ماہی گیری، مویشی پروری اور  ڈیری کی وزارت کے ماہی گیری محکمے نے آج مدورائی، تمل ناڈو میں فشریز سمر میٹ 2024 کا انعقاد کیا۔ فشریز سمر میٹ 2024 کا مقصد ماہی گیری ک ے شعبے میں مچھلی پالن کرنے والوں، آبی ذرائع  کے کاروباریوں  اور     ماہی گیروں کے رول کو  اجاگر کرنا ہے اور  سیکٹر کے بارے میں معلومات کو عام کرنا ہے۔

پردھان منتری متسیہ سمپدا یوجنا (پی ایم ایم ایس وائی) کے تعاون کے ساتھ 19 ریاستوں ؍ یوٹی پر محیط  اور 114 کروڑ روپے کی سرمایہ کاری    والے 312 ماہی گیری پر وجیکٹوں کا مرکزی وزیر جناب راجیو رنجن سنگھ عرف  للن سنگھ نے افتتاح کیا۔ اس موقع پر ان کے ہمراہ      پروفیسر  ایس پی سنگھ بگھیل ، وزیر مملکت  ایم او ایف اے ایچ اینڈ ڈی اور  اقلیتی امور  کی وزارت میں وزیر مملکت     جناب  جارج کورین تھے۔

مرکزی وزیر جناب راجیو رنجن سنگھ عرف    للن سنگھ کے ماہی گیری کے شعبے میں  مختلف فریقوں کے رول کی اہمیت پر روشنی ڈالی اور پی ایم ایم ایس وائی    اسکیم پر عمل درآمد کے بارے میں بتایا، جس کا مقصد  جدید ٹیکنالوجی اور وسائل استعمال کر کے ماہی گیری کی پیداوار میں  اضافہ کرنا ہے۔ جناب سنگھ نے پیداوار میں اضافے کے لئے جن چیزوں    کو اہم بتایا، ان میں اعلیٰ قسم کے بیج اور ٹیکنالوجی کا امتزاج شامل ہیں۔

ماہی گیری، مویشی پروری اور ڈیری وزارت اور پنچایت راج وزارت میں وزیر مملکت پروفیسر ایس پی  سنگھ بگھیل نے مختلف ریاستوں کے افسران ااور     مستفیدین کے مابین جانکاری کے تبادلے کو سراہا۔   انہوں نے ہندوستان   کی معیشت کو    چمکانے میں   ماہی گیری کے شعبے کی اہمیت کا ذکر کیا۔  

ماہی گیری، مویشی پروری اور ڈیری وزارت اور    اقلیتوں کے امور کی وزارت میں  وزیر مملکت جناب جارج کورین  نے ہندوستانی ماہی گیری    شعبے کی حصولیابیوں کا ذکر کیا اور اندرون ملک      ماہی گیری پر خاص طور  سے روشنی ڈالی۔ 

اس موقع پر موجود ریاستی وزراء ماہی گیری نے اپنی ریاستوں میں ماہی گیری کے فروغ کے بارے میں بتایا۔ ان وزیروں نے  ان شعبوں کی نشاندہی  کی ، جہاں توجہ  مرکوز کرنا ہے۔ انہوں نے روایتی انداز میں ماہی گیری  کرنے والوں اور ان کے کنبوں کی بہبود کی اہمیت کو اجاگر کیا۔

جناب  ساگر مہرہ جوائنٹ  سکریٹری (آئی ایف) نے اس شعبے کی مجموعی ترقی پر روشنی ڈالی اور کلیدی توجہ والے مختلف شعبوں کی نشاندہی کی۔ انہوں نے پردھان منتری     متسیہ  کسان سمردھی یوجنا (پی ایم  -ایم کے ایس    ایس وائی) کے بارے میں جانکاری دی، جو پی ایم ایم ایس وائی کے تحت ایک   ذیلی اسکیم ہے۔

مختلف ریاستوں/ مرکز کے زیر انتظام علاقوں كے استفادہ کنندگان جیسے جناب ہریندر رابھا، آسام، جناب پریم شنکر، بہار، جناب پورنیما ساہو، چھتیس گڑھ، جناب کلیمنٹ فرنینڈس، گوا، جناب ونود کمار، ہماچل پردیش، محترمہ شفا جوہر حکیم، مہاراشٹر، محترمہ  گیتا سکسینہ، اتر پردیش، جناب ہجیرومابی ایم، لکشدیپ، جناب نتیش کمار، کرناٹک اور جناب نشانت کمار، جھارکھنڈ نے مرکزی وزیر جناب راجیو رنجن سنگھ کے ساتھ بات چیت کی۔ فائدہ اٹھانے والوں نے اپنے تجربات پر تبادلہ خیال کیا، اپنے مسائل کو اجاگر کیا اور محكمے کی کوششوں کو سراہا۔ انہوں نے اس بات پر بھی روشنی ڈالی کہ کسان کریڈٹ کارڈ (كے سی سی) کی شکل میں حاصل کی گئی حمایت اور پی ایم ایم ایس واءی کے تحت مالی امداد نے ان کے اقدامات اور کاروبار کو کامیاب بنانے میں ان کی مدد کی اور مدد کی۔

آئی سی اے آر کے ڈی ڈی جی (فشریز) ڈاکٹر جے کے جینا نے ماہی پروری اور آبی زراعت میں کی جانے والی تحقیق اور ترقی کے اقدامات پر ایک پریزنٹیشن دی۔

اس کے بعد ایک بحث ہوئی جس میں مختلف ریاستوں کے نمائندوں نے اپنے اپنے خیالات پیش کئے۔ اس موقع پر موجود سینئر افسران میں جناب راجیو رنجن، پرنسپل سکریٹری، ہریانہ، جناب تھیرو تھے۔ شونچوننگم جتک چیرو، کمشنر آف فشریز، تمل ناڈو، جناب ابو بکر صدیقی پی، سکریٹری، فشریز، جھارکھنڈ، جناب نندنی پالیوال، کمشنر-کم-سکریٹری انڈمان نیکوبار جزیرہ، جناب ای والاوان، سکریٹری، گوا شامل تھے۔ بات چیت کے دوران جو فوکس ایریاز اور ترجیحات سامنے آئیں ان میں بنیادی ڈھانچے کو مضبوط بنانا، ماہی گیری کے ایک جامع ڈیٹا بیس کو برقرار رکھنا، ماہی گیروں اور فش فارمرز کے لیے کے سی سی حاصل کرنے میں آسانی، معیاری بیج کی دستیابی، ریاستی حکومتوں کے ساتھ بہتر تال میل، سیاحت کو فروغ دینا وغیرہ شامل ہیں۔

اس طرح فشریز سمر میٹ 2024 کے دوران سامنے آنے والے مشاہدات سے مرکز اور ریاستوں نیز مرکز کے زیر انتظام علاقوں میں ترجیحات کے تعین میں اہم کردار ادا کرنے کی امید ہے۔ اس كا مقصد پروجیکٹوں کا کامیاب نفاذ اور ہندوستانی ماہی گیری کے شعبے کی پائیدار، مساوی اور جامع ترقی کے لیے شعبہ جاتی ضروریات اور ترجیحات کی نشاندہی کرنا ہے۔

***

ش ح۔ ع س۔ ک ا