ইন্দিয়া-মঙ্গোলিয়া জোইন্ত মিলিতরী এক্সরসাইজ নোমেদিক এলিফেন্তগী ১৬শুবা এদিসন ঙসি ফোরেন ত্রেনিং নোদ, উমরোই (মেঘলয়া)দা হৌখ্রে। এক্সরসাইজ অসি ২০২৪গী জুলাই ৩দগী জুলাই ১৬ ফাওবা চত্থগনি।

সিক্কিম স্কাউতকী বতালিয়ন অমনা অতোপ্পা আর্ম অমসুং সর্বিসেসতগী পর্সোনেলশিংগা লোয়ননা পর্সোনেল ৪৫গী ওইবা ভারতকী কাংলুপ রিপ্রজেন্ত তৌরি। মঙ্গোলিয়ন আর্মীগী ১৫০ ক্বিক রিএক্সন ফোর্স বতালিয়নদগী পর্সোনেলশিংনা মঙ্গোলিয়াগী কাংলুপ রিপ্রজেন্ত তৌরি। এক্সরসাইজ নোমেদিক এলিফেন্ত অসি ভারত অমসুং মঙ্গোলিয়াদা শিন্ন-শিন্ন পাংথোকপা চহিগী ত্রেনিং থৌরম অমনি। মমাংগী এদিসন ২০২৩গী জুলাইদা মঙ্গোলিয়াগা পাংথোকখি।

এক্সরসাইজ নোমেদিক এলিফেন্ত হৌদোকপগী থৌরমদা ভারত্তা মঙ্গোলিয়াগী এম্বাসেদর শ্রী দম্বাজাব্যন গানবোল্দ অমসুং ভারত লান্মীগী জেনরেল ওফিসর কমান্দিং ৫১ সব এরিয়া, মেজর জেনরেল প্রসন্না জোশিনা শরুক য়াখি।

এক্সরসাইজ অসিগী পান্দমদি য়ুনাইতেদ নেসন্স মেন্দেৎকী চেপ্তর VIIগী মখাদা সব কনভেস্নেল সেনেরিয়ো অমদা কাউন্তর ইন্সরজেন্সী ওপরেসনশিং চত্থনবা নাকল অনিমক্কী জোইন্ত মিলিতরী কেপেবিলিতী হেনগৎহনবনি। এক্সরসাইজ অসিনা সেমি-অর্বান অমসুং চিংগী লমদা ওপরেসনশিং ফোকস তৌগনি।

এক্সরসাইজ মনুংগী তেক্তিকেল দ্রিলশিংদা তেরোরিস্ত এক্সন রেস্পোন্স তৌবা, জোইন্ত কমান্দ পোস্ত অমা শেমগৎপা, ইন্তেলিজেন্স অমসুং সর্ভিলেন্স সেন্তর অমা শেমগৎপা, হেলিপেদ/লেন্দিং সাইত অমা সেক্যুর তৌবা, স্মোল তিম ইন্সরসন অমসুং এক্সত্রেক্সন, স্পিসিয়েল হেলিবোর্ন ওপরেসনশিং, দ্রোন শিজিন্নদুনা কোর্দোন অমসুং সর্স ওপরেসন চত্থবা অমসুং কাউন্তর দ্রোন সিস্তেম অসিনচিংবা অতোপ্পা কয়া অমা য়াওরি। মঙ্গোলিয়া আর্ম ফোর্সেসকী চিফ জেনরেল স্তাফ, মেজর জেনরেল গ্যানব্যাম্বা সনরেবনা ভারত লান্মীগী জেনরেল ওফিসর কমান্দিং ৩৩ কোর্পস, লেফতনেন্ত জেনরেল জুবিন এ মিনৱালাগা লোয়ননা ২০২৪গী জুলাই ১৬দা লোইশিনবগী থৌরমদা শরুক য়াগনি।

এক্সরসাইজ নোমেদিক এলিফেন্তনা নাকল অনিমকপু তেক্তিস, তেক্নিক অমসুং জোইন্ত ওপরেসনশিং চত্থবগী প্রোসেদ্যুরশিংদা মখোয়গী খ্বাইদগী ফবা প্রেক্তিসশিং শেয়র তৌবা ঙমহল্লগনি। এক্সরসাইজ অসিনা আর্মী অনি অসিগী মরক্তা ইন্তর-ওপরেবিলিতী, বোনহোমি অমসুং কেমেরাদেরী দিবেলু তৌবসু ঙমহল্লগনি। মসিনা মরুপ ওইবা লৈবাক অনিগী মরক্তা দিফেন্স কোওপরেসনগী থাক হেনগৎহন্দুনা নাককল অনিগী ওইবা মরীসু মখা তানা চেৎশিলহল্লগনি।

****