இந்தியாவின் பொதுக் கலை வெளிகள் நமது மக்கள் கலை மற்றும் மக்கள் கலாச்சாரத்தின் பிரதிபலிப்பாகும். பொதுக் கலையைப் பற்றி நாம் பேசும்போது, கடந்த காலம், நிகழ்காலம் மற்றும் எதிர்காலத்தின் மாற்றமாகும். இதன் மூலம் பாரம்பரிய மற்றும் சமகால கலை வடிவங்களில் பல்வேறு கருத்துக்களின் கலவையை நாம் காணலாம். பொதுமக்கள் இலவசமாக அணுகக்கூடிய இந்த கலை வடிவம்; கவனத்தை மட்டுமல்ல, இந்த கலைப்படைப்பு ஏன் இங்கே இருக்கிறது, அதன் தனித்துவம் என்ன, அது எந்த மூலப்பொருளால் ஆனது, இந்தக் கலைப்படைப்பின் பின்னால் உள்ள கலைஞனின் சிந்தனை என்ன போன்ற எண்ணங்கள் எழுவது இயல்பாகும்.  இது பல்வேறு சுவாரஸ்யமான விளக்கங்களுக்குத் திறந்து விடுகிறது. இந்த சில அம்சங்கள் தான் இந்தக் கலையை மிகவும் சிறப்பானதாக ஆக்குகின்றன. இது பொதுமக்களை கலையுடன் இணைக்கிறது.

விரைவான நகரமயமாக்கலுடன், பொதுக் கலை தனித்துவத்தின் உணர்வை மேம்படுத்துகிறது மற்றும் ஒரு நகரத்தின் படத்திற்கு அழகியல் மதிப்பை சேர்க்கிறது. இது பொது அரங்கின் காட்சித் தரத்திற்கு பங்களிக்கிறது, சொந்தமானது என்ற உணர்வுடன் சமூகப் பெருமையை ஊக்குவிக்கிறது. இது பார்வையாளர்கள் அல்லது வழிப்போக்கர்களின் பயண அனுபவத்தை அவர்களின் மனதில் ஒரு முத்திரையை விட்டுச் செல்வதன் மூலம் மேம்படுத்துகிறது. பொதுக் கலையின் வீச்சு மகத்தானது, சிந்தனையைத் தூண்டக்கூடியது. ஒரு குறிப்பிட்ட இடத்திற்கு காட்சி அங்கீகாரத்தை வழங்குவதில் இது ஒரு குறிப்பிடத்தக்க காரணியாக செயல்படுகிறது. பொது கலை ஒரு பொது இடத்திற்கு அர்த்தத்தை அதிகரிப்பதுடன் தூண்டுகிறது, இது கலாச்சாரம் மற்றும் சமூகத்தின் ஒருங்கிணைந்த பகுதியாக அமைகிறது.

இந்திய அரசின் கலாச்சார அமைச்சகம்,2024 ஜூலை 21 முதல் 31 வரை புதுதில்லியில் நடைபெறும் உலக பாரம்பரியக் குழு கூட்டத்தின் 46வது அமர்வின் போது, பாரி (இந்திய பொதுக் கலை) திட்டத்தைத் தொடங்கவுள்ளது. இதன் கீழ், கலாச்சார அமைச்சகத்தின் கீழ் ஒரு தன்னாட்சி நிறுவனமான லலித் கலா அகாடமி, நாடு முழுவதிலுமிருந்து150 க்கும் மேற்பட்ட காட்சிக் கலைஞர்களைஅழைத்துள்ளது. நமது தேசிய தலைநகரின் வளமான வரலாற்று பாரம்பரியத்திற்கு பெருமை சேர்க்கும் அதே வேளையில், தில்லியின் அழகியல் மற்றும் கலாச்சார கண்ணோட்டத்தை மேம்படுத்துவதற்கான ஒரு தளத்தை வழங்குவதை பாரி திட்டம் நோக்கமாகக் கொண்டுள்ளது.

லலித் கலா அகாடமி மற்றும் தேசிய நவீன கலைக்கூடம் ஆகியவை ஆயிரக்கணக்கான ஆண்டுகால கலை பாரம்பரியத்திலிருந்து (மக்கள் கலை / மக்கள் கலாச்சாரம்) உத்வேகம் பெறும் பொது கலையை வெளிக்கொணர முயல்கின்றன, அதே நேரத்தில் நவீன கருப்பொருள்கள் மற்றும் நுட்பங்களை இணைக்கின்றன. இந்த வெளிப்பாடுகள் இந்திய சமூகத்தில் கலை வைத்திருக்கும் உள்ளார்ந்த மதிப்பை அடிக்கோடிட்டுக் காட்டுகின்றன, இது படைப்பாற்றல் மற்றும் கலை வெளிப்பாட்டிற்கான தேசத்தின் நீடித்த அர்ப்பணிப்புக்கு ஒரு சான்றாகச் செயல்படுகிறது. இந்த கலைஞர்கள் வரவிருக்கும் நிகழ்விற்கான பொது இடங்களை அழகுபடுத்துவதற்காக தேசிய தலைநகரில் பல்வேறு தளங்களில் பணியாற்றி வருகின்றனர்.

பொது இடங்களில் கலையின் பிரதிநிதித்துவம் குறிப்பாக முக்கியத்துவம் வாய்ந்ததாகும். ஏனெனில் இது நாட்டின் வளமான மற்றும் மாறுபட்ட கலாச்சார பாரம்பரியத்தை வெளிப்படுத்துகிறது. பொது நிறுவல்கள் மூலம் கலையின் ஜனநாயகமயமாக்கல் நகர்ப்புற நிலப்பரப்புகளை அணுகக்கூடிய காட்சியகங்களாக மாற்றுகிறது, அங்கு கலை அருங்காட்சியகங்கள் மற்றும் காட்சியகங்கள் போன்ற பாரம்பரிய இடங்களின் எல்லைகளை இவை மீறுகின்றன. தெருக்கள், பூங்காக்கள் மற்றும் போக்குவரத்து மையங்களில் கலையை ஒருங்கிணைப்பதன் மூலம், இந்த முயற்சிகள் கலை அனுபவங்கள் அனைவருக்கும் கிடைப்பதை உறுதி செய்கின்றன. இந்த உள்ளடக்கிய அணுகுமுறை பகிரப்பட்ட கலாச்சார அடையாளத்தை வளர்க்கிறது. மேலும் சமூக ஒத்திசைவை மேம்படுத்துகிறது, குடிமக்கள் தங்கள் அன்றாட வாழ்க்கையில் கலையுடன் ஈடுபட அழைக்கிறது. பாரி திட்டம் உரையாடல், பிரதிபலிப்பு மற்றும் உத்வேகம் ஆகியவற்றைத் தூண்டி, தேசத்தின் மாறும் கலாச்சார கட்டமைப்புக்கு பங்களிப்பதை நோக்கமாகக் கொண்டுள்ளது.

இந்த அழகுபடுத்தல் திட்டத்தின் கீழ் பாரம்பரிய கலை வடிவங்கள், சிற்பங்கள், சுவரோவியங்கள், நிறுவல்கள் ஆகியவை உருவாக்கப்பட்டுள்ளன. இந்தத் திட்டத்தின் கீழ் தயாரிக்கப்பட்டு வரும் பல்வேறு சுவரோவியங்கள், சிற்பங்கள் மற்றும் நிறுவல்களை உருவாக்க நாடு முழுவதிலுமிருந்து 150 க்கும் மேற்பட்ட காட்சி கலைஞர்கள் ஒன்றிணைந்துள்ளனர். பாட் ஓவியங்கள் (ராஜஸ்தான்), தங்கா ஓவியம் (சிக்கிம் / லடாக்), மினியேச்சர் ஓவியம் (இமாச்சலப் பிரதேசம்), கோண்டு கலை (மத்தியப் பிரதேசம்), தஞ்சாவூர் ஓவியங்கள் (தமிழ்நாடு), கலம்காரி (ஆந்திரப் பிரதேசம்), அல்போனா கலை (மேற்கு வங்கம்), செரியல் ஓவியம் (தெலுங்கானா), பிச்வாய் ஓவியம் (ராஜஸ்தான்), லஞ்சியா சௌரா (ஒடிசா) பட்டாசித்ரா (மேற்கு வங்கம்), பானி தானி ஓவியம் (ராஜஸ்தான்), வார்லி (மகாராஷ்டிரா), பித்தோரா கலை (குஜராத்), ஐபன் (உத்தரகண்ட்), கேரளா சுவரோவியங்கள் (கேரளா), அல்பனா கலை (திரிபுரா) மற்றும் பல பாணிகளில் கலைப்படைப்புகள் வரையப்படும்.

பாரி திட்டத்திற்காக உருவாக்கப்படும் உத்தேச சிற்பங்களில், இயற்கைக்கு அஞ்சலி செலுத்துதல், நாட்டிய சாஸ்திரம் ஆகியவற்றால் ஈர்க்கப்பட்ட யோசனைகள், இந்தியாவின் பொம்மைகள், விருந்தோம்பல், பண்டைய அறிவு, நாத் அல்லது ஆதி சௌன், வாழ்க்கையின் நல்லிணக்கம், தெய்வீக மரமான கல்பதரு போன்ற பரந்த சிந்தனைகள் அடங்கும்.

மேலும், முன்மொழியப்பட்ட 46வதுஉலக பாரம்பரியக் குழு கூட்டத்துடன் ஒத்திசைவாக, சில கலைப்படைப்புகள் மற்றும் சிற்பங்கள் பிம்பேட்கா போன்ற உலக பாரம்பரிய தளங்களிலிருந்து உத்வேகம் பெறுகின்றன மற்றும் இந்தியாவில் உள்ள 7 இயற்கை உலக பாரம்பரிய தளங்கள் முன்மொழியப்பட்ட கலைப்படைப்புகளில் சிறப்பு இடத்தைப் பெறுகின்றன.

பாரி திட்டத்தின் ஒருங்கிணைந்த பகுதியாக பெண் கலைஞர்கள் இருந்து வருகின்றனர், மேலும் அதிக எண்ணிக்கையில் அவர்களின் பங்கேற்பு பாரதத்தின் நாரி சக்திக்கு ஒரு சான்றாகும்.

பாரி திட்டம் தில்லியை இந்தியாவின் வளமான மற்றும் மாறுபட்ட கலை பாரம்பரியத்துடன் இணைக்கும் அதே நேரத்தில் சமகால கருப்பொருள்கள் மற்றும் வெளிப்பாடுகளை அரவணைக்கும் ஒரு நினைவுச்சின்ன முயற்சியாக நிற்கிறது. உலக பாரம்பரியக் குழுவின் 46 வது அமர்வை நடத்த நகரம் தயாராகி வருவதால், இந்த முயற்சி பொது இடங்களை அழகுபடுத்துவதுடன் மட்டுமல்லாமல், கலையை ஜனநாயகப்படுத்துகிறது, இதை அனைவரும் அணுகக்கூடியதாக ஆக்குகிறது. 150 க்கும் மேற்பட்ட காட்சி கலைஞர்களின் கூட்டு முயற்சிகளால் உயிர்ப்பிக்கப்பட்ட இந்த கலாச்சார மறுமலர்ச்சி, இந்தியக் கலையின் ஆழமான மற்றும் பன்முக மரபுகளைக் காட்டுகிறது. குடிமக்களை ஈடுபடுத்துவதன் மூலமும், பகிரப்பட்ட கலாச்சார அடையாளத்தை வளர்ப்பதன் மூலமும், இந்த முயற்சி நகர்ப்புற நிலப்பரப்பை வளப்படுத்துவது மட்டுமல்லாமல், நமது பாரம்பரியத்துடன் ஆழமான தொடர்பையும் ஊக்குவிக்கிறது.

வாருங்கள் கொண்டாட்டங்களில் கலந்துகொள்ளுங்கள். பாரி திட்ட உருவாக்கத்துடன் உங்கள் செல்ஃபியைக் கிளிக் செய்து, உங்கள் படங்களை சமூக ஊடகங்களில் #ProjectPARI உடன் பகிர்ந்து கொள்ளுங்கள்.

***

PKV/KV/KR/DL

(Release ID: 2031587) Visitor Counter : 117