வர்த்தகம் மற்றும் தொழில்துறை அமைச்சகம் வெளியிட்ட எட்டு முக்கிய தொழில்களின் குறியீட்டின்படி (அடிப்படை ஆண்டு 2011-12) 2024 மே மாதத்தில் எட்டு முக்கிய தொழில்களில் மின்சாரத் துறையைத் தொடர்ந்து நிலக்கரித் துறை 10.2% (தற்காலிக) என்னும் மிக உயர்ந்த வளர்ச்சியை வெளிப்படுத்தியுள்ளது. கடந்த ஆண்டின் இதே காலகட்டத்தில் இருந்த 167.6 புள்ளிகளுடன் ஒப்பிடுகையில் 2024 மே மாதத்தில் நிலக்கரி தொழில்துறை குறியீடு 184.7 புள்ளிகளை எட்டியுள்ளது. அதன் ஒட்டுமொத்த குறியீடு முந்தைய ஆண்டின் இதே காலப்பகுதியை விட 8.9% அதிகரித்துள்ளது.

சிமெண்ட், நிலக்கரி, கச்சா எண்ணெய், மின்சாரம், உரங்கள், இயற்கை எரிவாயு, சுத்திகரிப்பு பொருட்கள் மற்றும் எஃகு ஆகிய எட்டு முக்கிய தொழில்களின் ஒருங்கிணைந்த மற்றும் தனிப்பட்ட உற்பத்தி செயல்திறனை முக்கிய எட்டு தொழில்களின் குறியீடு அளவிடுகிறது.

எட்டு முக்கிய தொழில்களின் ஒருங்கிணைந்த குறியீடு முந்தைய ஆண்டின் இதே காலப்பகுதியுடன் ஒப்பிடும்போது மே 2024 இல் குறிப்பிடத்தக்க அளவுக்கு 6.3% அதிகரித்து காணப்பட்டது. இது ஒட்டுமொத்த தொழில்துறை விரிவாக்கத்திற்கு நிலக்கரி துறையின் கணிசமான பங்களிப்பை அடிக்கோடிட்டுக் காட்டுகிறது. கடந்த இரண்டு நிதியாண்டுகளில் எட்டு முக்கிய தொழில்களின் ஒட்டுமொத்த வளர்ச்சியை விட அதிக வளர்ச்சியை வெளிப்படுத்தி, நிலக்கரித் தொழில் தொடர்ந்து சிறப்பாக செயல்பட்டுள்ளது.

இந்த குறிப்பிடத்தக்க வளர்ச்சிக்குப் பின்னால் உள்ள உந்து சக்தி மே 2024-ல் நிலக்கரி உற்பத்தியில் குறிப்பிடத்தக்க எழுச்சிக்கு காரணமாக இருக்கலாம் எனக் கருதப்படுகிறது.  இந்தக் காலக்கட்டத்தில் நிலக்கரி உற்பத்தி 83.91 மில்லியன் டன்களை எட்டியது. இது முந்தைய ஆண்டின் இதே காலத்துடன் ஒப்பிடும்போது 10.15% குறிப்பிடத்தக்க அதிகரிப்பைக் குறிக்கிறது. உற்பத்தியில் இந்த எழுச்சி எரிசக்தி மற்றும் உற்பத்தித் தொழில்களின் வளர்ந்து வரும் தேவையை பூர்த்தி செய்வதற்கான துறையின் திறனை அடிக்கோடிட்டுக் காட்டுகிறது.

நிலக்கரித் துறையின் விரிவாக்கம், எட்டு முக்கிய தொழில்களின் ஒட்டுமொத்த வளர்ச்சியை முன்னெடுத்துச் செல்வதில் அதன் கணிசமான பங்களிப்பு, நிலக்கரி அமைச்சகத்தின் தொடர்ச்சியான முயற்சிகள் ஆகியவை முனைப்பான முன்முயற்சிகளுக்கு சான்றாக நிற்கிறது. இந்த முயற்சிகள் "தற்சார்பு இந்தியா" தொலைநோக்குடன் ஒத்துப்போவதுடன், தன்னிறைவு மற்றும் எரிசக்தி பாதுகாப்பை நோக்கிய நாட்டின் முன்னேற்றத்திற்கு பங்களிக்கின்றன.

***

(Release ID: 2030696)

PKV/AG/RR