صحت اور خاندانی بہبود کے مرکزی وزیر جناب جے پی نڈا نے آج نئی حکومت کی تشکیل کے بعد پہلے سو روز کے لئے طے کردہ صحت مقاصد کے حصول کے لئے اعلیٰ سطح کی میٹنگ کی سربراہی کی، جس میں مرکزی وزارت صحت کے اعلیٰ افسران شامل تھے۔ وزیر موصوف کے ہمراہ صحت اور خاندانی بہبود وزارت میں مرکزی وزیر مملکت محترمہ انوپریا پٹیل اور جناب جادھو پرتاپ راؤ گن پت راؤ بھی تھے۔

وزارت کی کارکردگی کاجائزہ لیتے ہوئے عزت مآب مرکزی وزیر نے ہدایت دی کہ صحت سے متعلق سہولیات اور صحت نظام کے معیار کو بہتر بنانے کے اقدامات کئے جائیں۔ انہوں نے اے بی-پی ایم جے اے وائی کے تحت صحت بیمے میں توسیع کی ضرورت پر زور دیا۔ مرکزی وزیر نے تمباکو نوشی پر قابو پانے کے لئے نوجوانوں کو مہم شامل کرنے پر زور دیا۔ انہوں نے کہاکہ تمباکو نوشی کے نقصانات سے لوگوں کو آگاہ کرنے کے لئے عام زبان استعمال کی جائے۔

مرکزی صحت سکریٹری جناب اپوروا چندرا،  جناب  جی کملا وردھن راؤ، سی ای او، ایف ایس ایس اے آئی؛ محترمہ دیپتی گوڑ مکھرجی، سی ای او، این ایچ اے اور مرکزی وزارت صحت کے دیگر سینئر افسران میٹنگ میں موجود تھے۔

***

ش ح۔ ع س۔ ک ا