یوگا کے 10ویں بین الاقوامی دن کے موقع پر، صارفین کے امور، خوراک اور عوامی  نظام تقسیم اور نئی اور قابل تجدید توانائی کے مرکزی وزیر جناب پرہلاد جوشی نے آج یہاں تیاگراج اسٹیڈیم میں بڑے پیمانے پر یوگا کے مظاہرے کی قیادت کی۔ مرکزی وزیر نے سب کو صحت مند یوگا کے دن کی مبارکباد دی اور صحت مند رہنے کے لیے ہندوستانی یوگا کے نظام کو اپنانے کے لیے پوری قوم کو مبارکباد دی۔

جناب جوشی نے یوگا کی مشق کو بحال کرنے میں  وزیر اعظم جناب نریندر مودی کی کوششوں کی ستائش کی اور کہا کہ وزیر اعظم کی انتھک کوششوں نے عوام میں یوگا کی مشق کرنے کی دلچسپی کو پھر سے جگایا ہے۔ انہوں نے زور دے کر کہا کہ جناب وزیر اعظم نے یوگا کو عالمی پلیٹ فارم پر مقبول بنانے میں اہم کردار ادا کیا ہے۔ انہوں نے مزید کہا کہ آج بہت سے ممالک نے یوگا کو اپنایا ہے اور اس کی اہمیت کو اچھی طرح سمجھتے ہیں۔ انہوں نے ان ممالک کا بھی شکریہ ادا کیا ،جنہوں نے اقوام متحدہ میں قرارداد پاس کرنے میں مدد کی اور 21 جون کو بین الاقوامی یوگا ڈے کے طور پر نامزد کیا۔ اس سال وزیر اعظم نے، آج جموں و کشمیر  کےسری نگرسے یوگا کےبین الاقوامی دن کی تقریبات سے خطاب کیا ہے۔

وزیرمملکت جناب بی ایل۔ ورما نے بھی اس پرجوش اجلاس میں بڑھ چڑھ کر حصہ لیا۔  محکمہ خوراک اور عوامی تقسیم (ڈی ایف پی ڈی) کے سکریٹری جناب سنجیو چوپڑا، محکمہ امور صارفین (ڈی او سی اے)، کی سکریٹری محترمہ ندھی کھرے اور نئی اور قابل تجدید توانائی کی وزارت (این این آر ای)میں سکریٹری جناب بھوپندر سنگھ بھلا  بھی بڑے پیمانے پر یوگا کے مظاہرے کے دوران موجود تھے۔ صبح سویرے  کےیوگا اجلاس میں محکمہ کے سینئر افسران کی زبردست شرکت دیکھنے میں آئی۔

نئی دہلی  کےکانسٹی ٹیوشنل کلب آف انڈیا میں بڑے پیمانے پر یوگا کے مظاہرے کا دوسرا اجلاس بھی منعقد ہوا۔ ڈی ایف پی ڈی اور فوڈ کارپوریشن آف انڈیا (ایف سی آئی) کے عہدیداروں نے اس تقریب میں جوش و خروش سے حصہ لیا۔ اس سال کے آئی وائی ڈی کا موضوع ’اپنے اور معاشرے کے لئے یوگا ‘ ہے۔

************

ش ح۔ ا  ع  ۔ م  ص

 (U:7691)