কেন্দ্রগী ফিসরিজ, এনিমেল হজবেন্দরী অমসুং দেরিয়িংগী মন্ত্রী শ্রী রজিব রঞ্জন সিংহ এলিএজ ললন সিংহনা বিগ্যান ভবন, নৈ দিল্লীদা রাজ্য অমসুং য়ুনিয়ন তেরিতোরীশিংবু ২১শুবা লাইবস্তোক সেন্সস্কী শেম শানবগীদমক মপাঙ্গল কনখৎহন্নবা অমসুং থৌরাং য়াৎনবা মপুং ওইবা ৱার্কশোপ অমা হৌদোকখ্রে। রাজ্যগী ফিসরিজ, এনিমেল হজবেন্দরী অমসুং দেরিয়িংগী মন্ত্রী প্রোফেসর এস.পি. সিংহ বাঘেল অমসুং শ্রী জিওর্জ কুরিয়ানসু শরুক য়াখি। কেন্দ্রগী মন্ত্রীনা ৱার্কশোপ অসিদা ২১শুবা লাইবস্তোক দেতা কল্লেক্সনগীদমক শাবা মোবাইল এপ্লিকেসন হৌদোকখি।

কেন্দ্রগী মন্ত্রী শ্রী রজিব রঞ্জন সিংহনা ভারতকী শেন্মিৎলোন অমসুং ফুদ সেক্যুরিতীদা লৈরিবা লাইবস্তোক সেক্তরগী মরুওইবশিং পুথোকখি। মহাক্না সেন্সস অসিবু মতীক চানা থৌরাং য়াত্তুনা নীংথিনা পাঙথোকপগী অপাম্বা ফোংদোকখি অমসুং দেতা খোমজিনবনা তুংগী থৌরাংশিং অমসুং সেক্তর অসিদা লৈরিবা খুদোংচাদবশিংদা অচৌবা থৌদাং লৌই হায়না ফোঙদোকখি। কেন্দ্রগী মন্ত্রীনা ফোংদোকখি মদুদি ৱার্কশোপ অসিনা সেপ্তেম্বর-দিসেম্বর ২০২৪ দা পাঙথোক্নবা লেপ্লিবা সেন্সস অসিদা অমত্তা ওইনা পুন্না হোৎনমিন্ননবা পান্দম থম্লি।

প্রোফেসর এস.পি. সিংহ বাঘেলনা ৱার্কশোপ অদুদা ৱা ঙাংলদুনা মপুং ওইবা ত্রেনিং পীবা অমসুং মখোংদগী হৌদুনা কেপাসিতী শাগৎনবগী মতাংদা ফোংদোকখি। মহাক্না দিপার্ত্মেন্ত অসিনা অসিগুম্বা ৱার্কশোপশিং অসি পাঙথোকপদা লৌরিবা থৌদাংশিং খঙবগা লোইননা শরুক য়ারিবশিংবু ত্রেনিং সেসনশিংদা খঙবা হৈবা হেনগৎনবা থৱাই হকচাং য়াওনা শরুক য়ানবা পুক্নিং থৌগৎখি।

শ্রী জিওর্জ কুরিয়াননা লাইবস্তোক সেক্তরদা তুং কোইনা চৎপা য়াবা মওংদা থবক পায়খৎনবা হোৎনবগী তঙাইফদবা থমখি। মহাক্না ফোংদোকখি মদুদি সেন্সস এতা অসিনা নেসনেল ইন্দিকেতর ফ্রেমৱার্ক ওব সস্তেনেবল গোল্সতা মতেং পাঙ্গনি, মসিদগী জাতিগী অমসুং অন্তর্জাতিগী তুং কোইনা চৎপা য়াবা পান্দম ফংবা ঙমগনি হায়খি।

শ্রীমতি অল্কা উপাধ্য, সেক্রেতরী, দিপার্ত্মেন্ত ওব এনিমেল হজবেন্দরী অমসুং দেরিয়িংনা মহাক্কী ৱারোলদা ৱার্কশোপ অসিগী মরুওইবশিংগী মতাংদা ফোঙদোকখি অমসুং দিপার্ত্মেন্ত অসিনা দেতা লৌবদা অশোইবা লৈতনবা অমসুং মতীক চানা পায়খৎনবা তেক্নোলোজী শীজিন্নরিবা অসিবুসু শিংথাখি। মহাক্না এনিমেল হজবেন্দরী সেক্তরদা তুংগী থৌরাং অমসুং থৌরমশিং য়াৎপদা মরুওইবা থৌদাং লৌগদৌরিবা ২১শুবা লাইবস্তোক সেন্সসকী মায় পাকহন্নবগীদমক স্তেকহোল্দর খুদিংমক্কী অপুনবা থৌদাংগী মতাংদা ফোংদোকখি অমসুং মখোয়বু সেন্সস অসিনা মায় পাক্নবগীদমক খ্বাইদগী নৌবা তেক্নোলোজী শীজিন্ননবগী পুক্নিং চিংশিনখি।

ৱার্কশোপ অসিদা ২১শুবা লাইবস্তোক সেন্সসকী চৎনকাংলোনশিং অমসুং মেথোদোলোজীশিংগী মতাংদা নৈনবা সেসন, মোবাইল এপ্লিকেসনগী ত্রেনিং অমসুং দেশবোর্দ শোফৱেয়রগী ত্রেনিং য়াওখি অমসুং ৱাহং পাউখুমগী ওইবা ওপন হাউজ দিস্কসন অমসু য়াওখি।

এনিমেল হজবেন্দরী অমসুং দেরিয়িং দিপার্ত্মেন্ত, ফিসরিজ, এনিমেল হজবেন্দরী অমসুং দেরিয়িং মন্ত্রালয়না রাজ্য অমসুং য়ুনিয়ন তেরিতোরীশিংবু ২১শুবা লাইবস্তোক সেন্সস্কী শেম শানবগীদমক মপাঙ্গল কনখৎহন্নবা অমসুং থৌরাং য়াৎনবা মপুং ওইবা ৱার্কশোপ অসি পাঙথোকখি। ৱার্কশোপ অসিদা এনিমেল হজবেন্দরী স্তেতিস্তিক্স দিবিজননা ২১শুবা লাইবস্তোক সেন্সস্কী মরীক চুম্বা ৱারোল থমখি মসিগী মতুংদা অকুপ্পা মরোল য়াওবা প্রেজেন্তেসন অমা আই.সি.এ.আর.-নেসনেল ব্যুরো ওব এনিমেল জেনেতিক রিসোর্স (এন.বি.এ.জি.আর.)না সেন্সস অসিদা কোনশিনগদবা জিবশিংগী অকুপ্পা মরোলশিং থমখি। ব্রীদ মতীক চানা খঙদোকপগী মরুওইবশিং থমখি, মসি তোঙান-তোঙানবা লাইবস্তোক সেক্তর প্রোগ্রাম অমসুং নেসনেল ইন্দিকেতর ফ্রেমৱার্ক (এন.আই.এফ.) ওব সস্তেনেবল দিবেলপমেন্ত গোল্স (এস.দি.জি.)গী মরীক চুম্বা স্তেতিস্তিক্স পুথোকপদা মরুওই।

***************