غیر ملکی تجارت کے طریقہ کار کو جدید اور ہموار کرنے کی جاری کوششوں کے سلسلے میں ڈائریکٹوریٹ جنرل آف فارن ٹریڈ (ڈی جی ایف ٹی) نے فیصلہ کیا ہے کہ وقتی ان پٹ آؤٹ پٹ کے معیارات کا تعین ایک اصول پر مبنی، نظام عمل کے ذریعہ کیا جائے گا، جس کا مقصد برآمد کنندگان کے لیے کاروبار کرنے میں آسانی کو بہتر بنانا ہے جبکہ ڈی جی ایف ٹی اور متعلقہ برآمد کنندگان دونوں کے لیے وقت اور محنت کو کم کرنا ہے۔یہ تبدیلیاں ایک وسیع تر پالیسی کے ساتھ ایک سہولت فراہم کرنے والی حکومت کی طرف متوجہ ہوتی ہیں جو تکنیکی انٹرفیس اور باہمی تعاون کے اصولوں کو اپناتی ہے۔

ایڈوانس اتھارٹی اسکیم کے تحت  وقتی معیارات کی تشکیل اور نئے معیاری ان پٹ آؤٹ پٹ نارم (ایس آئی او این) کو مطلع کرنے کے عمل کو مزید ہموار اور خودکار بنانے کے لیے، ڈی جی ایف ٹی نے پہلے ہی ہینڈ بک آف پروسیجرز 2023 کی 4.14 اور 4.06کے پیرا میں ترمیم کرتے ہوئے ،پبلک نوٹس نمبر 51/2023 مورخہ 14.03.2024 کے ذریعہ ترمیم کا اعلان کیا تھا۔  ان ترامیم کا مقصد کاروبار کرنے میں آسانی اور تجارتی سہولت کو بڑھانا ہے۔

مزید برآں، ڈی جی ایف ٹی دیگر غیر ملکی تجارتی پالیسی کے عمل اور طریقہ کار کے لیے اسی طرح کے آٹومیشن اقدامات کو فعال طور پر آگے بڑھا رہا ہے، جو کہ تجارتی سہولت کاری میں جدید کاری اور کارکردگی کو بڑھانے کے لیے اپنی وابستگی پر زور دیتا ہے۔

ڈی جی ایف ٹی غیر ملکی تجارتی پالیسی کی ایڈوانس اتھورائزیشن اسکیم کا انتظام کرتا ہے، برآمدی پیداوار کے لیے اِن پٹ کی ڈیوٹی فری درآمد کی سہولت فراہم کرتا ہے، جس میں اِن پٹ کی بھرپائی یا ڈیوٹی معافی شامل ہے۔ ان پٹ کی اہلیت کا تعین ان پٹ آؤٹ پٹ کے اصولوں کی بنیاد پر سیکٹر کے مخصوص معیاراتی کمیٹیوں کے ذریعہ کیا جاتا ہے۔

اپریل 2023 میں نئی ​​غیر ملکی تجارتی پالیسی کے اعلان کے بعد سے، ڈی جی ایف ٹی ایف ٹی ایف فریم ورک کے تحت خودکار، اصول پر مبنی عمل کو وسعت دینے کے لیے اپنے نظام کو فعال طور پر بہتر بنا رہا ہے۔ یہ اصلاحات جاری کرنے کے بعد آڈٹ کی صلاحیتوں اور خطرے کو کم کرنے کے اعمال کو شامل کرتی ہیں۔ قابل ذکر بات یہ ہے کہ در آمد کنندہ –برآمد کنندہ کوڈ (آئی ای سی) کا اجراء اور ترمیم، اسٹیٹس ہولڈر سرٹیفکیٹس کا اجرا، آر سی ایم سی کی تجدید، اور ایڈوانس اتھارٹی کا اجراء، دوبارہ توثیق، توسیع، اور منسوخی، نیز تنصیب کے لیے سرٹیفیکیشن سمیت متعدد عمل، ای پی سی جی اسکیم کے تحت، پہلے سے ہی ایک اصول پر مبنی خودکار عمل کے ذریعے چلائی جا رہی ہے۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ت ع(

8375