18ویں ممبئی انٹرنیشنل فلم فیسٹیول (ایم آئی ایف ایف) نے چار بیلاروسی فلموں کے ایک خصوصی پیکج کی نمائش کی، جس میں ثقافتی تبادلے کی اہمیت کو اجاگر کیا گیا اور ہندوستان اور بیلاروس کے درمیان باہمی تعلقات کو مضبوط کیا گیا۔ ایم آئی ایف ایف 2024 کے موقع پر ایک پریس کانفرنس سے خطاب کرتے ہوئے جمہوریہ بیلاروس کے نیشنل فلم ا سٹوڈیو 'بیلاروس فلم' کے ڈائریکٹر جنرل یوری الیکسی نے ایم آئی ایف ایف کی جانب سے فراہم کردہ پلیٹ فارم پر اپنی خوشی  کا اظہار اور ستائش کی۔ اس کے علاوہ، ممبئی میں جمہوریہ بیلاروس کے قونصل جنرل الیگزینڈر ماتسوکو بھی موجود تھے، جنہوں نے اسی طرح کے جذبات کا اظہار کیا ۔

یوری الیکسی نے بین الاقوامی تعاون اور افہام و تفہیم کو فروغ دینے میں ایم آئی ایف ایف جیسے فلمی میلوں کی اہمیت پر زور دیا۔ انہوں نے کہا "میں بہت خوش ہوں کہ 18ویں ممبئی انٹرنیشنل فلم فیسٹیول میں 4 بیلاروسی فلموں کو خصوصی پیکج کے طور پر دکھایا گیا ہے۔ ایم آئی ایف ایف جیسے پلیٹ فارم ممالک کے درمیان باہمی تعلقات کو مضبوط بنانے میں اہم کردار ادا کرتے ہیں،" ۔

یوری الیکسی نے اعلان کیا کہ 'بیلاروس فلم' اسٹوڈیو اس سال اپنی 100 ویں سالگرہ منائے گا۔ اس سنگ میل کو یادگار بنانے کے لیے نومبر 2024 میں بیلاروس کے دارالحکومت منسک میں 'لسٹاپڈ' یعنی 'مقدس دور' کے نام سے ایک فلم فیسٹیول کا انعقاد کیا جائے گا۔ فیسٹیول میں چھ مختلف انواع کی فلمیں دکھائی جائیں گی، جن میں دستاویزی فلمیں، مختصر فلمیں، حرکت پذیری، اور ڈرامہ شامل ہیں۔ انہوں نے مزید کہا، "میں اس فلم فیسٹیول میں ہندوستانی سینی فیلسز کو مدعو کرنا چاہوں گا۔"

الیگزینڈر ماتسوکو نے بیلاروسی فلموں اور ٹیلنٹ کو فروغ دینے میں ایم آئی ایف ایف کی اہمیت پر روشنی ڈالی۔ انہوں نے کہا، "ہم نے بیلاروسی فلموں کی نمائش کے لیے ایم آئی ایف ایف کا دورہ کیا۔ چونکہ ممبئی ہندوستانی سنیما کا مرکز ہے، ہمارے پاس بیلاروسی ٹیلنٹ کو دنیا کے سامنے پیش کرنے کا بہترین موقع ہے۔" انہوں نے بیلاروس میں ریلیز ہونے والی پہلی ہندوستانی فلم 'ڈسکو ڈانسر' کی یاد تازہ کی جس میں متھن چکرورتی نے اداکاری کی اور بیلاروس میں ہندوستانی فلموں کی بڑھتی ہوئی مقبولیت کا ذکر کیا۔ "بیلاروس کے لوگ ہندوستانی سنیما میں دکھائے جانے والے رقص، موسیقی اور ڈرامے سے لطف اندوز ہوتے ہیں،" انہوں نے بتایا ۔

ہندوستانی فلم سازوں کو دعوت دیتے ہوئے، ماتسوکو نے بیلاروس کی قدرتی خوبصورتی اور فلم بندی کی منزل کے طور پر اس کی صلاحیت کے بارے میں بات کی۔ انہوں نےکہا "بیلاروس فلم کی شوٹنگ کے لیے ایک خوبصورت ملک ہے۔ ہم ہندوستانی فلم سازوں کو سہولت فراہم کرنے کے طریقوں پر کام کر رہے ہیں اور ان کے ساتھ تعاون کے منتظر ہیں،" ۔

پریس کانفرنس نے ثقافتی تبادلے کے لیے باہمی جوش و خروش اور ثقافتی خلیج کو ختم کرنے میں سنیما کے کردار پر زور دیا، جس سے ہندوستانی اور بیلاروسی فلم سازوں کے درمیان مستقبل میں تعاون کی راہ ہموار ہوئی۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ت ع(

8374