন.দব্ল্যু. ১০১না লোংমাত্রা (নাগালেন্দ)দগী অবাংখুগী মায়কৈদা চেল্লি অমসুং আই.দবল্যু.তি.গী ফিসিবিলিতী স্তদী অমসু ই.দব্ল্যু.এ.আই.না পাংথোক্কনি। স্তদী অসিনা ফেয়রৱে দিভেলপমেন্ত, নেভিগেস্নেল এদ অমসুং ইনফ্রাস্ত্রকচর য়ামদবা তর্মিনেল, স্কিল দিভেলপমেন্ত অমসুং ভেসেল লৈবগী হীরমশিং য়েংশিনগনি।

পোর্ত, শিপ্পিং অমসুং ৱাতরৱেজ মন্ত্রালয় (এম.ও.পি.এস.দব্ল্যু.)না আই.দব্ল্যু.এ.আই.গী খুত্থাংদা লমদমসিগী কমপ্লেক্স অমসুং দাইনামিক ৱাতরৱেজ চাউখৎহন্নবা থবক পাংথোক্তুনা লাক্লি। এজেন্সী অসিনা কালাদান মলতিমোদেল ত্রাঞ্জিত ত্রান্সপোর্ত প্রোজেক্ত, এন.দব্ল্যু. ২ অমসুং এন.দব্ল্যু. ১৬গুম্বা এন.দব্ল্যু. কয়াবু ইন্দো বাঙ্গলাদেশ প্রোতোকোল রুত (আই.বি.পি.আর.)কা শম্নহনবা, আই.বি.পি.আর.দা ফেয়রৱে শেমগৎপগা লোয়ননা অতোপ্পা থবক কয়াগী মরক্তগী পোর্তস ওফ কোল হায়না লাউথোকপগী থবক য়াওনা তোঙান-তোঙানবা প্রোজেক্তশিংদা থবক তৌরি।

নাগালেন্দগী তিজু তুরেলনা ইরাবতী তুরেলগী খ্বাইদগী অহুমশুবা ত্রিব্যুতরী ওইরিবা চিন্দাউন তুরেল (ম্যান্মারদা নিংথী তুরেল হায়না খঙনবা) অসিগী মায়কৈদা ম্যান্মারগী তামন্থীদগী চেনশিল্লি। তুরেল অসিনা ম্যান্মারগী খ্বাইদগী চাউবা তুরেল ওইরিবা ইরাবতী তুরেলদা অমুক তাশিল্লি। ইরাবতী তুরেলনা মখা তানা চেন্থদুনা মন্দলে চোক, প্রোমে অমসুং হিন্থাদাগুম্বা হিথাংফম কয়া ফাওদুনা চেল্লবা মতুংদা ইরাবতী দেলতা ফাওদুনা অন্দমান সমুদ্রদা তাখি। মসিগুম্বা ইচেল অসিনা অৱাং নোংপোক্তগী মালেমগী ত্রেদ রুত্তা কার্গো পুদুনা চৎপগী তোঙানবা পাম্বৈ অমা পীরিবনি।

***