خواتین اور بچوں کی ترقی کی وزارت (ایم ڈبلیو سی ڈی) نے آج صبح نئی دہلی کے وگیان بھون میں "سنکلپ پر قومی ورکشاپ: خواتین کو بااختیار بنانے کا مرکز - 100 دن کی خصوصی بیداری مہم کا آغاز" کا انعقاد کیا۔ اس تقریب کی صدارت خواتین اور بچوں کی ترقی کی مرکزی وزیر مملکت محترمہ ساوتری ٹھاکر نے سیکرٹری انل ملک کے ساتھ کی۔

یہ ورکشاپ 21 جون سے 4 اکتوبر 2024 تک خواتین سے متعلق مسائل پر مرکوز ملک گیر 100 روزہ آگاہی مہم کا آغاز ہے۔ اس مہم کا مقصد خواتین کو بااختیار بنانے کے بارے میں بیداری اور رسائی کو بڑھانا ہے ، جس میں ملک بھر میں اندراج مہم اور تعلیمی سیشن شامل ہیں۔

افتتاح کے دوران وزیر مملکت محترمہ ساوتری ٹھاکر نے پردھان منتری مترو وندنا یوجنا، پی ایم آواس یوجنا جیسی مختلف اسکیموں کے موثر نفاذ کے ذریعے خواتین کو بااختیار بنانے کی اہمیت کو اجاگر کیا۔ سوچھ بھارت مشن، پوشن ابھیان، دین دیال انتیودیا یوجنا – قومی دیہی ذریعہ معاش مشن (ڈی اے وائی-این آر ایل ایم)۔ ایم ڈبلیو سی ڈی کے سکریٹری انیل ملک نے اس مہم کا تعارف کرایا اور قومی وژن سے آہنگ خواتین کی قیادت والی ترقی کو آگے بڑھانے میں اس کے اہم کردار کو اجاگر کیا۔

ایک روزہ ورکشاپ میں سنکلپ: ایچ ای ڈبلیو کے نچلی سطح کے کارکنوں کے لیے قانونی اہتماموں، مواصلاتی حکمت عملی اور مشاورت کی تکنیک پر سیشن شامل تھے جو بھارت بھر کے 693 اضلاع میں کام کر رہے ہیں۔ ان اقدامات کا مقصد خدمات کی آخری حد تک فراہمی کو یقینی بنانا اور ترقیاتی اسکیموں میں خواتین کی شرکت کو بڑھانا ہے۔

وزارت اس 100 روزہ پروگرام کے ذریعے تعلیم، صحت، معاش اور سماجی تحفظ جیسے شعبوں میں خواتین کو بااختیار بنانے کے اپنے عزم کا اعادہ کرتی ہے۔

***

(ش ح – ع ا – ع ر)

U. No. 7722

(Release ID: 2027784) Visitor Counter : 44