بھارت کا ٹیلی کمیونی کیشن منظر نامہ اس وقت جدید ترین نیٹ ورک آرکیٹیکچر اور خدمات کی وجہ سے ایک اہم تبدیلی سے گزر رہا ہے۔ 5 جی نیٹ ورکس کی آمد بے نظیر امکانات متعارف کرواتی ہے ، جس میں الٹرا ہائی اسپیڈ کنکٹیویٹی ، کم سے کم تاخیر ، اور وسیع ڈیوائس انضمام شامل ہیں۔ اس باہم مربوط ایکو سسٹم میں ، ٹیلی کمیونی کیشن شناخت کنندگان (ٹی آئی ایس) موثر مواصلات اور نیٹ ورک مینجمنٹ کو یقینی بنانے میں اہم کردار ادا کرتے ہیں۔ ٹی آئی ایس عالمی رسائی کی بنیاد کے طور پر کام کرتا ہے ، جو صارفین ، کاروباروں اور صنعتوں کو مختلف مواصلاتی ٹکنالوجیوں میں قابل اعتماد خدمات کی فراہمی کی سہولت فراہم کرتا ہے۔

نیشنل نمبرنگ پلان کا مقصد بین الاقوامی بہترین طریقوں کے مطابق ٹی آئی وسائل کی تقسیم اور استعمال کے لیے ایک منظم نقطہ نظر کو یقینی بنانا ہے۔ یہ بنیادی طور پر موجودہ اور ممکنہ خدمات کے لیے نمبرنگ اسپیس اور اس کے ارتقا ء کی وضاحت کرتا ہے ، جس کا مقصد خدمات کی ایک وسیع رینج کو ایڈجسٹ کرنا اور قبل از وقت کمی کے بغیر موثر توسیع کو آسان بنانا ہے۔

محکمہ ٹیلی کمیونی کیشن (ڈی او ٹی) آئی ٹی یو کے ٹیلی کمیونی کیشن اسٹینڈرڈائزیشن سیکٹر (آئی ٹی یو-ٹی) کی سفارشات کی ای.164 سیریز کی پیروی کرتے ہوئے فکسڈ اور موبائل نیٹ ورکس دونوں کے لیے ٹیلی کام شناخت کنندگان کا انتظام کرتا ہے۔ سال 2003 میں ٹیلی کمیونی کیشن ڈپارٹمنٹ نے صارفین کی تعداد میں تیزی سے اضافے کو ایڈجسٹ کرنے کے لیے قومی نمبر پلان کا جامع جائزہ لیا تھا۔ نیشنل نمبرنگ پلان 2003 کے نام سے جانا جانے والا یہ منصوبہ ملک بھر میں 750 ملین ٹیلی فون کنکشنز کے لیے عددی وسائل مختص کرنے کے لیے ڈیزائن کیا گیا تھا۔ تاہم، 21 سال کے بعد، خدمات کی توسیع اور کنکشنوں کی تعداد میں اضافے کی وجہ سے نمبرنگ وسائل کی دستیابی اب معدوم ہوتی جارہی میں ہے۔ 31 مارچ 2024 تک 1,199.28 ملین ٹیلی فون صارفین اور 85.69 فیصد ٹیلی ڈِنسٹی کے ساتھ ٹیلی کمیونی کیشن شناخت کنندگان (ٹی آئی ایس) کے استعمال کا جائزہ لینا اور ٹیلی کمیونی کیشن خدمات کی مسلسل ترقی کے لیے پائیدار ذخائر کو یقینی بنانے کے لیے دانشمندانہ پالیسی فیصلے کرنا انتہائی اہم ہے۔

ٹرائی کو 29 ستمبر 2022 کو ٹیلی کمیونی کیشن ڈپارٹمنٹ کے ذریعے ایک ریفرنس موصول ہوا تھا جس میں ٹرائی ایکٹ 1997 کی دفعہ 11 (1) (اے) کے تحت نظر ثانی شدہ نیشنل نمبرنگ پلان پر ٹرائی کی سفارشات طلب کی گئی تھیں۔ ڈی او ٹی نے مزید درخواست کی ہے کہ تیز رفتار ترقی سے پیدا ہونے والے مناسب فکسڈ لائن نمبرنگ وسائل کی دستیابی سے متعلق موجودہ اور مستقبل کی ممکنہ رکاوٹوں کو دور کیا جائے۔

اس مشاورتی مقالے (سی پی) کا مقصد ٹیلی کمیونی کیشن شناخت کنندہ (ٹی آئی) وسائل کی تقسیم اور استعمال کو متاثر کرنے والے تمام عوامل کا جائزہ لینا ہے۔ اس میں ٹی آئی وسائل کے مناسب ذخیرے کو یقینی بناتے ہوئے الاٹمنٹ پالیسیوں اور استعمال کے طریقہ کار کو بڑھانے کے لیے ممکنہ ترامیم کی بھی تجویز دی گئی ہے۔

اسٹیک ہولڈروں سے رائے حاصل کرنے کے لیے مشاورتی پیپر https://trai.gov.in/release-publication/consultation ٹرائی کی ویب سائٹ پر رکھا گیا ہے۔ نیشنل نمبرنگ پلان پر نظر ثانی پر اسٹیک ہولڈروں سے 04 جولائی 2024 تک تحریری تبصرے اور 18 جولائی 2024 تک جوابی تبصرے طلب کیے گئے ہیں۔

تبصرے اور جوابی تبصرے ترجیحی طور پر الیکٹرانک شکل میں ٹیلی کام ریگولیٹری اتھارٹی آف انڈیا کے ایڈوائزر (بی بی اینڈ پی اے) کو ای میل پر بھیجے جاسکتے ہیں: advbbpa@trai.gov.in ایک نقل jtadvbbpa-1@trai.gov.in کو بھیجی جائے۔ کسی بھی وضاحت / معلومات کے لیے ، مشیر (بی بی اینڈ پی اے) سے ٹیلی فون نمبر پر رابطہ کیا جاسکتا ہے۔ +91-11- 20907757۔

***

(ش ح – ع ا – ع ر)

U. No. 7224

(Release ID: 2023316) Visitor Counter : 62