দিফেন্স রিসর্চ অমসুং দিভেলপমেন্ত ওর্গনাইজেসন (দি.আর.দি.ও.)না আত্মানির্ভরতাদা শাফু পীবা ওইনা আর্ম্দ ফোর্স অমসুং এরোস্পেস অমদি দিফেন্স সেক্তরগী তঙাই ফদবা লৈরিবশিং মেনশিন্নবগীদমক্তা তেক্নোলোজী দিভেলপমেন্ত ফন্দ স্কিমগী মখাদা ইন্দস্ত্রীশিংদা অনৌবা প্রোজেক্ত তরেত পীথখ্রে। অয়াবা পীখ্রবা প্রোজেক্তশিংনা দিফেন্স অমসুং এরোস্পেস দোমেন্দা ইন্দস্ত্রী, মরু ওইনা এম.এস.এম.ই. অমসুং স্তার্তঅপশিং চাউখৎহন্নবা দি.আর.দি.ও.না লেপ্তনা হোৎনরিবা থৌওংশিংগী খুদম অমা ওইরি। তেক্নোলোজীশিং অসিবু লৈবাক অসিদা শেমগৎচবনা মিলিতরী ইন্দস্ত্রীএল ইকোসীস্তেমগী মপাঙ্গল হেনগৎহনগনি। অয়াবা পীখ্রবা প্রোজেক্তশিংগী অকুপ্পা মরোল মখাদা পীরি।

ইন্দিজিনিয়স সীনারিও অমসুং সেন্সর সাইম্যুলেসন তুলকিৎ

প্রোজেক্ত অসিদা তসেংবা ফিভমগা মান্নহন্দুনা পাইলোতশিংবু ত্রেনিং তৌনবা সাইম্যুলেতর লৈহন্নবগীদমক্তা লৈবাক মনুংদা তুলকিৎ শাবগী থৌওং য়াওরি। মসিনা মপুং ফানা মিসনগী থৌরাং য়াৎপা অমসুং ফোর্স মশিং য়াম্না শিজিন্নবদা তেংবাংগনি। প্রোজেক্ত অসি স্তার্তঅপ, ওক্সিজেন 2 ইন্নোভেসন প্রাইভেৎ লিমিতেদ, নোইদাদা পীবনি।

অন্দরৱাতর লোঞ্চ অনমেন্দ এরিএল ভেহিকল

লাল্লোংগী তোঙান-তোঙানবা মওংদা শিজিন্নবা য়াবা থৌওং য়াম্বা মেরিন বেত্তলফিল্দ এক্সেসরী কয়াগা প্রোজেক্ত অসিগা মরী লৈনৈ। মসিগী পান্দমদি ইন্তেল্লিজেন্স, সর্ভেলিএন্স অমসুং রিকন্নৈসেন্স (আই.এস.আর.) অমসুং মেরিতাইম দোমেন এৱিয়র্নেস (এম.দি.এ.) অসিনি। প্রোজেক্ত অসি সাগর দিফেন্স ইঞ্জিনিয়রিং প্রাইভেত লিমিতেদ, পুনেদা পীখ্রে।

লোং রেঞ্জ রীমোৎলী ওপরেতেদ ভেহিকল ফোর দিতেক্সন অমসুং ন্যুত্রেলাইজেসন

গারীশিং অসি দুএল-সীস্তেম্নি অমসুং মসিনা মরু ওইবা এসেৎশিংবু লান লৈ হায়না চিংনবা মফমশিংদগী লাপথোক্না থম্বগা লোয়ননা ঈশিং মনুংদা লৈবা পোৎলম কয়া মশক খঙদোকপা, মখল খঙদোকপা, মফম খঙদোকপা অমসুং মাঙ তাকহনবা ঙমগনি। প্রোজেক্ত অসি কোচীগী স্তার্তঅপ, আই.আর.ও.ভি. তেক্নোলোজীজ প্রাইভেত লিমিতেদকী মফমদা পীখ্রে।

এয়রক্রাফশিংগী আইস দিতেক্সন সেন্সর শাবা

প্রোজেক্ত অসিনা এয়রক্রাফকী মপান থংবা মমায়গা থেংনবা মতমদা কা হেন্না ঈংথরবা ঈশিং মরিক্না থোকহনবা আইসিং কন্দিসন ইনফ্লাইত থোক্লে হায়না মতাং চানা খঙহন্নবা অমসুং মদুগী মতুং ইন্না এয়রক্রাফ এন্তি-আইসিং মেকানিজম থাগৎপদা শিজিন্নগদবা পথাপ শেমগৎপগী পান্দম থম্লি। মসিদি বেঙ্গালুরুগী ক্রাফলোজিক লেব প্রাইভেত লিমিতেদকী মফমদা পীখ্রে।

এক্তিব এন্তেন্না এরে সাইম্যুলেতরগা লোয়নবা রাদার সিগ্নেল প্রোসেসর শাবা

প্রোজেক্ত অসিনা শোর্ত রেঞ্জ এরিএল ৱেপন সীস্তেম মখল কয়াগী তেস্ত অমসুং ইভালুএসনগীদমক্তা মলতিপল তার্গেত সীস্তেম শেমগৎপা ঙমহনগনি। মসিনা হেন্না চাউবা রাদার সীস্তেম শেমগৎপগী তঙাই ফদ্রবা মচঙ ওইনা মথৌ তৌগনি। প্রোজেক্ত অসি চেন্নৈগী দেতা পেত্তর্ন (ইন্দিয়া) লিমিতেদকী মফমদা পীখ্রবনি।

ইন্দিয়ন রীজনেল নেভিগেসন সেতিলাইত সীস্তেমদা য়ুম্ফম ওইবা তাইমিং একুইজিসন অমসুং দিসেমিনেসন সীস্তেম শাবা

প্রোজেক্ত অসি বেঙ্গালুরুগী এক্কোর্দ সোফৱেয়র অমসুং সীস্তেম প্রাইভেত লিমিতেদকী মফমদা পীখ্রবনি। মসিনা তাইমিং একুইজিসন অমসুং দিসেমিনেসন সীস্তেম লৈবাক মনুংদা শাজবা, রেঞ্জকী মথৌ তাবগী মতুং ইন্না ভারতকী কনস্তেলেসন শিজিন্নদুনা মতম লৌবা অমসুং কস্তমাইজ তৌরবা অমসুং মতাং খুদিংদা শিজিন্নবা য়াবা তাইমিং সীস্তেম শাবদা তেংবাংগনি।

মলতিফংস্নেল ৱিয়ারেবল এপ্লিকেসনগীদমক্তা গ্রাফীন্দা য়ুম্ফম ওইবা স্মার্ত অমসুং ই-তেক্সতাইল শাবা

কোইম্বাতোরগী স্তার্তঅপ, অলোহাতেক প্রাইভেত লিমিতেদকী মফমদা প্রোজেক্ত অসি পীখ্রে। মসিনা গ্রাফীন নেনোমেতরিএল অমসুং কন্দক্তিব ইঙ্ক শিজিন্নদুনা কন্দক্তিব য়ার্ন অমসুং ফেব্রিক মেকিং প্রোসেস শেম্বদা তেংবাংগনি। মসিদগী ফংগদৌরিবা পোত্থোক অসিদি প্রেক্তিকেল ক্লোথিং এপ্লিকেসনগী নুংগী ওইবা খুদোংচাবা কয়া শিজিন্নবা থাক ৱাংলবা নেনোকম্পোজিৎ মেতরিএলনা শাবা ই-তেক্সতাইল ওইগনি।

***