ایک ترقی یافتہ قوم کے لیے خیالات اور مشترکہ عزم کو پروان چڑھانے کے لیے، ممبئی انٹرنیشنل فلم فیسٹیول (ایم آئی ایف ایف)  کا 18 واں ایڈیشن اس سال کے خصوصی تھیم " امرت کال میں ہندوستان" کے تحت چھ فلمیں پیش کرنے کے لیے تیار ہے۔ نمائش کے لیے مقرر کردہ چھ غیر معمولی فلمیں ہندوستان کی ترقی اور خوشحالی کو پیش کریں گی۔

ہر سال، قومی مقابلہ کے زمرے کے تحت اس سیکشن کے لیے ایک خصوصی تھیم کا انتخاب کیا جاتا ہے۔ ایم آئی ایف ایف کے 18 ویں ایڈیشن کا تھیم، "امرت کال میں ہندوستان" ہے۔ فاتح کو ٹرافی اور سرٹیفکیٹ کے ساتھ ایک لاکھ روپے کی نقد رقم دی جائے گی۔

18ویں ایم آئی ایف ایف کے قومی مقابلے کے لیے جیوری میں ایڈیل سیلمن-ایگبرٹ، ڈاکٹر بوبی سرما باروہ، اپوروا بخشی، مونجال شراف اور انا ہینکل-ڈونرمارک جیسے قابل ذکر نام شامل ہیں، جو" امرت کال میں ہندوستان" پر بہت سے تکنیکی ایوارڈ اور بہترین مختصر فلم کے لیے خصوصی ایوارڈ کی میزبانی کے علاوہ،  بہترین ہندوستانی دستاویزی فلم، مختصر فلم، اینی میشن، بہترین ڈیبیو فلم ایوارڈ(مہاراشٹر کی حکومت کی طرف سے اسپانسر شدہ) اور بہترین طالب علم فلم ایوارڈ (آئی ڈی پی اے کی طرف سے ) سے  نوازیں گے۔

"امرت کال میں ہندوستان" کے زمرے میں بہترین مختصر فلم کے خصوصی ایوارڈ کے تحت منتخب فلمیں۔

1. اجے دھوجا

میوزک ویڈیو اپنے ملک کے لیے ایک خراج تحسین ہے، جس میں اس کے ساتھ گہرے تعلق اور فخر پر زور دیا گیا ہے۔ یہ قربانی دینے اور قوم کی بھلائی کا جشن منانے کے عزم کا اظہار کرتا ہے۔ "اپنی مٹی سے بنے" ہونے کی منظر کشی زمین سے حاصل ہونے والے تعلق اور شناخت کے احساس کو واضح کرتی ہے۔

2. اونیک اوبووا

اونیک اوبووا ایک بہادر عورت، اونیک کے بارے میں ایک فلم ہے۔ جب چتردرگا قلعہ کی دیواروں کو توڑنے کی حیدر علی کی بار بار کوششوں کو ثابت قدمی کا سامنا کرنا پڑا اور اس کی فوج نے قلعہ کے عام کارکنوں کے بھیس میں خفیہ راستے تک رسائی حاصل کی تواوبوو، ایک غیر سنجیدہ گھریلو خاتون نے دراندازوں کو خفیہ راستے سے پھسلتے ہوئے دیکھا۔ بغیر کسی ہچکچاہٹ کے، اس نے ایک غیر روایتی ہتھیار کے طور پر قریب ہی پڑا ہوا ایک اونیک ، ایک عام موسل اٹھایا اور ایک ایک کر کے گھسنے والوں کا مقابلہ کیا اور مہارت کے ساتھ اپنے موسل کو مہلک اثر تک پہنچایا۔ 

3. ایوری ویئر

فلم ایوری ویئر (ہر جگہ)  ہماری تیز رفتار فیشن  زدہ طرز زندگی کے بارے میں بات کرتی ہے جہاں ہم اپنی ہر ممکن چیز کو استعمال کرنے کی خواہش سے متاثر ہوتے ہیں۔ ہم اپنے لباس کے اجزاء کے بارے میں لاعلم ہیں- جن میں سے زیادہ تر پولیمر سے بنے ہیں۔ جب کوئی کپڑا مر جاتا ہے، تو وہ مٹی کے ڈھیر میں دفن ہو جاتا ہے۔ یہ فلم ہمیں احمد آباد کے سب سے بڑے لینڈ فل پر پر لے جاتی ہے، جہاں غیر پائیدار فیشن کے اثرات کو واضح کرنے کے لیے کرداروں کو پلاسٹک کا لباس پہنایا جاتا ہے۔

4. انڈیا - ہوپس 24

مختلف نسلوں کے ہندوستانی، ملک بھر میں، 2024 میں ہندوستان کے لیے اپنی امیدوں کے بارے میں، اس زبان میں بات کرتے ہیں جس میں وہ سب سے زیادہ آرام دہ ہیں۔ 

5. مورنگا - فطرت کا علاج

’امرت کال‘ میں مورنگا کا درخت (مورنگا اولیفیرا) اہم غذا کے ذریعہ طور پر ابھر رہا ہے۔ مورنگا کے پتے میں غذائیت کی کمی کے خاتمے کے پروگراموں میں شامل کیے جانے کی اچھی صلاحیت ہے کیونکہ یہ غذائیت سے بھرپور ہے اور غذائی سپلیمنٹ کے مقابلے میں سستا ہے۔ یہ دستاویزی فلم مورنگا کے فوائد اور ایک منافع بخش فصل کے طور پر اس کے امکانات کو تلاش کرتی ہے جو موسمیاتی تبدیلیوں کا مقابلہ کر سکتی ہے اور غیر ملکی کرنسی فراہم کر سکتی ہے۔

6. بگاری کامگار

یہ مختصر دستاویزی فلم پونے، ہندوستان میں صفائی ستھرائی کے کارکنوں کی مشکل زندگیوں کو بیان کرتی ہے، جس میں ایک درمیانی عمر کی خاتون کارکن کے تجربات پر توجہ دی گئی ہے۔ اس کی داستان کے ذریعہ، فلم ان کارکنوں کو درپیش روزمرہ کی جدوجہد اور مسائل کو اجاگر کرتی ہے، ان کے کام کے حالات اور کمیونٹی کے فضلہ کے انتظام کے طریقوں پر روشنی ڈالتی ہے۔ یہ کچرے کو ٹھکانے لگانے کے بارے میں مقامی باشندوں کے رویوں کو بھی ظاہر کرتا ہے۔

۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ت ع(

7477