ممبئی، 17 جون 2024

18 ویں ممبئی انٹرنیشنل فلم فیسٹیول (ایم آئی ایف ایف) نے چار مشہور خواتین فلم سازوں کو ایک بصیرت انگیز سیشن کے لیے اکٹھا کیا جس کا عنوان تھا ’’اس کی کہانی کی نقاب کشائی: دستاویزی فلم سازی کے ذریعے خواتین کے بیانیے کی تلاش۔‘‘ ایک ممتاز دستاویزی داستان گو، ملکہ ہزاریکا کے زیر انتظام، اس سیشن میں نیشنل فلم ایوارڈ یافتہ سرشٹی لکھیرا، فرح خاتون، پریرنا باربروہ، اور ماہر مصنف، پروڈیوسر، اور ہدایت کار ازابیل سیمونی شامل تھیں۔ پینلسٹس نے اپنے ہنر، سماجی مسائل اور فلم انڈسٹری میں درپیش چیلنجز اور کامیابیوں پر تبادلہ خیال کیا۔

اتراکھنڈ سے تعلق رکھنے والی سرشٹی لکھیرا نے اس بات پر زور دیا کہ خواتین کے لیے پتھر توڑنے سے لے کر شاعری لکھنے تک کچھ بھی ناممکن نہیں ہے۔ اس کی پہلی دستاویزی فلم ’’ایک تھا گاؤں‘‘ جس نے 69 ویں نیشنل فلم ایوارڈز میں بہترین فلم اور بہترین آڈیوگرافی کا ایوارڈ جیتا، اس کے والد کے ہمالیائی گاؤں کی زندگی  کی عکاسی کرتی ہے۔ جب انہوں نے فلم بندی شروع کی تو صرف سات رہائشیوں کے ساتھ، دستاویزی فلم میں ایک 80 سالہ خاتون اور ایک 19 سالہ لڑکی کی جدوجہد کو اجاگر کیا گیا ہے جو ایک تنہا دیہاتی زندگی اور ایک اجنبی شہر کے وجود کے درمیان انتخاب کا سامنا کر رہی ہیں۔ لکھیرا نے نشاندہی کی کہ لاوارث دیہاتوں میں جو لوگ پیچھے رہ گئے ہیں وہ اکثر خواتین اور دلت ہیں، کیونکہ شہر میں منتقل ہونے کا اعزاز عام طور پر مردوں کو حاصل ہوتا ہے۔ فلم ساز نے کہا ’’خواتین اپنا پیسہ خود کمانا چاہتی ہیں لیکن ان کے پاس یہ اختیار نہیں ہے۔‘‘ انہوں نے دیہی علاقوں میں ڈیجیٹل پلیٹ فارمز پر بڑھتے ہوئے انحصار کا ذکر کیا اور دور دراز کے دیہاتوں میں پسماندہ پس منظر سے تعلق رکھنے والے نوجوان ہپ ہاپ فنکاروں کے متاثر کن طور پر  ابھرنے کا ذکر کیا جو خود لکھنا، ریکارڈ کرنا اور موسیقی کو مکس کرنا سیکھتے ہیں۔

ازابیل سیمونی نے صنفی مساوات کے حصول کے سلسلے میں پیش آنے والے  چیلنجوں اور اپنی داستان گوئی  میں خواتین کی نمائندگی پر اپنی توجہ کے بارے میں بات کی۔ انہوں نے خواتین فلم سازوں کو درپیش مشکلات پر روشنی ڈالی، جس میں ان کی فلموں کے ناظرین تک نہ پہنچنے کا خوف اور مالی اثرات بھی شامل ہیں۔ سیمونی نے آنے والے فلم سازوں کو مشورہ دیتے ہوئے مزید کہا ’’سیٹ پر بھی، آپ کو عملے کو اعتماد کا احساس دلانا ہوگا۔ ہمیں پروفیشنل ہونے کی ضرورت ہے اور ان لوگوں کے لیے لڑنا ہوگا جنہیں ہم اسکرین پر دیکھنا چاہتے ہیں۔‘‘

شمال مشرق سے تعلق رکھنے والی ایک ماہر ہدایت کار، مصنف، اداکار، اور ماڈل پریرنا بروہ نے 50 سے زیادہ دستاویزی فلمیں بنائی ہیں۔ ان کی پہلی فلم، جو میگھالیہ کے ازدواجی معاشرے سے متاثر ہے، ان کی پدرانہ پرورش سے متصادم ہے۔ اپنی دستاویزی فلم میں، انہوں نے ازدواجی قبائل کے اندر منفرد سماجی کرداروں کی کھوج کی، جس میں 36 گھنٹے کی فوٹیج کو 36 منٹ کی فلم  کی شکل میں ڈھال دیا گیا۔ بروہ نے اپنی بیویوں کے گھروں میں رہنے والے مردوں کے ساتھ اپنی دلچسپی کا اظہار کیا، جو میگھالیہ کے قبائلی معاشرے میں ایک معمول ہے۔

فرح خاتون، ایک فلمساز اور ایڈیٹر، اپنی دستاویزی فلموں میں صنف، پدرانہ نظام، اور مذہبی عصبیت کے موضوعات پر روشنی ڈالتی ہیں۔ انہوں نے ہندوستان میں خواتین دستاویزی فلم سازوں کی نمایاں موجودگی کو اجاگر کیا اور سابقہ ​​فلمز ڈویژن اور موجودہ این ایف ڈی سی کی طرف سے فراہم کردہ تعاون کی تعریف کی۔ انہوں نے کہا کہ یہ حکومتی تعاون دستاویزی فلم سازوں کو ایک اہم تحریک اور اعتماد فراہم کرتا ہے، جو ان کے کیریئر کو شروع کرنے اور اسے برقرار رکھنے میں مدد فراہم کرتا ہے۔

۔۔۔۔۔۔۔۔۔۔۔

ش ح۔  س ب۔ن ا۔

U-7512