زراعت اور کسانوں کی بہبود کے محکمے (ڈی اے اینڈ ایف ڈبلیو) نے 27 جون 2024 کو نئی دہلی میں ایک ورکشاپ کا اہتمام کیا جس کا عنوان تھا "اختراعی زرعی ویلیو چین فنانسنگ  کے ذریعے ہندوستان کے  زرعی کاروبار کے امکانات کو آزاد کرنا"۔ اس تقریب نے حکومت ہند اور ریاستی حکومت کے سینئر حکام، ماہرین اور اسٹیک ہولڈرز کو زرعی فنانسنگ کی حرکیات پر تبادلہ خیال کرنے کے لیے اکٹھا کیا۔

ویلیو چین میں ایگریکلچر فنانس کی اہمیت پر روشنی ڈالتے ہوئے، منوج اہوجا، سکریٹری ڈی اے اینڈ ایف ڈبلیو ، نے پیداوار پر مبنی نقطہ نظر سے مانگ پر مبنی نقطہ نظر کی طرف منتقلی کی اہم ضرورت پر زور دیا۔ انہوں نے کہا کہ "ایگریکلچرل ویلیو چینز (اے وی سیز) کو زیادہ جامع طریقے سے تیار کرنے اور انہیں عالمی منڈیوں کے ساتھ مربوط کرنے کے لیے، ہمیں اپنی توجہ صرف سپلائی کی کمی کو دور کرنے سے لے کر مارکیٹ کی طلب کو پورا کرنے پر مرکوز کرنی چاہیے۔" جناب اہوجا نے مؤثر اے وی سی  ترقی کے لیے جوابدہی اور ڈیجیٹل نظام کو لاگو کرنے کی اہمیت پر زور دیا اور تمام اسٹیک ہولڈرز کے لیے مالی شمولیت کو یقینی بنانے کے لیے ایک جامع پالیسی فریم ورک کی ضرورت کو اجاگر کیا۔

جناب اہوجا نے لیکویڈیٹی اور معاشی استحکام کو بہتر بنانے کے لیے بل میں رعایت، برج فنانسنگ، اور رسک ہیجنگ جیسے مالیاتی آلات متعارف کرانے کی مزید وکالت کی۔ انہوں نے مزید کہا کہ "آسان درخواست کے عمل کے ساتھ ایک قابل ماحول بنانا اور بیوروکریٹک رکاوٹوں کو کم کرنا ان آلات کو مؤثر طریقے سے نافذ کرنے کے لیے بہت ضروری ہے۔"

ڈاکٹر وویک جوشی، سکریٹری ڈپارٹمنٹ آف فنانشل سروسز، نے زرعی کریڈٹ کی دستیابی میں نمایاں اضافہ کو نوٹ کرتے ہوئے، ایگریکلچرل ویلیو چین فنانسنگ (اے وی سی ایف) فریم ورک کے اندر بروقت کریڈٹ فراہم کرنے میں ڈیجیٹل مالیاتی خدمات کے اہم کردار پر زور دیا۔ انہوں نے کہا کہ "ہماری توجہ پوری ویلیو چین میں کسانوں کی مدد کے لیے قرض تک بغیر کسی رکاوٹ کے اور سستی رسائی کو یقینی بنانے پر ہے۔" انہوں نے آخری میل تک کریڈٹ رسائی اور خصوصی مالیاتی مصنوعات  خاص طور پر اعلیٰ قدر والی زرعی منڈیوں میں فراہم کرنے میں این بی ایف سیز، فنٹیک اور اسٹارٹ اپس کے اہم کردار پر روشنی ڈالی۔

ورکشاپ میں آگاہی پیدا کرنے، تعاون کو آسان بنانے، حل تلاش کرنے، اور جدید زرعی مالیاتی حل کے ساتھ شرکاء کو بااختیار بنانے پر توجہ مرکوز کی گئی۔ ورکشاپ میں تعلیمی اداروں، صنعت، مالیاتی ایجنسیوں، سہولت فراہم کرنے والی ایجنسیوں اور مختلف سرکاری محکموں کی بھرپور شرکت دیکھنے میں آئی۔ اس نے تعاون اور شراکت داری کی تعمیر کے لیے ایک اہم پلیٹ فارم کے طور پر کام کیا، جس سے ہندوستان کے زرعی شعبے میں تبدیلی کے اقدامات کی راہ ہموار ہوئی۔ اس میں اعلیٰ سطح کے اسٹریٹجک مباحثے شامل تھے جن میں قابل ذکر مقررین جیسے پروفیسر اشوک گلاٹی، آئی سی آر آئی ای آر کے ایک ممتاز پروفیسر، جنہوں نے کسانوں کی آمدنی کو بہتر بنانے کے لیے زراعت میں مانگ پر مبنی نقطہ نظر کی طرف منتقلی، فوڈ چین میں غذائیت کے پہلو پر توجہ دینے کی ضرورت اور زراعت میں آب و ہوا کی لچک پیدا کرنے کی اہمیت پر زور دیا۔

شرکا کا خیرمقدم کرتے ہوئے، ڈی اے اینڈ ایف ڈبلیو کے جوائنٹ سکریٹری (کریڈٹ)، جناب اجیت کمار ساہو نے زرعی ویلیو چین فنانسنگ (اے وی سی ایف) کے لیے ایک جامع نقطہ نظر کی ضرورت پر روشنی ڈالتے ہوئے شروع میں سیاق و سباق کا تعین کیا، یہ نوٹ کرتے ہوئے کہ تخمینے  جو زرعی مجموعی قدر (جی وی اے) میں اضافے کی نشاندہی کرتے ہیں وہ 2030 تک 105 لاکھ کروڑ روپے تک پہنچ جائیں گے، جس سے ویلیو چین فنانسنگ تیزی سے  زیادہ  اہم ہو جائے گی۔

چیئرمین نابارڈ، جناب کے وی شاجی نے کسانوں کی مالیاتی رسائی کو بہتر بنانے اور ایس ایچ جیز اور ایف پی  اوز کے لیے قابل اعتماد ڈیٹا کی دستیابی کو یقینی بنانے کی فوری ضرورت پر زور دیا، کیونکہ ڈیٹا بینکوں کے لیے باخبر فیصلے کرنے اور مؤثر ویلیو چین فنانسنگ کی پیشکش کرنے کے لیے اہم ہے۔ انہوں نے دیہی علاقوں میں عوامی بنیادی ڈھانچے کی ترقی کی وکالت کی جس میں زرعی مصنوعات کی پروسیسنگ، برانڈنگ اور مارکیٹنگ کی سہولیات شامل ہیں۔ انہوں نے دیہی علاقوں میں کوآپریٹیو کے گورننس ڈھانچے کو مضبوط بنانے کی ضرورت پر بھی زور دیا۔ انہوں نے کہا کہ یہ مربوط ویلیو چین فنانسنگ کا باعث بنیں گے۔

بیمہ اور پی ایم ایف بی وائی کے سی ای او جناب رتیش چوہان نے پردھان منتری فصل بیمہ یوجنا (پی ایم ایف بی وائی) اسکیم کے ذریعے زراعت میں مالی لچک کو فروغ دینے کے بارے میں ایک پریزنٹیشن دی۔ جناب چوہان نے زرعی ویلیو چین فنانسنگ کے لیے حکومت کے مجموعی نقطہ نظر پر روشنی ڈالی، اور زرعی ویلیو چین کے لیے جامع خطرے کے تحفظ اور مالی مدد کی ضرورت پر زور دیا۔ انہوں نے سارتھی، اے آئی ڈی ای، کسان رن پورٹل، اور ایگری اسٹیک جیسے پلیٹ فارمز کے ذریعے کریڈٹ کی دستیابی کو ہموار کرنے اور زرعی لچک کو بڑھانے کے لیے ٹیکنالوجی سے فائدہ اٹھانے کی اہمیت پر زور دیا۔

پینل مباحثوں میں ایگری ویلیو چین فنانسنگ کے مختلف پہلوؤں کا احاطہ کیا گیا، بشمول کلسٹر پر مبنی نقطہ نظر، اختراعی فنانسنگ طریقہ کار، اور فارمر پروڈیوسر آرگنائزیشنز (ایف پی اوز) کو ویلیو چینز میں ضم کرنا۔ متنوع پس منظر سے تعلق رکھنے والے ماہرین نے بصیرت اور تجربات کا تبادلہ کیا اور  گفتگو کو مزید تقویت بخشی۔

ش ح۔ا ک ۔ رب

U:7888