میكون لمیٹڈ نے جو کہ وزارت اسٹیل کے ذریعے اسکیم پر عمل درآمد کرنے والی ایجنسی کے طور پر مصروف ہے، درخواست برائے تجویز جاری کی ہے۔ اس میں ممکنہ ٹینڈر داخل كرنے والوں سے ڈی آر آئی پائلٹ پلانٹ، موجودہ بلاسٹ فرنس اور موجودہ ڈی آر آئی ورٹیکل شافٹ میں ہائیڈروجن کے استعمال کے لیے تجاویز طلب كی گئی ہے۔ درخواست برائے تجویز دستاویز کو میكون کی ویب سائٹ ٹینڈرویزارڈ میں اور سنٹرل پروکیورمنٹ پورٹل میں ای ٹینڈر موڈ میں 11.06.2024 کو اپ لوڈ کر دیا گیا ہے۔ ٹینڈر جمع کرانے کی تاریخ 08.07.2024 ہے۔

سركاری زمرے كے مركزی ادارے، سركاری زمرے كے ریاستی ادارے، نجی شعبوں، ریاستی کارپوریشنوں، ہندوستانی تحقیق و ترقی كے اداروں/ریسرچ لیباریٹریوں/تعلیمی اداروں، مقامی آلات کی ڈیزائن اور مینوفیکچرنگ کمپنیوں، جے ویز/شراکت دار/ایسے اداروں کے کنسورشیم کو اپنی منتخب سکیم کے لیے تجاویز پیش کرنے کے لیے مدعو کیا جاتا ہے۔

اسٹیل کے شعبے میں گرین ہائیڈروجن انٹیگریشن

اسٹیل کی پیداوار ان شعبوں میں سے ایک ہے جس کی ضرورت کے ساتھ ساتھ فوسِل ایندھن کو سازگار ہائیڈروجن میں تبدیل کرنے کی بڑی صلاحیت ہے۔ہائیڈروجن کی پیداوار کے لیے قابل تجدید توانائی اور الیکٹرولائزرز کے حوالے سے تیزی سے ترقی پذیر تکنیکی منظر نامے کے ساتھ یہ توقع کی جاتی ہے کہ اگلے چند برسوں میں سازگار ہائیڈروجن پر مبنی اسٹیل کی قیمت مسابقتی بن سکتی ہے۔ اسٹیل کی صنعت میں گرین ہائیڈروجن کے استعمال کے امکانات کا جائزہ لینے کے لیے نئی اور قابل تجدید توانائی کی وزارت کے تحت نیشنل گرین ہائیڈروجن مشن سٹیل کے شعبے میں پائلٹ پروجیکٹس کی حمایت اور ترتیب دے رہا ہے۔ مشن کے تحت اسٹیل سیکٹر کے لیے مالی سال 2030-2029 تک 455 کروڑ روپے کا بجٹ مختص کیا گیا ہے۔

اسٹیل کے شعبے میں ہائیڈروجن کے استعمال کے لیے تجارتی طور پر قابل عمل ٹیکنالوجیز کی ترقی/انتخاب/توثیق کے لیے تعاون پر غور کرنے کے لیے اس اسکیم کے تحت اہم علاقے درج ذیل ہیں:

• عمودی شافٹ )اسكیم-اے ( کا استعمال کے ساتھ 100فیصد ہائیڈروجن کا استعمال کرتے ہوئے ڈی آراآئی تیار کرنے کا پائلٹ پروجیکٹ۔
•  کوئلے/کوک کی کھپت کو کم کرنے کے لیے بلاسٹ فرنس میں ہائیڈروجن کا استعمال (اسكیم-بی)۔
•  عمودی شافٹ پر مبنی ڈی آر آءی بنانے والی یونٹ میں ہائیڈروجن کا انجکشن۔ اس كا مقصد جزوی طور پر این جی / دیگر کم کرنے والی گیس کو تبدیل کرنا اور اس کے تناسب کو بتدریج بڑھانے کے مقصد کے ساتھ زیادہ سے زیادہ ہائیڈروجن (اسكیم-سی) کو استعمال کرنا ہے۔

ان اسکیموں کا مقصد اسٹیل بنانے کے عمل میں ہائیڈروجن کے استعمال کے لیے ٹیکنالوجی اور مہارت کو آگے بڑھانا ہے  تاكہ لوہے اور اسٹیل کے شعبے میں ہائیڈروجن کی تعیناتی كو مدد ملے۔ حقیقی دنیا کے آپریشنل حالات میں آئرن اینڈ اسٹیل مینوفیکچرنگ میں ہائیڈروجن کی تکنیکی فزیبلٹی اور کارکردگی کی توثیق ہو۔ لوہے اور اسٹیل کے شعبے میں گرین ہائیڈروجن کے استعمال کی اقتصادی قابل عملیت کا جائزہ لیا جا سكے۔ اس كا مقصد ہائیڈروجن پر مبنی کم کاربن آئرن اور اسٹیل کی کارکردگی کا جائزہ لینے اور کم کاربن آئرن اور اسٹیل کی ہائیڈروجن پر مبنی پیداوار کے محفوظ اور محفوظ آپریشنز کا مظاہرہ کرنا ہے۔

***

ش ح۔ ع س۔ ک ا