انڈین رینیوایبل انرجی ڈیولپمنٹ ایجنسی لمیٹڈ (آئی آر ای ڈی اے) نے گفٹ سٹی، گجرات میں واقع بین الاقوامی مالیاتی خدمات مرکز (آئی ایف ایس سی)میں ایک مکمل ملکیت والے ذیلی ادارہ کو شامل کیا ہے۔‘‘آئی آر ای ڈی اے گلوبل گرین انرجی فائنانس آئی ایف ایس سی لمیٹڈ’’ کے نام سے اس ذیلی ادارے کو باضابطہ طور پر 7 مئی 2024 کو شامل کیا گیا۔ اس سے قبل، 8 فروری 2024 کو، ریزرو بینک آف انڈیا نے آئی ایف ایس سی گفٹ سٹی میں فائنانس کمپنی قائم کرنے کے لیے اپنا کوئی اعتراض نہیں کا سرٹیفکیٹ دیا۔

اس پیش رفت پر تبصرہ کرتے ہوئے آئی آر ای ڈی اے کے چیئرپرسن اور منیجنگ ڈائریکٹر جناب پردیپ کمار داس نے کہا کہ گفٹ سٹی میں آئی آر ای ڈی اے کی موجودگی گرین فنانسنگ کے لیے اختراعی نقطہ نظر کو آگے بڑھانے کے اس کے مشن میں ایک اہم قدم کی نشاندہی کرتی ہے۔‘‘یہ ذیلی ادارہ نہ صرف آئی آر ای ڈی اے کو اپنی عالمی رسائی کو بڑھانے کے لیے پوزیشن میں رکھتا ہے بلکہ قابل تجدید توانائی کے شعبے کی ترقی کو آگے بڑھانے کے لیے مسابقتی فنڈنگ حاصل کرنے کے لیے ایک آف شور پلیٹ فارم کے طور پر بھی کام کرتا ہے، جو حکومت ہند کے نہایت اہم اور ولولہ انگیز‘پنچ امرت’ اہداف کے عین مطابق ہے۔’’

سی ایم ڈی نے مزید کہا کہ آئی ایف ایس سی میں آئی آر ای ڈی اے کے داخلے سے نئے کاروباری امکانات کو کھولنے اور قابل تجدید توانائی کے شعبے میں عالمی سطح پر اپنا نقش قائم کرنے کی امید ہے۔‘‘یہ اسٹریٹجک قدم مقامی اور بین الاقوامی سطح پر قابل تجدید توانائی کی سرمایہ کاری کے ذریعے پائیدار ترقی کو آسان بنانے کے آئی آر ای ڈی اے کے نظریہ کے مطابق ہے۔ آئی ایف ایس سی میں آئی آر ای ڈی اے کی موجودگی کے ساتھ، ہم ملک اور بیرون ملک قابل تجدید توانائی کے منصوبوں کی ترقی کی حوصلہ افزائی کرتے ہوئے، جدید مالیاتی متبادلوں تک زیادہ رسائی اور بین الاقوامی سرمایہ کاروں کے ساتھ بہتر تعاون کی توقع رکھتے ہیں۔’’

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 6831)

(Release ID: 2020112) Visitor Counter : 43