কোল অমসুং মাইন্সকী কেন্দ্র মন্ত্রী শ্রী জি কিশন রেদ্দীনা ঙসি নই দিল্লীদা “নোবল ইনিসিয়েতিব ফোর রিৱার্দিং মেনস এস্পিরেন্তস ওফ নেস্নেল সিবিল সর্বিসেস একজামিনেসন (নির্মান)” পোর্তেল হৌদোকখ্রে। প্রধান মন্ত্রী নরেন্দ্র মোদীগী “মিসন কর্ময়োগী”গী মিৎয়েংগা এলাইন তৌদুনা মসি ২০২৪দা য়ু.পি.এস.সি. এগজামিনেসন (সিবিল সর্বিস অমসুং ফোরেস্ত সর্বিস)কী প্রিলিমিনরী রাউন্দ ক্বালিফাইদ ওইরবশিংগীদমক কোল ইন্দিয়া লিমিতেদনা মসিগী ওপরেত তৌরিবা জিলাশিংগী মেরিতোরিয়স নহাশিংগী ওইবা তোপ তোপ্পা সি.এস.আর. স্কিম অমনি। থৌরম অসিদা কোল মন্ত্রালয়গী সেক্রেতরী শ্রী অমৃত লাল মীনা, কোল মন্ত্রালয়গী মকোকথোংবা ওফিসরশিং অমসুং কোল কম্পেনীশিংগী সি.এম.দি.শিংসু শরুক য়াখি।

স্কিম অসিনা সি.আই.এল.গী ওপরেস্নেল জিলা ৩৯গী মনুংদা খুন্দাবা চহিগী ইমুংগী ইনকম লাখ ৮গী মখাদা লৈবা অমসুং সেদ্যুল কাস্ত, সেদ্যুল ত্রাইব, নুপী নত্রগা অহুমশুবা জেন্দরগী প্রিলিমিনরী এগজামিনেসন ক্বালিফাই ওইরবা কেন্দিদেতশিংদা লুপা ১,০০,০০০/- (লুপা লাখ অমা)গী তেংবাং ফাহন্নবা পান্দম থম্লি।

এপ্লিকেসনশিংগী ফুল ত্রান্সপরেন্সী অমসুং সিমলেস স্ক্রীনিং ফংহন্নবগীদমক এপ্লিকেসন প্রোসেস পুম্বা দেদিকেতেদ পোর্তেল অমগী খুত্থাংদা পাংথোক্তুনা প্রধান মন্ত্রী নরেন্দ্র মোদীগী দিজিতেল ইন্দিয়াগী মংলান মংফাওনহল্লি।

কোল মন্ত্রালয়গী সি.পি.এস.ই., কোল ইন্দিয়া লিমিতেদ অসি লৈবাক অসিগী ইনর্জী সেক্যুরিতীগী য়াংলেন শরু খক্তা নত্তনা কোয়লা লৈবা মফমশিংদা এজুকেসন থৌগৎনবা সোসিয়েলি রেস্পোন্সিবল কোর্পোরেত অমগী থোইদোক হেন্দোকপা থৌদাং অমসু লৌরি।

“সবকা সাথ, সবকা বিকাস, সবকা প্রয়াস” কী থোংদা “বিকসিত ভারতকী” পান্দম ফংনবা কোল ইন্দিয়া লিমিতেদ (সি.আই.এল.) অমসুং মসিগী সবসিদরীশিংনা কোয়লা লৈবা মফমশিংগী মতিকচাবা অমসুং শোত্থরবা মহৈরোইশিংবু লৈবাক্কী থাক্তা লৈবা প্রোফেস্নেল ইন্সতিত্যুৎশিংদা এদমিসন তৌবদা মতেং পাংনবা তোঙান তোঙানবা ইনিসিয়েতিবশিং লৌখৎলি।

*******