রাজ্য সভানা ওগস্ত ১০,২০২৩ দা ‘দ পোস্ত ওফিস এক্ত ২০২৩’ পুথোকখি অমসুং রাজ্য সভাদা দিশেম্বর ০৪,২০২৩ দা পাস তৌখি। মতম অদুদা বিল অসি খন্নখি অমসুং লোক সভানা দিশেম্বর ১২,২০২৩ অমসুং দিশেম্বর ১৮,২০২৩ দা পাস তৌখি।

 ‘দ পোস্ত ওফিস এক্ত ২০২৩’ ভারতকী রাস্ত্রপতিনা দিশেম্বর ২৪,২০২৩ দা অয়াবা পীখি অমসুং মীয়াম খঙনবা লো অমসুং জর্জতিস মিনিস্ত্রিনা দিশেম্বর ২৪,২০২৩দা ভারতকী গেজেত, এক্সত্রাওর্দিনারি, পার্ত ২, সেক্সন ১ দা ফোঙখি।

এক্ত অসিনা মনুং-হুঞ্জিনবা মফমশিংদা মীয়ামগী য়াইফনবা থবকশিং, বেঙ্কগী থবকশিং অমসুং সরকারগী স্কিমশিংগী কান্নবশিং য়ৌহন্নবা অচম্বা আইনগী ওইবা ঙাক্লৌ অমা পীনবা পান্দম থম্লি।

এক্ত অসিগী প্রোবিজনশিংদা, ললোন-ইতিক পাংথোকপদা কোম্বা হেনগৎহন্নবা অমসুং হিংবদা লাইবা হেনগৎহন্নবা চিথিশিং খোমজিনবা, শেম-শাবা অমসুং য়েন্থোকপগী খুদোংচাবশিং য়াওরি।

এক্ত অসিদা চৈরাক পীবগী প্রোবিজনশিং য়াওদে।

এক্ত অসিদা পোৎলমশিং লৈফম তাকপা, লৈফম মশক খঙদোকপা অমসুং পোস্তকোদশিং শীজিন্নবগী ঙাক্লৌ অমা পীরি।

‘দ পোস্ত ওফিস এক্ত ২০২৩’, নোতিফিকেসন নম্বর এস.ও ২৩৫২, তারিখ জুন ১৭,২০২৪, জুন ১৮,২০২৪ দগী চৎনবা হৌরে অমসুং দ পোস্ত ওফিস এক্ত, ১৮৯৮ রিপীল তৌরে।  

****