ساگرمالا پروگرام کے تحت، بندرگاہوں، جہاز رانی اور آبی گزرگاہوں کی وزارت(ایم او پی ایس ڈبلیو) ، لوتھل، گجرات میں ایک نیشنل میری ٹائم ہیریٹیج کمپلیکس (این ایم ایچ سی) تیار کر رہی ہے۔ اس عالمی معیار کی سہولت کا مقصد ایک بین الاقوامی سیاحتی مقام بنانا ہے، جو جدید ترین ٹیکنالوجی کا استعمال کرتے ہوئے ایک ایڈوٹینمنٹ اپروچ کے ذریعے قدیم سے جدید دور تک ہندوستان کے سمندری ورثے کی نمائش کرتا ہے۔ ساگرمالا، ایم او پی ایس ڈبلیو کے جوائنٹ سکریٹری کی زیر صدارت ایک آن سائٹ پروجیکٹ کی پیش رفت کا جائزہ اجلاس 11 جولائی 2024 کو گجرات کے لوتھل میں این ایم ایچ سی پروجیکٹ سائٹ پر منعقد ہوا۔ اس کے بعد 12 جولائی 2024 کو احمد آباد کے اسٹیٹ گیسٹ ہاؤس میں ایگزیکٹو کمیٹی کی میٹنگ ہوئی۔ ایم او پی ایس ڈبلیو، روڈ ٹرانسپورٹ اور ہائی ویز کی وزارت (ایم او آر ٹی ایچ)، ایم او سی، ایم او ڈی (نیوی اینڈ کوسٹ گارڈ)، ارتھ سائنسز کی وزارت (ایم او ای ایس) اور حکومت گجرات کے نمائندوں نے ان میٹنگوں میں شرکت کی۔

حکومت گجرات نے این ایم ایچ سی  کے لیے سراگ والا گاؤں میں 400 ایکڑ اراضی مختص کی ہے اور اس منصوبے کے لیے بیرونی انفراسٹرکچر کی ترقی کا کام بھی شروع کیا ہے۔ اس میں سراگ والا گاؤں سے این ایم ایچ سی  پروجیکٹ سائٹ تک 1.5 کلومیٹر سڑک کی تکمیل، 17 کلومیٹر ٹرانسمیشن لائنیں بچھانا، 66 کے وی جی آئی ایس  سب اسٹیشن کے سیٹ اپ کے لیے فنڈنگ، اور نرمدا واٹر سپلائی اور اسٹوریج ٹینک کی فراہمی شامل ہے۔ اس کے علاوہ، 150 کروڑ روپے بطور تعاون، اس منصوبے کے لیے بنیادی اندرونی انفراسٹرکچر کی ترقی کے لیے رکھے گئے ہیں۔

پروجیکٹ کے فیز کے1 کے لیے فزیکل پروگریس تقریباً 55فیصد ہے، جس میں تمام گیلری ٹینڈر پیکجز دے دیے گئے ہیں اور فیز بی1 کے لیے ٹینڈر جولائی 2024 تک جاری کیے جانے کی امید ہے۔ بقیہ مراحل کے لیے ٹینڈرنگ کا عمل فی الحال جاری ہے۔ میری ٹائم کمپلیکس دنیا کے بلند ترین لائٹ ہاؤس عجائب گھروں میں سے ایک، دنیا کی سب سے بڑی کھلی آبی گیلری، اور ہندوستان کا عظیم ترین بحریہ میوزیم پیش کرے گا، جو اسے ایک اہم بین الاقوامی سیاحتی مقام بنائے گا۔

یہ منصوبہ، جس کا آغاز مارچ 2022 میں ہوا تھا، تقریباً 4500 کروڑ روپے روپے کی لاگت سے تیار کیا جا رہا ہے اور اس میں کئی اختراعی اور منفرد خصوصیات شامل ہوں گی۔ ان میں ہڑپہ کے فن تعمیر اور طرز زندگی کو نقل کرنے کے لیے ایک لوتھل منی تفریح، چار تھیم پارکس (میموریل تھیم پارک، میری ٹائم اینڈ نیوی تھیم پارک، کلائمیٹ تھیم پارک، اور ایڈونچر اینڈ ایموزمنٹ تھیم پارک) اور چودہ گیلریاں جو ہڑپہ کے زمانے سے لے کر آج کے دن تک ہندوستان کے سمندری ورثے کو اجاگر کرتی ہیں۔اس کے علاوہ ، ہندوستان کی ریاستوں اور مرکز کے زیر انتظام علاقوں کے متنوع سمندری ورثے کو ظاہر کرنے والا ساحلی ریاستوں کا پویلین شامل  ہوگا۔

توقع ہے کہ اس منصوبے سے سیاحت کو نمایاں طور پر فروغ ملے گا اور خطے میں معاشی ترقی ہوگی۔

*****

U.No: 8287

 ش ح۔ام۔ن ا ۔