ਨੀਤੀ ਆਯੋਗ ਵਿਖੇ ਅਟਲ ਇਨੋਵੇਸ਼ਨ ਮਿਸ਼ਨ (ਏਆਈਐੱਮ) ਨੇ 5 ਜੁਲਾਈ 2024 ਨੂੰ ਕਮਿਊਨਿਟੀ ਇਨੋਵੇਟਰ ਫੈਲੋਜ਼ (ਸੀਆਈਐੱਫ) ਦੇ ਦੂਜੇ ਬੈਚ ਦੇ ਗ੍ਰੈਜੂਏਸ਼ਨ ਦਾ ਜਸ਼ਨ ਮਨਾਉਂਦੇ ਹੋਏ, ਇੱਕ ਮਹੱਤਵਪੂਰਨ ਮੌਕੇ ਨੂੰ ਚਿੰਨ੍ਹਤ ਕੀਤਾ ਹੈ। ਇਸ ਇਵੈਂਟ ਵਿੱਚ 'ਸਟੋਰੀਜ਼ ਆਫ਼ ਚੇਂਜ ਐਡੀਸ਼ਨ 2' ਦੀ ਸ਼ੁਰੂਆਤ ਨੂੰ ਵੀ ਚਿੰਨ੍ਹਿਤ ਕੀਤਾ, ਜੋ ਉਨ੍ਹਾਂ ਲੋਕਾਂ 'ਤੇ ਕੇਂਦ੍ਰਿਤ ਹੈ, ਜੋ ਦੁਨੀਆ ਨੂੰ ਇੱਕ ਬਿਹਤਰ ਸਥਾਨ ਬਣਾਉਣ ਲਈ ਲੋੜੀਂਦੀ ਤਬਦੀਲੀ ਕਰਨ ਲਈ ਆਪਣੇ ਜਨੂੰਨ ਨਾਲ ਜਿਊਣ ਦੀ ਹਿੰਮਤ ਰੱਖਦੇ ਹਨ। ਸਮੁੱਚੇ ਭਾਰਤ ਵਿੱਚ ਜ਼ਮੀਨੀ ਪੱਧਰ 'ਤੇ ਨਵੀਨਤਾ ਅਤੇ ਉੱਦਮੀ ਭਾਵਨਾ ਨੂੰ ਉਤਸ਼ਾਹਤ ਕਰਨ ਲਈ ਏਆਈਐੱਮ ਦੀ ਅਟੁੱਟ ਵਚਨਬੱਧਤਾ ਨੂੰ ਦਰਸਾਉਂਦੇ ਹੋਏ, ਭਾਗੀਦਾਰਾਂ ਨੇ ਇੱਕ ਪਰਿਵਰਤਨਸ਼ੀਲ ਯਾਤਰਾ ਦੀ ਸਮਾਪਤੀ ਦੇਖੀ। ਏਆਈਐੱਮ ਨੇ ਆਪਣੇ ਅਟਲ ਕਮਿਊਨਿਟੀ ਇਨੋਵੇਸ਼ਨ ਸੈਂਟਰ (ਏਸੀਆਈਸੀ) ਪ੍ਰੋਗਰਾਮ ਰਾਹੀਂ ਦੇਸ਼ ਦੇ ਗੈਰ-ਸੇਵਾ/ ਘੱਟ ਸੇਵਾ ਖੇਤਰਾਂ ਅਤੇ ਹਰ ਜ਼ਮੀਨੀ ਖੋਜਕਰਤਾ ਨੂੰ ਸਹਾਇਤਾ ਪ੍ਰਦਾਨ ਕਰਨ ਅਤੇ ਐੱਸਡੀਜੀ 2030 ਤੱਕ ਪਹੁੰਚਣ ਲਈ ਮਾਰਗ ਨੂੰ ਪੱਧਰਾ ਕਰਨ ਲਈ ਕੰਮ ਕਰਨ ਦੀ ਕਲਪਨਾ ਕੀਤੀ ਹੈ।

ਇਸ ਸਮਾਗਮ ਵਿੱਚ ਨਾਮਵਰ ਬੁਲਾਰਿਆਂ ਵਲੋਂ ਡੂੰਘੀ ਜਾਣਕਾਰੀ ਦਿੱਤੀ ਗਈ। ਕੈਪਜੇਮਿਨੀ ਇੰਡੀਆ ਦੇ ਵਾਈਸ ਪ੍ਰੈਜ਼ੀਡੈਂਟ ਅਤੇ ਸੀਐੱਸਆਰ ਆਗੂ ਅਨੁਰਾਗ ਪ੍ਰਤਾਪ ਸਿੰਘ ਨੇ ਸਥਾਨਕ ਨਵੀਨਤਾ ਅਤੇ ਸਮਾਜਿਕ ਤਰੱਕੀ ਨੂੰ ਚਲਾਉਣ ਵਿੱਚ ਸਹਿਯੋਗੀ ਭਾਈਵਾਲੀ ਦੀ ਉਤਪ੍ਰੇਰਕ ਭੂਮਿਕਾ 'ਤੇ ਜ਼ੋਰ ਦਿੱਤਾ।

ਇਹ ਇਨੋਵੇਟਰ ਨਾ ਸਿਰਫ਼ ਆਪਣੇ ਭਾਈਚਾਰਿਆਂ ਲਈ ਸਗੋਂ ਸਮੁੱਚੇ ਸਮਾਜ ਲਈ ਵੀ ਰੋਲ ਮਾਡਲ ਵਜੋਂ ਕੰਮ ਕਰਦੇ ਹਨ। ਸ਼੍ਰੀ ਸਿੰਘ ਨੇ ਕਿਹਾ ਕਿ ਮੈਨੂੰ ਹਰ ਇੱਕ ਕਾਰੋਬਾਰ ਦੀ ਖੁਸ਼ਹਾਲੀ ਨੂੰ ਦੇਖ ਕੇ ਬਹੁਤ ਖੁਸ਼ੀ ਹੁੰਦੀ ਹੈ, ਇਹ ਕੱਚੇ ਸੋਨੇ ਨੂੰ ਇੱਕ ਕੀਮਤੀ ਗਹਿਣੇ ਵਿੱਚ ਆਕਾਰ ਦੇਣ ਵਰਗਾ ਹੈ। ਇਹ ਸਫ਼ਰ ਸ਼ਲਾਘਾਯੋਗ ਰਿਹਾ ਹੈ, ਜੋ ਲਗਾਤਾਰ ਸਮਰਥਨ ਅਤੇ ਸਹੂਲਤ ਨਾਲ ਪ੍ਰਭਾਵਸ਼ਾਲੀ ਤਬਦੀਲੀ ਲਿਆਉਣ ਦੀ ਉਨ੍ਹਾਂ ਦੀ ਸਮਰੱਥਾ ਨੂੰ ਉਜਾਗਰ ਕਰਦਾ ਹੈ।

ਲੀਡ ਸੀਐੱਸਆਰ ਅਤੇ ਐੱਸਆਰਐੱਫ ਫਾਊਂਡੇਸ਼ਨ ਦੇ ਨਿਰਦੇਸ਼ਕ ਡਾ. ਸੁਰੇਸ਼ ਰੈੱਡੀ ਨੇ ਕਮਿਊਨਿਟੀ ਚੁਣੌਤੀਆਂ ਨਾਲ ਨਜਿੱਠਣ ਲਈ ਸਮਾਜਿਕ ਉੱਦਮਤਾ ਦੇ ਪ੍ਰਭਾਵ 'ਤੇ ਪ੍ਰਤੀਬਿੰਬਤ ਕੀਤਾ। ਉਨ੍ਹਾਂ ਟਿਕਾਊ ਤਬਦੀਲੀ ਪੈਦਾ ਕਰਨ ਲਈ ਉਨ੍ਹਾਂ ਦੇ ਨਵੀਨਤਾਕਾਰੀ ਹੱਲਾਂ ਅਤੇ ਸਮਰਪਣ ਲਈ ਸੀਆਈਐੱਫ ਦੀ ਸ਼ਲਾਘਾ ਕੀਤੀ।

ਇਸਦੀਆਂ ਮੁੱਖ ਕਦਰਾਂ ਕੀਮਤਾਂ "ਆਪਣਾ ਮਾਲਕ ਆਪ ਬਣਨਾ" ਹੈ। ਨੀਤੀ ਆਯੋਗ ਨੇ ਏਟੀਐੱਲ, ਇਨਕਿਊਬੇਸ਼ਨ ਸੈਂਟਰਾਂ ਅਤੇ ਏਸੀਆਈਸੀ ਕੇਂਦਰਾਂ ਵਰਗੀਆਂ ਪਹਿਲਕਦਮੀਆਂ ਰਾਹੀਂ, ਕਮਿਊਨਿਟੀ ਬਿਲਡਿੰਗ ਨੂੰ ਉਤਸ਼ਾਹਿਤ ਕਰਨ ਲਈ ਜ਼ਮੀਨੀ ਪੱਧਰ ਤੋਂ ਸ਼ੁਰੂਆਤ ਕਰਨ ਲਈ ਕਾਫ਼ੀ ਮੌਕੇ ਪ੍ਰਦਾਨ ਕੀਤੇ ਹਨ। ਡਾ. ਰੈੱਡੀ ਨੇ ਕਿਹਾ ਕਿ ਇਕੱਠੇ ਹੋ ਕੇ, ਨਾ ਕਿ ਅਲੱਗ-ਥਲੱਗ, ਅਸੀਂ ਸਥਿਰਤਾ ਨੂੰ ਉਤਸ਼ਾਹਿਤ ਕਰ ਸਕਦੇ ਹਾਂ, ਨਵੀਨਤਾ ਨੂੰ ਵਧਾ ਸਕਦੇ ਹਾਂ ਅਤੇ ਇੱਕ ਮਜ਼ਬੂਤ, ਪ੍ਰਤੀਰੋਧੀ ਰਾਸ਼ਟਰ ਦਾ ਨਿਰਮਾਣ ਕਰ ਸਕਦੇ ਹਾਂ।

ਮਿਸ਼ਨ ਡਾਇਰੈਕਟਰ, ਏਆਈਐੱਮ ਡਾ. ਚਿੰਤਨ ਵੈਸ਼ਨਵ ਨੇ ਟੀਅਰ 2 ਅਤੇ ਟੀਅਰ 3 ਸ਼ਹਿਰਾਂ ਵਿੱਚ ਨਵੀਨਤਾਵਾਂ ਨੂੰ ਸਮਰੱਥ ਬਣਾਉਣ ਲਈ ਸੀਆਈਐੱਫ ਪ੍ਰੋਗਰਾਮ ਦਾ ਜਸ਼ਨ ਮਨਾਉਂਦੇ ਹੋਏ ਇੱਕ ਮੁੱਖ ਭਾਸ਼ਣ ਦਿੱਤਾ। ਉਨ੍ਹਾਂ ਟਿਕਾਊ ਵਿਕਾਸ ਦੇ ਸਿਧਾਂਤਾਂ ਨਾਲ ਡੂੰਘਾਈ ਨਾਲ ਗੂੰਜਦੇ ਹੋਏ, ਸਿਹਤ ਸੰਭਾਲ, ਸਿੱਖਿਆ, ਖੇਤੀਬਾੜੀ ਅਤੇ ਵਿੱਤੀ ਸੇਵਾਵਾਂ ਵਿੱਚ ਹੱਲਾਂ ਨੂੰ ਅੱਗੇ ਵਧਾਉਣ ਵਿੱਚ ਪ੍ਰੋਗਰਾਮ ਦੀ ਮਹੱਤਵਪੂਰਨ ਭੂਮਿਕਾ ਨੂੰ ਰੇਖਾਂਕਿਤ ਕੀਤਾ।

ਡਾ. ਚਿੰਤਨ ਵੈਸ਼ਨਵ ਨੇ ਕਿਹਾ, “ਅਸੀਂ ਹੁਣ ਮਜ਼ਬੂਤ ​​ਸੰਸਥਾਵਾਂ ਦੀ ਸਥਾਪਨਾ ਕੀਤੀ ਹੈ, ਜੋ ਅਕਾਦਮਿਕਤਾ ਦੇ ਨਾਲ ਵਪਾਰਕ ਪ੍ਰਫੁੱਲਤ ਨੂੰ ਸਹਿਜੇ ਹੀ ਜੋੜਦੀਆਂ ਹਨ। ਇਹ ਚੰਗੀ ਤਰ੍ਹਾਂ ਤਿਆਰ ਕੀਤਾ ਗਿਆ ਪ੍ਰੋਜੈਕਟ ਉੱਤਮਤਾ ਦਾ ਮਾਡਲ ਬਣਨ ਦੀ ਇੱਛਾ ਰੱਖਦਾ ਹੈ। ਉਨ੍ਹਾਂ ਕਿਹਾ, "ਕੀ ਕਮਿਊਨਿਟੀ ਇਨੋਵੇਟਰ ਨੂੰ ਵੱਖਰਾ ਕਰਦੀ ਹੈ, ਉਨ੍ਹਾਂ ਦਾ ਕਮਿਊਨਿਟੀ ਮੁੱਦਿਆਂ ਨਾਲ ਡੂੰਘਾ ਸਬੰਧ ਅਤੇ ਸਮਝ ਹੈ। ਇਹ ਪਹਿਲਕਦਮੀ ਨਵੀਨਤਾ ਅਤੇ ਸ਼ੁਰੂਆਤ ਵਿੱਚ ਰਵਾਇਤੀ ਸੀਮਾਵਾਂ ਤੋਂ ਪਾਰ ਜਾਣ ਲਈ ਉਤਸੁਕ ਨੌਜਵਾਨਾਂ ਦੀਆਂ ਇੱਛਾਵਾਂ ਨੂੰ ਹਾਸਲ ਕਰਦੀ ਹੈ। ਇਹ ਕਠੋਰਤਾ ਅਤੇ ਪ੍ਰਾਸੰਗਿਕਤਾ ਦੋਵਾਂ ਨੂੰ ਦਰਸਾਉਂਦਾ ਹੈ, ਇਸਦੇ ਮਿਸ਼ਨ ਅਤੇ ਪ੍ਰਭਾਵ ਵਿੱਚ ਸੱਚਮੁੱਚ ਪ੍ਰੇਰਣਾਦਾਇਕ ਹੈ। ” 

ਇਸ ਸਮਾਗਮ ਦੀ ਸਮਾਪਤੀ 'ਸਟੋਰੀਜ਼ ਆਫ਼ ਚੇਂਜ ਐਡੀਸ਼ਨ 2' ਦੇ ਲਾਂਚ ਦੇ ਨਾਲ ਹੋਈ, ਇਹ ਸੰਗ੍ਰਹਿ ਏਆਈਐੱਮ ਈਕੋਸਿਸਟਮ ਦੇ ਅੰਦਰ ਜ਼ਮੀਨੀ ਪੱਧਰ ਦੇ ਨਵੀਨਤਾਵਾਂ ਦੇ ਮਨਮੋਹਕ ਬਿਰਤਾਂਤਾਂ ਨੂੰ ਪ੍ਰਦਰਸ਼ਿਤ ਕਰਦਾ ਹੈ, ਹਰ ਇੱਕ ਕਹਾਣੀ ਲਚਕੀਲੇਪਨ, ਰਚਨਾਤਮਕਤਾ ਅਤੇ ਬਦਲਾਅ ਪੂਰਨ ਪ੍ਰਭਾਵ ਦਾ ਪ੍ਰਮਾਣ ਹੈ।

ਐੱਸਓਸੀ ਬਾਰੇ (ਸਟੋਰੀਜ਼ ਆਫ਼ ਚੇਂਜ ਸੀਜ਼ਨ 2)

ਸੰਗ੍ਰਹਿ ਦੀਆਂ ਕੁਝ ਵਿਲੱਖਣ ਕਹਾਣੀਆਂ ਵਿੱਚ ਸ਼ਾਮਲ ਹਨ:

ਸਟੈਨਜਿਨ ਜੌਰਡਨ ਦੀ ਲੱਦਾਖ ਬਾਸਕੇਟ ਪਹਿਲਕਦਮੀ ਸਥਾਨਕ ਕਾਰੀਗਰੀ ਅਤੇ ਟਿਕਾਊ ਰੋਜ਼ੀ-ਰੋਟੀ ਨੂੰ ਉਤਸ਼ਾਹਿਤ ਕਰਕੇ ਲੱਦਾਖ ਦੀ ਅਮੀਰ ਸੱਭਿਆਚਾਰਕ ਵਿਰਾਸਤ ਦਾ ਜਸ਼ਨ ਮਨਾਉਂਦੀ ਹੈ। ਕਿਸਾਨਾਂ ਅਤੇ ਕਾਰੀਗਰਾਂ ਦੇ ਸਹਿਯੋਗ ਨਾਲ, ਲੱਦਾਖ ਬਾਸਕੇਟ ਸਵਦੇਸ਼ੀ ਉਤਪਾਦਾਂ ਦਾ ਪ੍ਰਦਰਸ਼ਨ ਕਰਦੀ ਹੈ, ਜੋ ਪ੍ਰਮਾਣਿਕਤਾ ਅਤੇ ਗੁਣਵੱਤਾ ਨਾਲ ਸਬੰਧਤ ਹਨ।

ਯੋਸ਼ਾ ਗੁਪਤਾ ਦੁਆਰਾ ਮੁੰਬਈ ਵਿੱਚ ਸਥਾਪਿਤ ਕੀਤੀ ਗਈ ਮੇਮੇਰਾਕੀ, ਭਾਰਤ ਦੀਆਂ ਵਿਰਾਸਤੀ ਕਲਾਵਾਂ ਨੂੰ ਮੁੜ ਸੁਰਜੀਤ ਕਰਨ ਲਈ ਪਰੰਪਰਾਗਤ ਕਾਰੀਗਰੀ ਦੇ ਨਾਲ ਤਕਨਾਲੋਜੀ ਨੂੰ ਮਿਲਾਉਂਦੀ ਹੈ। ਇਹ 'ਸਭਿਆਚਾਰ-ਤਕਨੀਕੀ' ਪਲੇਟਫਾਰਮ ਕਾਰੀਗਰਾਂ ਨੂੰ ਉਨ੍ਹਾਂ ਦੇ ਹੁਨਰਾਂ ਨੂੰ ਡਿਜੀਟਲਾਈਜ਼ ਕਰਕੇ, ਗਲੋਬਲ ਐਕਸਪੋਜ਼ਰ ਦੀ ਪੇਸ਼ਕਸ਼ ਕਰਕੇ ਅਤੇ ਟਿਕਾਊ ਆਰਥਿਕ ਮੌਕੇ ਪੈਦਾ ਕਰਕੇ ਸ਼ਕਤੀ ਪ੍ਰਦਾਨ ਕਰਦਾ ਹੈ।

ਰਾਂਚੀ ਅਤੇ ਬਾਂਕੁਰਾ ਵਿੱਚ ਅਤੁਲ ਕੁਮਾਰ ਦੀ ਸ਼ਿਲਪਕਾਰੀ ਪਹਿਲਕਦਮੀ ਕਬਾਇਲੀ ਕਾਰੀਗਰਾਂ ਨੂੰ ਉਨ੍ਹਾਂ ਦੇ ਹੱਥਾਂ ਨਾਲ ਬਣੇ ਸ਼ਿਲਪਕਾਰੀ ਲਈ ਇੱਕ ਪਲੇਟਫਾਰਮ ਪ੍ਰਦਾਨ ਕਰਕੇ ਸਹਾਇਤਾ ਕਰਦੀ ਹੈ। ਢੋਕੜਾ ਕਲਾ ਤੋਂ ਲੈ ਕੇ ਬਾਂਸ ਦੀ ਸ਼ਿਲਪਕਾਰੀ ਤੱਕ, ਸ਼ਿਲਪਕਾਰੀ ਕਲਾਤਮਕ ਪ੍ਰਗਟਾਵੇ ਨੂੰ ਉਤਸ਼ਾਹਿਤ ਕਰਦੇ ਹੋਏ ਅਤੇ ਰੋਜ਼ੀ-ਰੋਟੀ ਪੈਦਾ ਕਰਦੇ ਹੋਏ ਸੱਭਿਆਚਾਰਕ ਪਰੰਪਰਾਵਾਂ ਨੂੰ ਸੁਰੱਖਿਅਤ ਰੱਖਦੀ ਹੈ।

ਮਣੀਪੁਰ ਵਿੱਚ ਬੀਰੇਨ ਸਿੰਘ ਦੀ ਪਾਵਰ ਹੈਂਡਲੂਮ ਇਨੋਵੇਸ਼ਨ ਰਵਾਇਤੀ ਫੈਬਰਿਕ ਉਤਪਾਦਨ ਨੂੰ ਆਧੁਨਿਕ ਬਣਾਉਂਦੀ ਹੈ। ਇਹ ਕ੍ਰਾਂਤੀਕਾਰੀ ਮਸ਼ੀਨ ਸਦੀਆਂ ਪੁਰਾਣੀ ਬੁਣਾਈ ਤਕਨੀਕਾਂ ਦਾ ਸਨਮਾਨ ਕਰਦੇ ਹੋਏ, ਸਥਾਨਕ ਬੁਣਕਰਾਂ ਨੂੰ ਸ਼ਕਤੀ ਪ੍ਰਦਾਨ ਕਰਨ ਅਤੇ ਖੇਤਰੀ ਟੈਕਸਟਾਈਲ ਉਦਯੋਗ ਨੂੰ ਹੁਲਾਰਾ ਦਿੰਦੇ ਹੋਏ ਉਤਪਾਦਕਤਾ ਨੂੰ ਵਧਾਉਂਦੀ ਹੈ।

ਗੋਰਖਪੁਰ ਤੋਂ ਰਾਮ ਮਿਲਨ ਦੀ ਹੁਸ਼ਿਆਰ ਸਾਈਕਲ ਡ੍ਰਾਈਵਨ ਰਾਈਸ ਡੀਈ ਹਸਕਿੰਗ ਮਸ਼ੀਨ, ਪੇਂਡੂ ਭਾਰਤ ਦੀ ਬਿਜਲੀ ਤੋਂ ਬਿਨਾਂ ਕੁਸ਼ਲ ਚੌਲਾਂ ਦੀ ਫੱਕ ਦੀ ਜ਼ਰੂਰਤ ਨੂੰ ਪੂਰਾ ਕਰਦੀ ਹੈ। ਇਹ ਪੈਡਲ-ਸੰਚਾਲਿਤ ਨਵੀਨਤਾ ਨਾ ਸਿਰਫ਼ ਕਿਸਾਨਾਂ ਦੇ ਸਮੇਂ ਅਤੇ ਮਜ਼ਦੂਰੀ ਦੀ ਬਚਤ ਕਰਦੀ ਹੈ ਸਗੋਂ ਟਿਕਾਊ ਖੇਤੀਬਾੜੀ ਅਭਿਆਸਾਂ ਨੂੰ ਵੀ ਉਤਸ਼ਾਹਿਤ ਕਰਦੀ ਹੈ।

ਇਹ ਸਮਾਗਮ ਸੀਆਈਐੱਫ ਅਤੇ ਨਵੀਨਤਾਕਾਰਾਂ ਦੇ ਪ੍ਰਤੀਬਿੰਬਾਂ ਨਾਲ ਸਮਾਪਤ ਹੋਇਆ, ਜਿਨ੍ਹਾਂ ਨੇ ਆਪਣੇ ਉੱਦਮੀ ਸਫ਼ਰਾਂ ਬਾਰੇ ਨਿਜੀ ਕਹਾਣੀਆਂ ਅਤੇ ਸਮਝ ਸਾਂਝੀ ਕੀਤੀ। ਉਨ੍ਹਾਂ ਦੀਆਂ ਕਹਾਣੀਆਂ ਉਮੀਦ, ਪ੍ਰਤੀਰੋਧਕਤਾ ਅਤੇ ਜ਼ਮੀਨੀ ਪੱਧਰ ਦੀਆਂ ਕਾਢਾਂ ਦੀ ਬਦਲਾਅ ਪੂਰਨ ਸ਼ਕਤੀ ਦਾ ਇੱਕ ਸ਼ਾਨਦਾਰ ਸੁਨੇਹਾ ਹਨ।

 ਅਟਲ ਇਨੋਵੇਸ਼ਨ ਮਿਸ਼ਨ ਬਾਰੇ:

ਅਟਲ ਇਨੋਵੇਸ਼ਨ ਮਿਸ਼ਨ, ਨੀਤੀ ਆਯੋਗ ਦੁਆਰਾ ਇੱਕ ਪ੍ਰਮੁੱਖ ਪਹਿਲਕਦਮੀ, ਜੋ ਭਾਰਤ ਭਰ ਵਿੱਚ ਨਵੀਨਤਾ-ਸੰਚਾਲਿਤ ਉੱਦਮਤਾ ਨੂੰ ਪ੍ਰੇਰਿਤ ਕਰਦਾ ਹੈ। ਨਵੀਨਤਾਵਾਂ ਨੂੰ ਸ਼ਕਤੀ ਪ੍ਰਦਾਨ ਕਰਨ ਅਤੇ ਸਹਿਯੋਗੀ ਈਕੋਸਿਸਟਮ ਨੂੰ ਉਤਸ਼ਾਹਿਤ ਕਰਨ ਦੁਆਰਾ, ਏਆਈਐੱਮ ਸਮਾਜਕ ਤਰੱਕੀ ਨੂੰ ਤੇਜ਼ ਕਰਦਾ ਹੈ ਅਤੇ ਨਵੀਨਤਾ ਉੱਤਮਤਾ ਦੁਆਰਾ ਪਰਿਭਾਸ਼ਿਤ ਭਵਿੱਖ ਦਾ ਨਿਰਮਾਣ ਕਰਦਾ ਹੈ।

*****

ਡੀਐੱਸ/ਐੱਸਆਰ/ਬੀਐੱਮ