نیشنل سینٹر فار گڈ گورننس (این سی جی جی ) نے آج نئی دہلی میں کمبوڈیا کے سرکاری ملازمین کے لیے پبلک پالیسی اور گورننس پرپانچواں صلاحیت سازی پروگرام کامیابی کے ساتھ مکمل کیا۔ دو ہفتے کے اس  پروگرام کا اہتمام 24 جون سے 5 جولائی 2024 تک وزارت خارجہ (ایم ای اے) کے تعاون سے کیا گیا۔ اس پروگرام میں سلطنت کمبوڈیا کےجوائنٹ سیکرٹری، ڈائریکٹر، ڈپٹی سیکرٹری اور وزارت برائے سول سروسز اور کمبوڈیا کی سینیٹ کے انڈر سیکرٹری سمیت 40 سرکاری ملازمین نے شرکت کی۔ پروگرام نے پالیسی مکالمے اور بہترین طریقوں کا اشتراک کرنے کے لیے ایک پلیٹ فارم پیش کیا، جس سے شرکاء کو ادارہ جاتی تبدیلی اور شہریوں کی شمولیت کے بارے میں قیمتی بصیرت حاصل کرنے میں مدد ملی۔

اختتامی اجلاس کی صدارت جناب وی سری نواس، ڈائرکٹر جنرل (ڈی جی) نیشنل سینٹر فار گڈ گورننس (این سی جی جی  ) اور سکریٹری محکمہ انتظامی اصلاحات اور عوامی شکایات (ڈی اے آر پی جی)، حکومت ہند نے کی ۔ انہوں دو ملکوں کے درمیان طویل دوستانہ اور تاریخی تعلقات کی اہمیت کو اجاگر کیا۔ انہوں نے کہا کہ شہری اور حکومت کے درمیان رابطے کو آسان بنانا سرکاری ملازمین کا کردار ہے۔ شکایات کے ازالے کے ماڈل کی مثالیں پیش کرتے ہوئے ،انہوں نے واضح کیا کہ کس طرح ٹیکنالوجی نے شفافیت اور جوابدہی کو بہتر بناتے ہوئے شہریوں کو حکومت کے قریب لانے میں کلیدی کردار ادا کیا ہے۔ انہوں نے بہترین اور ٹھوس پریزنٹیشن دینے پر شرکت کرنے والے افسران کی  ستائش کی۔

اس موقع پر خطاب کرتے ہوئے مہمان خصوصی سلطنت کمبوڈیا کے ہندوستان میں ہائی کمشنر مسٹر کوئے کوونگ نے دونوں تہذیبوں کے درمیان قدیم روابط کے بارے میں بات کی اور اپنے افسران کی استعداد کار میں اضافے کے لیے حکومت ہند کا شکریہ ادا کیا۔ انہوں نے وضاحت کی کہ کس طرح دونوں ممالک علم، حکمت کا تبادلہ کرتے رہے ہیں اور لوگ یاترا کے ساتھ ساتھ طبی ضروریات کے لیے بھی دونوں ممالک کے درمیان سفر کرتے رہے ہیں۔ انہوں نے کہا کہ اختتامی سیشن کے دوران بصیرت افروز اور بہترین پریزنٹیشن کی شکل میں شرکاء کو پروگرام سے سیکھنے کا مظاہرہ کرتے ہوئے دیکھنا حوصلہ افزا تھا۔ انہوں نے اس بات پر روشنی ڈالی کہ دوطرفہ تعلقات دونوں ممالک کے درمیان تعاون کا مرکز ہیں، جن کا مقصد ممالک کے انسانی وسائل کے سرمائے کی تعمیر ہے، جو کہ عام لوگوں کی امنگوں کو پورا کرنے کے لیے ضروری ہے، اس طرح اچھی حکمرانی کے حصول میں مدد ملتی ہے۔

کمبوڈیا کی سینیٹ کی ڈپٹی ڈائریکٹر جنرل محترمہ سی پگنواتھی اور کمبوڈیا کے وفد کے سربراہ نے اس موقع کے لیے حکومت ہند کا شکریہ ادا کیا۔ انہوں نے کمبوڈیا کے سول سروس افسران کے لیے اس طرح کے تربیتی پروگرام کے انعقاد کے لیے تربیتی ٹیم کے ساتھ ساتھ این سی جی جی کے ڈائریکٹر جنرل جناب وی سری نواس کا بھی شکریہ ادا کیا۔ انہوں نے وضاحت کی کہ کس طرح انہوں نے عوامی پالیسی اور حکمرانی کے شعبے میں بہت سارے بہترین طریقوں کے بارے میں سیکھا اور کس طرح ہندوستان میں ٹیکنالوجی کا فائدہ اٹھایا جا رہا ہے۔ ان کی رائے تھی کہ وہ اس طرح کی نمائش کے منتظر ہیں اور اس سے افسران اپنے ملک کے لوگوں کو بہتر خدمات فراہم کریں گے اور بالآخر اچھی حکمرانی کے حصول میں مدد ملے گی۔

سیکھنے کے نتائج کے حصے کے طور پر شریک افسران نے "کمبوڈیا میں پالیسی ڈیزائن اور نفاذ میں سول سروسز کا کردار"، "کمبوڈیا میں سماجی تحفظ"، " ہائبرڈ ڈیجیٹل 2050کی جانب کمبوڈیا"، اور"پالیسی ڈیزائن اور نفاذ میں کمبوڈیا کے پارلیمنٹ کا کردار" کے موضوع پر چار تفصیلی اور بصیرت انگیز پریزنٹیشن دی۔

ڈاکٹر بی ایس بشٹ، ایسوسی ایٹ پروفیسر، این سی جی جی اور پروگرام کے کورس کوآرڈینیٹر نے پروگرام کے بارے میں تفصیلی جانکاری دی۔ انہوں نے بتایا کہ پہلے ہفتے میں، ٹریننگ نے متعدد موضوعات پر توجہ مرکوز کی، جن میں پبلک پالیسی اور مینجمنٹ، جی ای ایم: سرکاری خریداری میں شفافیت لانا، ہندوستانی آئینی اسکیم میں پارلیمنٹ، انڈیا-کمبوڈیا تعلقات، انفراسٹرکچر میں پبلک پرائیویٹ پارٹنرشپ، آدھار گڈ گورننس، ہیلتھ گورننس، گورننس پر پارلیمانی آلات کا اثر، مختلف ترقیاتی اسکیموں کے بہترین طرز عمل، 2023 تک ایس ڈی جی کو حاصل کرنے کے نقطہ نظر، وکست بھارت: صنعت اور بنیادی ڈھانچے میں پالیسیاں اور ترقیات، مالیاتی شمولیت، گورننس کے بدلتے ہوئے منظر نامے، لیڈرشپ اور مواصلات ، شہری حکمرانی اور پائیدار شہر، ہندوستان میں سول سروسز، ڈورسٹیپ ڈیلیوری آف سروسز، ای گورننس اور ڈیجیٹل پبلک سروس ڈیلیوری، صنفی ترقی، اور نظم و نسق میں اخلاقیات، پردھان منتری کو مثالی عمل درآمد پر پی ایم ایوارڈ دوسروں کے درمیان یوجناشامل تھے۔ پروگرام کے دوسرے مرحلے میں دہرادون میں اسمارٹ سٹی پروجیکٹ اور انفارمیشن ٹیکنالوجی ڈیولپمنٹ ایجنسی، گوتم بدھ نگر، اتر پردیش میں ضلعی انتظامیہ، یونین پبلک سروس کمیشن اور ہندوستانی پارلیمنٹ کے فیلڈ وزٹ شامل تھے۔ یہ پروگرام پی ایم سنگھرالیہ، بودھ مندر اور تاج محل کے دوروں کے دوران ملک کی تاریخ اور ثقافت کو بھی اجاگر کرتا ہے۔

قابل ذکر ہے کہ این سی جی جی نے بنگلہ دیش، کینیا، تنزانیہ، تیونس، سیشلز، گیمبیا، مالدیپ، سری لنکا، افغانستان، لاؤس، ویت نام، نیپال، بھوٹان، میانمار، ایتھوپیا، اریٹیریا اور کمبوڈیا سمیت 17 ممالک کے سرکاری ملازمین کو تربیت دی ہے۔

اختتامی تقریب میں محترمہ پرسکا میتھیوز، چیف ایڈمنسٹریٹو آفیسر، این سی جی جی، ڈاکٹر ہمانشی رستوگی، ایسوسی ایٹ پروفیسر، این سی جی جی، ڈاکٹر غزالہ حسن، اسسٹنٹ پروفیسر، این سی جی جی سمیت دیگر نے شرکت کی۔ پروگرام کی نگرانی اور کوآرڈینیٹر ڈاکٹر بی ایس بشٹ، کورس کوآرڈینیٹر، ڈاکٹر سنجیو شرما، کوآرڈینیٹر،جناب برجیش بشٹ، ٹریننگ اسسٹنٹ اور محترمہ مونیشا بہوگنا، ینگ پروفیشنل کے ساتھ ساتھ این سی جی جی کی صلاحیت سازی ٹیم نے کی۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ت ع(

8123