ஏப்ரல் 2023 குறியீட்டுடன் ஒப்பிடும்போது, எட்டு முக்கிய தொழில்களின் ஒருங்கிணைந்த குறியீடு ஏப்ரல் 2024-இல் 6.2 சதவீதம் அதிகரித்துள்ளது. மின்சாரம், இயற்கை எரிவாயு, நிலக்கரி, எஃகு, சுத்திகரிப்பு தயாரிப்புகள், கச்சா எண்ணெய் மற்றும் சிமெண்ட் ஆகியவற்றின் உற்பத்தி 2024 ஏப்ரலில் நேர்மறையான வளர்ச்சியைப் பதிவு செய்துள்ளது.
சிமெண்ட், நிலக்கரி, கச்சா எண்ணெய், மின்சாரம், உரங்கள், இயற்கை எரிவாயு, சுத்திகரிப்பு பொருட்கள் மற்றும் எஃகு ஆகிய எட்டு முக்கிய தொழில்களின் ஒருங்கிணைந்த மற்றும் தனிப்பட்ட செயல்திறனை ஐசிஐ அளவிடுகிறது. தொழில்துறை உற்பத்தி குறியீட்டில் (ஐ.ஐ.பி) சேர்க்கப்பட்டுள்ள எட்டு முக்கிய தொழில்கள் 40.27 சதவீதத்தைக் கொண்டுள்ளன.
ஜனவரி 2024-க்கான எட்டு முக்கிய தொழில்களின் குறியீட்டின் இறுதி வளர்ச்சி விகிதம்  4.1 சதவீதமாக திருத்தப்பட்டுள்ளது. கடந்த ஆண்டின் இதே காலத்துடன் ஒப்பிடும்போது 2023-24  காலகட்டத்தில் ஐ.சி.ஐயின் ஒட்டுமொத்த வளர்ச்சி விகிதம் 7.6 சதவீதம் ஆகும்.

***

ANU/ PKV/BR/KV