وزارت خزانہ کے مالیاتی خدمات (ڈی ایف ایس) کے سکریٹری ڈاکٹر وویک جوشی نے آج نئی دہلی میں پی ایم سوانیدھی، پی ایم وشوکرما اور جن سامرتھ پورٹل سمیت نجی شعبے کے بینکوں کے سینئر ایگزیکٹو کے ساتھ  مالی شمولیت کی اسکیموں کی پیش رفت اور کارکردگی پر ایک جائزہ میٹنگ کی صدارت کی۔

میٹنگ کے دوران ڈاکٹر جوشی نے پردھان منتری جن دھن یوجنا (پی ایم جے ڈی وائی)، پردھان منتری جیون جیوتی بیمہ یوجنا (پی ایم جے جے بی وائی)، پردھان منتری سرکشا بیمہ یوجنا (پی ایم ایس بی وائی)، اٹل پنشن یوجنا (اے پی وائی) ، پردھان منتری مدرا یوجنا (پی ایم ایم وائی)، اسٹینڈ اپ انڈیا، پی ایم اسٹریٹ وینڈرز آتما نربھر ندھی (پی ایم سوانیدھی ) وغیرہ سمیت مختلف مالیاتی شمولیت کی اسکیموں کے تحت پیش رفت کا جائزہ لیا۔  انہوں نے بینکوں سے محروم دیہاتوں میں بینکوں کی برک اینڈمورٹریعنی  روایتی شاخیں کھولنے کی پیش رفت اور بینک کے نمائندوں (بی سی) کی تعیناتی کی پیش رفت کا بھی جائزہ لیا۔

ڈاکٹر جوشی نے حکومت کی مختلف فلیگ شپ اسکیموں کے ذریعہ ملک میں سماجی تحفظ کو وسعت دینے اور مالی شمولیت کو مستحکم کرنے میں کی گئی اہم پیش رفت پر روشنی ڈالی۔ انہوں نے نجی  بینکوں کی جانب سے مالیاتی شمولیت کو مزید  مستحکم کرنے کے لیے کی گئی پیش رفت پر تفصیل سے تبادلہ خیال کیا اور ان پر زور دیا کہ وہ مالی شمولیت کی اسکیموں میں اپنی شرکت بڑھائیں۔

ڈاکٹر جوشی نے نجی بینکوں کو معاشرے کے پسماندہ طبقوں کی خدمت کرنے اور ان کی بینکنگ ضروریات کو پورا کرنے پر زیادہ زور دینے کی تلقین کی۔ جن سمرتھ پورٹل کی خصوصیات پر ایک تفصیلی پیشکش بھی کی گئی، جس میں ڈاکٹر جوشی نے جن سمرتھ پورٹل کی اہمیت کو اجاگر کیا جو حکومت کے قرض سے منسلک اسکیموں کی معلومات کو ایک پلیٹ فارم پر پیش کرتا ہے۔ پلیٹ فارم صارفین کے تجربے کو بہتر بناتا ہے اور صارفین کے حصول میں بینکوں کی مدد کرتا ہے۔

میٹنگ کے دوران، ڈاکٹر جوشی نے آخری میل تک پہنچنے میں بنیادی مالیاتی خدمات فراہم کرنے میں مالیاتی شمولیت کے پروگراموں کی اہمیت پر زور دیا اور بینکوں کو مالی خواندگی کے کیمپ منعقد کرنے کی تاکید کی تاکہ جن سرکشا اسکیموں سمیت مالی شمولیت کی مختلف اسکیموں کے بارے میں معاشرے کے مختلف طبقات کے مابین بیداری پیدا کی جاسکے۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ت ع(

8186