پنچایتی راج اور ماہی پروری، مویشی پروری اور ڈیری کے مرکزی وزیر جناب راجیو رنجن سنگھ عرف للن سنگھ نے آج ایک جائزہ میٹنگ کی صدارت کی جس میں پنچایتی راج کی وزارت کی اسکیموں اور پروگراموں کی مختلف سرگرمیوں، اقدامات اور نفاذ کی حکمت عملیوں پر تفصیل سے تبادلہ خیال کیا گیا۔ اس میٹنگ میں پنچایتی راج اور ماہی پروری، حیوانات اور ڈیری کے  کے مرکزی وزیر مملکت پروفیسر ایس پی سنگھ بگھیل نے شرکت کی۔ پنچایتی راج کی وزارت کے سکریٹری جناب وویک بھردواج نے اہم مداخلتوں اور ترجیحی شعبوں پر روشنی ڈالتے ہوئے وزارت کے اقدامات اور کوششوں کا ایک جامع جائزہ پیش کیا۔

مرکزی وزیر کو پنچایتی راج کی وزارت کی طرف سے شروع کردہ اسکیموں اور اقدامات کے بارے میں بتایا گیا۔ مرکزی وزراء نے تمام اسکیموں کے نفاذ کی موجودہ صورتحال کا قریبی جائزہ لیا اور مستقبل کے لاءحہ عمل پر تفصیل سے تبادلہ خیال کیا۔ پنچایتی راج کی وزارت کے سینئر افسران بشمول ایڈیشنل سکریٹری ڈاکٹر چندر شیکھر کمار، جوائنٹ سکریٹری جناب آلوک پریم نگر، جوائنٹ سکریٹری جناب وکاس آنند، جوائنٹ سکریٹری جناب راجیش کمار سنگھ، جوائنٹ سکریٹری اور مالیاتی مشیر محترمہ تنوجا ٹھاکر کھلکھو، اقتصادی مشیر ڈاکٹر بجیا کمار بہیرا، اکاؤنٹس کے چیف کنٹرولر جناب اکھلیش جھا بھی بریفنگ میٹنگ میں موجود تھے۔

میٹنگ کے دوران پنچایتی راج کے مرکزی وزیر جناب راجیو رنجن سنگھ عرف لالن سنگھ نے تمام ذمہ داران کی اجتماعی کوششوں سے فائدہ اٹھانے کی اہمیت پر زور دیا جس كا مقصد اس بات کو یقینی بنانا ہے کہ حکومت ہند کے اقدامات کا دیہی علاقوں میں نچلی سطح پر تبدیلی اور نمایاں اثر مرتب ہو۔ انہوں نے اس یقین كا اظہار کیا کہ تمام ذمہ داران کی مربوط اور ٹھوس کوششوں سے پنچایتی راج کی وزارت وزیر اعظم کے وکست بھارت ویژن کے مطابق تمام اقدامات اور مداخلتوں کے ہدف شدہ مقاصد کو حاصل کرنے میں کامیاب ہو گی۔ مرکزی وزیر جناب راجیو رنجن سنگھ عرف لالن سنگھ نے بھی تمام اسکیموں کو ایک مقررہ مدت کے اندر لاگو کرنے کے سلسلے میں ہدایات اور تجاویز فراہم کیں۔

پنچایتی راج کے مرکزی وزیر مملکت پروفیسر ایس پی سنگھ بگھیل نے اپنی انمول داخلی معلومات کا اشتراک کیا اور تجویز پیش کی کہ ڈیجیٹل ٹکنالوجی اور ایپ پر مبنی ریئل ٹائم مانیٹرنگ کو پنچایتی راج اداروں کے لیے انتہائی موثر بنایا جانا چاہیے تاکہ وہ اسکیموں کے نفاذ اور خدمات کی فراہمی كو یقینی بناتے ہوئے اپنی ذمہ داریوں کو شفافیت اور موثریت کے ساتھ انجام دے سکے۔

***

ش ح۔ ع س۔ ک ا