جمہوریہ ہند اور ریاست قطر کی قیادت کے وژن سے باہمی تعاون اور سرمایہ کاری کو مستحکم کرنے کے مقصد سے ، بھارت اور قطر کے درمیان سرمایہ کاری سے متعلق مشترکہ ٹاسک فورس (جے ٹی ایف آئی) کا پہلا اجلاس آج نئی دہلی ، بھارت میں طلب کیا گیا۔

جوائنٹ ٹاسک فورس کی مشترکہ صدارت حکومت ہند کی وزارت خزانہ کے محکمہ اقتصادی امور کے سکریٹری جناب اجے سیٹھ اور حکومت قطر کی وزارت تجارت و صنعت کے انڈر سکریٹری عزت مآب محمد بن حسن المالکی نے کی۔

باہمی ترقی اور خوشحالی کو فروغ دینے کے جذبے کے تحت سرمایہ کاری سے متعلق مشترکہ ٹاسک فورس نے دونوں ممالک کے درمیان دوطرفہ تعلقات کو مضبوط بنانے اور بنیادی ڈھانچے اور توانائی سے لے کر ٹیکنالوجی اور جدت طرازی تک مختلف شعبوں میں تیز تر ترقی، سرمایہ کاری کے مواقع اور باہمی تعاون کے اجتماعی امکانات سے فائدہ اٹھانے کے عزم کا اعادہ کیا ہے۔

جے ٹی ایف آئی نے بھارت اور قطر کے درمیان مضبوط اقتصادی تعلقات کی اہمیت پر زور دیا ہے ، جس کی جڑیں مشترکہ اقدار ، مشترکہ مقاصد اور جامع ترقی کے لیے مشترکہ وژن پر مبنی ہیں۔

***

(ش ح – ع ا – ع ر)

U. No. 7223