حکومت ہند کے محکمہ  بائیو ٹیکنالوجی  کے ادارے بایو ٹیکنالوجی ریسرچ اینڈ انوویشن کونسل (بی آر آئی سی) کے ماتحت ادارے ٹرانسلیشنل ہیلتھ سائنس اینڈ ٹیکنالوجی انسٹی ٹیوٹ (ٹی ایچ ایس ٹی آئی) نے  اپنے کیمپس میں 14 جولائی 2024 کو ایک کامیاب صنعتی میٹنگ ایس وائی این سی ایچ این 2024 (این سی آر بائیوٹیک کلسٹر میں اعلیٰ معیار کے ڈیٹا اور مہارت کے لیے تعاون کے عناصر کے ذریعے تیار کردہ سائنس سے متعلق  ہم آہنگی) کی میزبانی کی۔ اس ایونٹ نے بائیو ٹیکنالوجی انڈسٹری کے  متعلقین جن میں اسٹارٹ اپس، قائم شدہ کمپنیوں اور پالیسی سازوں کے نمائندے شامل ہیں، کو ایک جگہ جمع ہونے کا موقع فراہم کیا۔ ایس وائی این سی ایچ این 2024   کا فوکس اکیڈمیا-انڈسٹری کے تعاون کو فروغ دینا اور مضبوط کرنا تھا، جس میں بائیو مینوفیکچرنگ کی ترقی کو آگے بڑھانے میں ٹی ایچ ایس ٹی آئی کے کردار پر خاص زور دیا گیا۔

پروفیسر ونود کے پال، رکن نیتی آیوگ اس موقع پر مہمان خصوصی تھے۔ پروفیسر پال نے ٹی ایچ ایس ٹی آئی اور ڈی بی ٹی  کی قیادت کی ایس وائی این سی ایچ این 2024  کی میزبانی کے لیے ان کی پہل کی ستائش کی۔ انہوں نے اکیڈمیا-انڈسٹری تعاون کے لیے حکومت کی مضبوط حمایت کا اظہار کیا، اور انھیں ہندوستان کی ترقی کے لیے ضروری قرار دیا۔ اس طرح کی شراکت داری کی فوری ضرورت پر زور دیتے ہوئے، پروفیسر پال نے 100 دن کے مشنوں پر زور دیا تاکہ بائیو انوویشن کو آگے بڑھایا جا سکے اور بھارت کو ایک عالمی سپلائی چین لیڈر کے طور پر قائم کیا جا سکے، جو آتم نربھر بھارت ویژن کے ساتھ ہم آہنگ ہو۔

انڈین کونسل آف میڈیکل ریسرچ (آئی سی ایم آر) کے سابق ڈائریکٹر جنرل پروفیسر نرمل کے گنگولی مہمان خصوصی تھے۔ اپنے خطاب میں، پروفیسر گنگولی نے میڈیکل بائیو ٹیکنالوجی کے میدان میں تعلیمی اور صنعتی شعبوں کے درمیان تعاون کی اہمیت پر روشنی ڈالی۔ انہوں نے بائیو انوویشن اور بائیو مینوفیکچرنگ پر مشترکہ توجہ کے ساتھ الگ الگ شعبوں کے متعلقین کو اکٹھا کرنے میں ٹی ایچ ایس ٹی آئی کی کوششوں کی تعریف کی۔

ٹی ایچ ایس ٹی آئی کے ایگزیکٹیو ڈائریکٹر پروفیسر گنیسن کارتیکیان نے اپنے خطاب میں ایس وائی این سی ایچ این 2024  کے پیچھے نظر آنے والے وژن اور ترجمے  پر مبنی تحقیق کو آگے بڑھانے میں صنعت کی شراکت داری کی اہمیت کو بیان کیا۔ پروفیسر کارتیکیان نے ٹی ایچ ایس ٹی آئی کی اپنی تحقیقی مہارت اور جدید سہولیات کو صنعتی شراکت داروں کو بااختیار بنانے اور مزید ترجمہی تحقیقی کوششوں سے فائدہ اٹھانے کے عزم پر زور دیا۔ انہوں نے ایس وائی این سی ایچ این 2024  کو سہولت فراہم کرنے میں ڈی بی ٹی کے تعاون کے لیے ان کا شکریہ ادا کیا۔

حاضرین سے اپنے خطاب میں، ڈاکٹر راجیش گوکھلے، ڈائرکٹر جنرل، بائیوٹیکنالوجی ریسرچ اینڈ انوویشن کونسل (بی آر آئی سی) اور سیکریٹری، بایوٹیکنالوجی ڈپارٹمنٹ نے ایس وائی این سی ایچ این 2024  کی میزبانی میں ٹی ایچ ایس ٹی آئی کی کوششوں کو سراہا جس میں اسٹیک ہولڈرز کے متنوع گروپ کو اکٹھا کیا گیا۔ انہوں نے بائیو انوویشن کے لیے اکیڈمی اور انڈسٹری کے تعاون کی اہمیت کو اجاگر کیا اور کہا کہ این سی آر بائیوٹیک کلسٹر صنعت کی ضروریات کو پورا کرنے کے لیے اچھی طرح سے لیس ہے۔

انڈسٹری میٹنگ کے دوران، صنعت اور اسٹارٹ اپس کے نمائندوں نے اکیڈمیا-صنعت کے اشتراک کے تناظر میں اپنی بصیرت کا اظہار کیا اور مختلف اسٹیک ہولڈرز کو اکٹھا کرنے کے لیے ٹی ایچ ایس ٹی آئی کے اقدام کو سراہا۔ صنعت کے کچھ اہم مقررین سیرم انسٹی ٹیوٹ آف انڈیا، پینسیا بائیوٹیک، ملٹینی بائیوٹیک، انڈین امیونولوجیکل لمیٹڈ، وغیرہ سے تھے۔

ایس وائی این سی ایچ این 2024  نے متوازی بریک آؤٹ سیشنز پر توجہ مرکوز کی تھی، جس میں صنعت کے نمائندوں اور ٹی ایچ ایس ٹی آئی کے پرنسپل تفتیش کاروں کے درمیان ون آن ون بات چیت کی حوصلہ افزائی کی گئی۔ مندوبین نے ٹی ایچ ایس ٹی آئی میں اپنی بات چیت کے دوران ٹی ایچ ایس ٹی آئی کی ریسرچ لیبارٹریز اور سہولیات کا دورہ بھی کیا۔

صنعت کے نمائندوں نے ٹی ایچ ایس ٹی آئی کے نوجوان محققین کے ساتھ بھی بات چیت کی اور ڈاکٹریٹ گریجویٹس کے لیے صنعت کی توقعات کے بارے میں قیمتی بصیرت فراہم کی۔

بی آر آئی سی کے بارے میں

بائیوٹیکنالوجی ڈپارٹمنٹ (ڈی بی ٹی)، وزارت سائنس اور ٹیکنالوجی نے کابینہ کی منظوری کے ساتھ، اپنے 13 خود مختار اداروں (اے آئی) کو شامل کیا ہے اور ایک خود مختار ادارہ، بائیو ٹیکنالوجی ریسرچ اینڈ انوویشن کونسل (بی آر آئی سی) کو رجسٹرڈ سوسائٹی کے طور پر تشکیل دیا ہے۔  بی آر آئی سی کا مقصد زیادہ سے زیادہ اثر کے لیے مختلف ڈی بی ٹی اداروں میں کام کرنے والے کثیر الضابطہ تحقیق، تربیت، اور اختراعی پروگراموں کو مربوط کرنا ہے اور ایسے ڈھانچے قائم کرنا ہے جو نظامی تعاون کی تعمیر، متضاد سمتوں کی نشاندہی کرنے اور ترجمہ اور اثاثہ منیٹائزیشن کے لیے ایک واضح راستہ متعین کرنے کے لیے موجودہ طاقتوں سے فائدہ اٹھاسکے۔

بی آر آئی سی- ٹی ایچ ایس ٹی آئی کے بارے میں

انسٹی ٹیوٹ سخت طبی تحقیقی صلاحیت کی تعمیر اور بینچ سے بیڈ سائڈ تک دریافتوں کی تیز تر منتقلی کے قابل بنا کر بنیادی دریافتوں کا ترجمہ کرنے کے لیے ایک محرک  کے طور پر کام کرتا ہے۔ ٹی ایچ ایس ٹی آئی فرید آباد میں این سی آر  بائیوٹیک سائنس کلسٹر کے اندر واقع ہے۔ انسٹی ٹیوٹ میں چار بنیادی سہولیات ہیں یعنی۔ چھوٹے جانوروں سے متعلق مرکز، ڈیٹا مینجمنٹ سینٹر، بائیو ریپوزٹری، اور بائیوسے لیبارٹری  شامل ہیں جو نہ صرف ٹی ایچ ایس ٹی آئی کے تحقیقی پروگراموں بلکہ این سی آر بائیوٹیک سائنس کلسٹر اور دیگر تعلیمی اور صنعتی شراکت داروں کی بھی خدمت کرتی ہے۔

۔۔۔۔۔۔۔۔۔۔۔

ش ح۔م م ۔ن ا۔

U- 8330