ہند-منگولیا مشترکہ فوجی مشق نومیڈک ایلیفنٹ  کے 16ویں ایڈیشن کا آج، فار ن  ٹریننگ نوڈ، امروئی (میگھالیہ) میں آغاز ہوا۔ یہ مشق 3 سے 16 جولائی 2024 تک منعقد کی جائے گی۔

45 اہلکاروں پر مشتمل ہندوستانی دستے کی نمائندگی سکم اسکاؤٹس کی ایک بٹالین کے ذریعہ کی جارہی ہے جس میں دیگر افواج اور خدمات  کے اہلکار بھی شامل ہیں۔ منگول دستے کی نمائندگی منگولیائی فوج کی 150 کوئیک ری ایکشن فورس بٹالین کے اہلکار کر رہے ہیں۔ نومیڈک ایلیفنٹ مشق ایک سالانہ تربیتی پروگرام ہے جو متبادل طور پر ہندوستان اور منگولیا میں منعقد کیا جاتا ہے۔ آخری ایڈیشن منگولیا میں جولائی 2023 میں منعقد کیا گیا تھا۔

نومیڈک ایلیفنٹ  مشق کی افتتاحی تقریب میں ہندوستان میں منگولیا کے سفیر محترم جناب ڈیمب جاوین گانبولڈ اور ہندوستانی فوج کے 51 سب ایریا کے جنرل آفیسر کمانڈنگ میجر جنرل پرسن جوشی نے شرکت کی۔

مشق کا مقصد اقوام متحدہ کے مینڈیٹ کے باب VII کے تحت سب کنوینشنل  منظر نامے میں شورش کے خلاف کارروائیوں کے لیے دونوں فریقوں کی مشترکہ فوجی صلاحیت کو بڑھانا ہے۔ مشق نیم شہری اور پہاڑی علاقوں میں آپریشنز پر توجہ مرکوز کرے گی۔

مشق کے دوران ٹیکٹیکل مشقوں میں دہشت گردی کی کارروائی کا جواب، مشترکہ کمانڈ پوسٹ کا قیام، ایک انٹیلی جنس اور نگرانی مرکز کا قیام، ہیلی پیڈ/ لینڈنگ سائٹ کی حفاظت، چھوٹی ٹیم کا اندراج اور نکالنا، خصوصی ہیلی بورن آپریشنز، کورڈن سائیڈ اور سرچ آپریشن شامل ہیں۔ اس میں ڈرون اور کاؤنٹر ڈرون سسٹم تعیناتی وغیرہ بھی شامل ہیں۔ منگولیا کی مسلح افواج کے چیف آف جنرل اسٹاف میجر جنرل گیانبیامبا سنریو 16 جولائی 2024 کو ہندوستانی فوج کی 33 کور کے جنرل آفیسر کمانڈنگ لیفٹیننٹ جنرل زوبن اے من والا کے ساتھ اختتامی تقریب میں شرکت کریں گے۔

نومیڈک ایلیفنٹ مشق دونوں فریقوں کو حکمت عملیوں، تکنیکوں اور مشترکہ کارروائیوں کے طریقہ کار میں اپنے بہترین  طور طریقوں کا اشتراک کرنے کے قابل بنائے گی۔ یہ مشق دونوں فوجوں کے درمیان باہمی تعاون، دوستی اور دوستی کو فروغ دینے کی  بھی سہولت فراہم کرے گی۔ اس سے دفاعی تعاون کی سطح میں بھی اضافہ ہوگا، جس سے دونوں دوست ممالک کے درمیان دوطرفہ تعلقات مزید آگے بڑھیں گے۔

*****

ش ح۔ م م۔ ج