দিপার্তমেন্ত ওফ সাইন্স এন্দ তেক্নোলোজীগী মখাদা তেক্নোলোজী দিবেলপমেন্ত বোর্দ (TDB)না নই দিল্লীগী ITOগী INSA ওদিতোরিয়মদা মে 11দা নেস্নেল তেক্নোলোজী দে, 2024 পালন তৌখ্রে।

‘তুং কোইবা তুংলমচৎ অমগীদমক ক্লীন অমসুং গ্রীন তেক্নোলোজীশিং প্রমোৎ তৌবা’ হায়বা থিমদা পাঙথোকখিবা থৌরম অসিদা মশক নাইবা বিজ্ঞানিকশিং, দিগনিতরীশিং অমসুং থোত লীদরশিং পুনবা উবা ফংখি, মসি হেন্না ক্লীন, হেন্না গ্রীন অমসুং হেন্না রেজিলিএন্ত ওইবা লৈবাক অমগী মাইকৈদা চংশিন্নবা লম্বী য়াৎনবা পান্দম থমখি।

ভারত সরকারগী প্রিন্সিপল সাইন্তিফিক এদভাইজর, প্রোফেসর অজয় কুমার সুদনা গ্রীন হাউস গ্যাস থাদোকপা হন্থহন্নবা পান্দম থমদুনা নেস্নেল ইলেক্ত্রিক মোবিলিতী মিসন প্লান (NEMMP) অমসুং হাইব্রিদ এন্দ ইলেক্ত্রিক ভেহিকলশিং (FAME) থুনা এদোপ্ত অমদি মেন্যুফেকচর তৌবা অসিগুম্বা থৌশিলশিংগী খুত্থাংদা ইলেক্ত্রিক ভেহিকলশিং ((EV) প্রমোৎ তৌনবা ফোঙদোকখি। প্রাইম মিনিস্তর্স সাইন্স, তেক্নোলোজী ইন্নোবেসন এন্দ এদভাইজরী কাউন্সিল (PM-STIAC) না লুচিংদুনা EV মিসন্না EV এদোপ্সগী সপ্পোর্তিব সেন্দর্দশিং অমসুং ফ্রেমৱার্কশিং শেম্নবা কত্থোকখি হায়না মহাক্না হায়খি।

মসিগী মথক্তা 2070 ফাওবগী মনুংদা নেস্নেল হাইদ্রোজেন মিসন অসি ভারতনা নেৎ জিরোগী পান্দমদা চঙশিল্লিবা খোঙচৎ অসিদা স্ত্রেতেজিক ওইনা মরুওইবা অদুসু প্রোফেসর সুদনা ফোঙদোকখি। মহাক্না মিসন অসিগী মরুওইবা মচাক অমা ওইনা গ্রীন হাইদ্রোজেন পুথোকপদা চাউনা ইনভেস্তমেন্ত তৌবগী মতাংদা পনখি। ভারতকী সস্তেনেবিলিতীগী পান্দমদা হেন্না মতেং পাংনবা, কোস্ত ওপ্তিমাইজেসন অমসুং পাক-শন্না ইন্দস্ত্রীএল এপ্লিকেসনগী পান্দমদা পোলিসীশিং পাইখৎপগা লোয়ননা কার্বোন কেপচর য়ুতিলাইজেসন এন্দ স্তোরেজ (CCUS) তেক্নোলোজীশিংদা হৌজিক পাইখৎলিবা থবকশিংসু প্রোফেসর সুদনা পনখি। ।

প্রোফেসর সুদনা জিরো ইমিসন ত্রকিংদা রোকী মাউন্তেন ইন্সতিত্যুৎ (RMI) গা লোয়ননা OPSAগী পার্তনরশিপগুম্বা কন্সল্তেতিব গ্রুপশিং অমসুং ইন্তর্নেস্নেল কোলাবোরেসনশিংগী মরুওইবা অদু পনখি, মসিনা ভারতকী তেক্নোলোজিকেল ফ্রেমৱার্কশিং অমসুং সস্তেনেবল দিবেলপমেন্তকীদমক অমসুং ইন্তর্নেস্নেল ক্লাইমেৎ গোলশিং ফংনবা পোলিসীশিং হেনগৎহনগনি।

DSTগী সেক্রেতরী, প্রোফেসর অভায় কারান্দিকরনা লৈবাক অসিগী চাউখৎ-থৌরাংগীদমক ইন্নোবেসনগী মরুওইবা অদু ফোঙদোকখি। মহাক্না ইন্ননোবেসনগী চৎনবী অমা শেমগৎপা অমসুং লৈবাক অসিগী চাউখৎ-থৌরাংদা শরুক য়ানবা মীওইশিংদা খুদোংচাবা পীবগী তঙাইফদবা অদু পনখি। স্তার্ত-অপশিং ইনক্যুবেৎ তৌনবা অমসুং ওন্তপ্রিনোরশিপ থৌগৎনবা পান্দম থম্লিবা NIDHI অমসুং TDBগুম্বা স্কিমশিংগী খুত্থাংদা তোঙান তোঙানবা রিসর্স অমসুং দিবেলপমেন্ত প্রোগ্রামশিংদা শেল থাদনবা অমসুং ইন্নোবেসন পুক্নিং থৌগৎনবা সরকারনা পা‌ইখৎলিবা লৌরিবা থৌদাংশিং মহাক্না পনখি। মহাক্কী ৱারোলদা প্রোফেসর. কারান্দিকরনা DSTগী মরুওইবা থৌদাং অসি সস্তেনেবল সেক্তরশিংদা রিসর্স অমসুং দিবেলপমেন্ত, মরুওইনা ৱাতর ত্রীৎমেন্ত অমসুং ইলেক্ত্রিক ভেহিকলশিং (EVশিং) গুম্বা ক্লিন অমসুং গ্রীন তেক্নোলোজীশিংদা মতেং পাংবনি পনখি। মহাক্না প্রোগ্রামশিং অসিদা অচৌবা ইনভেস্তমেন্তশিং তৌখ্রে হায়না পনখি অমসুং ক্লিন অমসুং গ্রীন ইনর্জী সেক্তরদা স্তার্তঅপশিং অমসুং MSMEশিং মতেং পাংবদা TDB গী অনৌবা খোঙথাংশিং অদুসু পনখি।

প্রোফ. কেরান্দিকারনা চাউখৎপা পুরক্নবা পোলিসী ফ্রেমৱার্কশিংদা তেক্নোলোজী পুনশিন্নবগী মরুওইবা অদু পনখি। মহাক্না লাইন মিনিস্ত্রীশিংগা পুন্না থবক তৌমিন্নবা অমসুং সস্তেনেবিলিতীগী পান্দমদা মখোয়গী ত্রাঞ্জিসনগী মতাংদা পনখি। 2070 ফাওবদা কার্বন থাদোকপা নেৎ জিরো ওইহন্নবা পান্দম থমদুনা মহাক্না ভারত অসি সস্তেনেবিলিতীগী থবকশিংদা মালেমগী লুচিংবা অমা ওইনবা হোৎনবগী অপাম্বা ফোঙদোকখি।

2070 ফাওবদা নেৎ জিরো ফংনবা কার্বোন লৌথোকপা অমসুং তেক্নোলোজিকেল ইন্নোবেসনশিং চেম্পিয়ন ওইদুনা সস্তেনেবল সোলুসনশিংগীদমক পদ্মশ্রী প্রোফেসর জি.দি. য়াদবনা মরু ওইবা ৱারোল পীখি। মহাক্না ৱাইত হাইদ্রোজেনগী পোতেন্সিএল অমসুং গ্রীন হাইদ্রোজেনগী তুংগী ৱাশকশিং ফোঙদোকখি। তুংকোইনা চৎনগদবা ইন্নোবেসনগী লম্বী অমা ওইনা ৱেস্ত-তু-ৱেল্থ ফেক্তরীশিং, প্লাস্তিক হাইদ্রোজিনেতিং তৌবা, অমসুং বেতরী রিসাইকলিংগী ৱাফম থম্লি।

TDB গী সেক্রেতরী রাজেশ কুমার পাথকনা TDBনা শেল থাদদুনা পাইখৎলিবা মরুওইবা প্রোজেক্তশিং অদু শন্দোক্না তাকখি। মহাক্না অকোয়বগী ফিবম ফগৎহনবদা তেক্নোলোজীশিং অসিনা লৌরিবা মরুওইবা থৌদাং অদু পনখি।

INSA গী প্রসিদেন্ত অমসুং DSTগী হান্নগী সেক্রেতরী, আশুতোশ শর্মানা সস্তেনেবিলিতীগী পান্দমশিং ফংবদা তেক্নোলোজীগী মরু ওইবা থৌদাং অদু পনখি, পোলিসী মেকরশিং অমসুং স্তেকহোল্দরশিংবু মসিগীদমক অখন্নবা মীৎয়েং থম্নবা মহাক্না তকশিনখি। মহাক্না হায়খি, "তেক্নোলোজী অসি নাকল অনিগী ওইবা খোংজং অমনি: মসিনা ইনইফিসিএন্সী হন্থহল্লি অদুবু মসিনা কঞ্জ্যুম হেনগৎহনবসু ঙম্মি। মসিগী মায়োক্তা লান্থেংননবগীদমক্তা, EVশিং, গ্রীন হায়দ্রোজেন, কার্বন কেপচর, অমসুং ইনর্জী ইফিসিএন্ত হেবিতেৎশিংদা মীৎয়েং থমগদবনি। মালেমগী ওইনা রিন্যুএবল ইনর্জীদা ওন্থোকপা অসি অইং-অশা হোংলকপা থেংনবদা য়াম্না মরু ওই। তেক্নোলোজীনা সস্তেনেবিলিতীদা মতেং পাংলি হায়বা ঐখোয়না থাজবা পীগদবনি।"

থৌরম অদুদা মহৈরোয় 23না শরুক য়াখি। মখোয়না রিজেনরোন ইন্তরনেস্নেল সাইন্স এন্দ ইঞ্জিনীয়রিং ফেয়র (ISEF)দা শরুক য়ানবা খনগৎলবা প্রোজেক্ত 20গী মহুৎ শিন্দুনা শরুক য়াখি। লৈবাক শীনবা থুংনা লৈরিবা মহৈরোয় 140না অনৌবা প্রোজেক্ত 100 উৎখি। ফাইনেলিস্তশিং অসিনা 2024গী মে 11-17 ফাওবদা লোস এঞ্জেলস, কেলিফোর্নিয়া, USA দা পাঙথোক্কদৌরিবা রিজেনরোন ISEFদা ভারতকী মহুৎ শিনবগীদমক ইকাই খুম্নরবা মফম অমা ফংখি। মালেমগী খ্বাইদগী চাউবা প্রি-কলেজ সাইন্স ফেয়র ওইনা শকখঙনরিবা রিজেনরোন ISEFনা লৈবাক 60দগী লাকপা নহা ওইরিবা সাইন্স পামজবা মীওই 1,600 হেন্না পুনশিল্লি। মসিনা ৱাখল্লোনশিং একচেঞ্জ তৌনবা অমসুং কত্তিং-এদজ সাইন্সকী ৱাখল্লোন য়োকখৎলি। অয়াম্বা মতমদা "সাইন্স ফেয়রশিংগী ওলিম্পিক্স" হায়না মমিং থোনবা থৌরম অসিনা নহা ওইরিবা মীওইশিংবু মালেমগী থাক্তা মশক তাক্নবা প্লেৎফোর্ম অমা ওইনা মথৌ তৌই।

********