نئی دہلی، 07 جون 2024: قومی شاہراہوں  کے صارفین کو بغیر کسی رکاوٹ کے ٹولنگ کا تجربہ فراہم کرنے اور ٹول آپریشنز کی کارکردگی اور شفافیت کو بڑھانے کے لیے، این ایچ  اے آئی کی طرف سے فروغ پانے والی کمپنی ،انڈین ہائی ویز مینجمنٹ کمپنی لمیٹڈ (آئی ایچ ایم جی ایل )نے ہندوستان میں جی این ایس ایس  پر مبنی الیکٹرانک ٹول کلیکشن سسٹم تیار کرنے اور نافذ کرنے کے لیے اختراعی اور اہل کمپنیوں سے عالمی دلچسپی کے اظہار کو مدعو کیا ہے۔

این ایچ اے آئی  موجودہ فاسٹیگ ماحولیاتی نظام کے اندر جی این ایس ایس  پر مبنی الیکٹرانک ٹول کلیکشن (ای ٹی سی) سسٹم کو لاگو کرنے کا ارادہ رکھتا ہے، ابتدائی طور پر ایک ہائبرڈ ماڈل کا استعمال کرتے ہوئے جہاں آرایف آئی ڈی  پرمبنی سی ٹی سی  اور جی این ایس ایس –پر مبنی ای ٹی سی  دونوں بیک وقت کام کریں گے۔ مخصوص جی این ایس ایس  لین ٹول پلازوں پر دستیاب ہوں گی، جس سے جی این ایس ایس –پر مبنی  ای ٹی سی  استعمال کرنے والی گاڑیاں آزادانہ طور پر گزر سکیں گی۔ جیسا کہ جی این ایس ایس پر مبنی ای ٹی سی  زیادہ وسیع ہو جاتا ہے، تمام لین آخر کار جی این ایس ایس لین میں تبدیل ہو جائیں گی۔

ایڈوانس سیٹلائٹ ٹیکنالوجی سے فائدہ اٹھانے کے لیے، ای او آئی  کا مقصد تجربہ کار اور قابل کمپنیوں کی نشاندہی کرنا ہے جو ایک مضبوط، توسیع پذیر، اور موثر ٹول چارجر سافٹ ویئر فراہم کر سکتی ہیں، جو ہندوستان میں گلوبل نیویگیشن سیٹلائٹ سسٹم (جی این ایس ایس) پر مبنی الیکٹرانک ٹول کلیکشن (ای ٹی سی ) کے نفاذ کے لیے ریڑھ کی ہڈی کا کام کرے گا۔ای او آئی  میں عمل درآمد کا ایک مکمل منصوبہ بھی شامل ہے اور اس پر تجاویز طلب کی گئی ہیں۔ دلچسپی رکھنے والی کمپنیاں 22 جولائی 2024 تک (بھارتی وقت کے مطابق ) 1500 بجے  تک ٹینڈرس@آئی ایچ ایم سی ایل .کوم  پر اپنی دلچسپی ای میل کر سکتی ہیں۔

ہندوستان میں جی این ایس ایس پر مبنی الیکٹرانک ٹول کلیکشن کا نفاذ قومی شاہراہوں پر گاڑیوں کی آسانی سے نقل و حرکت کو آسان بنائے گا اور اس سے شاہراہوں کا استعمال کرنے والوں کو بہت سے فوائد فراہم کرنے کا تصور کیا گیا ہے جیسے رکاوٹ کم فری فلو ٹولنگ جس کے نتیجے میں پریشانی کے بغیر سفر  کا تجربہ ہوتا ہے اور فاصلے پر مبنی ٹولنگ جہاں استعمال کنندگان صرف قومی شاہراہ پر سفر کے لیے ہی ادائیگی کریں گے۔ جی این ایس ایس پر مبنی الیکٹرانک ٹول کلیکشن کا نتیجہ بھی زیادہ موثر ٹول وصولی کا باعث بنے گا کیونکہ یہ رساو کو پلگ کرنے اور ٹول چوروں کو چیک کرنے میں مدد کرتا ہے۔

ہندوستان میں جی این ایس ایس پر مبنی الیکٹرانک ٹول کلیکشن قومی شاہراہوں پر مسافروں کو ہموار، اور سہولت سے بھرپور سفر فراہم کرنے میں مزید مدد کرے گا۔

************

ش ح۔ا م  ۔ م  ص

 (U: 7246)