नवी दिल्ली, 29 एप्रिल 2024

भारत सरकारने एकाधिक किंमत पद्धतीचा वापर करून मूल्य आधारित लिलावाद्वारे i) ₹6,000 कोटी (नाममात्र) अधिसूचित रकमेसाठी "7.33% सरकारी रोखे 2026", (ii) ₹ 10,000 कोटी (नाममात्र) अधिसूचित रकमेसाठी “7.23% सरकारी रोखे 2039”, आणि (iii) ₹12,000 कोटी (नाममात्र) अधिसूचित रकमेसाठी “7.34% सरकारी रोखे 2064” याची विक्री (पुन्हा जारी) करण्याची घोषणा केली आहे. भारत सरकारकडे वरील नमूद केलेल्या प्रत्येक रोख्यासाठी ₹ 2,000 कोटी पर्यंत अतिरिक्त सदस्यत्व कायम ठेवण्याचा पर्याय असेल. दिनांक 03 मे 2024 (शुक्रवार) रोजी भारतीय रिझर्व्ह बँकेच्या मुंबईमधील फोर्ट येथील कार्यालयाद्वारे लिलाव आयोजित केले जातील.

सरकारी रोख्यांच्या लिलावात बिगर-स्पर्धात्मक  बोली सुविधा योजनेनुसार पात्र व्यक्ती  आणि  संस्थाना रोख्यांच्या विक्रीच्या  अधिसूचित रकमेच्या  5 टक्क्यांपर्यंतची रक्कम वितरित केली जाईल.

लिलावासाठी स्पर्धात्मक आणि बिगर-स्पर्धात्मक दोन्ही बोली भारतीय रिजर्व बँक कोर बैंकिंग सोल्यूशन (ई-कुबेर) प्रणाली वर  इलेक्ट्रॉनिक फॉरमॅट मध्ये 03 मे 2024 रोजी सादर होणे आवश्यक आहे. बिगर-स्पर्धात्मक  बोली सकाळी  10:30 पासून  11:00 वाजेपर्यंत आणि स्पर्धात्मक बोली सकाळी 10:30 पासून  11:30 दरम्यान  सादर व्हायला हवी.

लिलावांचे निकाल 03 मे, 2024 (शुक्रवार) रोजी घोषित केले जातील आणि यशस्वी बोलीदारांद्वारे भरणा 6 मे, 2024 (सोमवार) रोजी केला जाईल.

हे रोखे  भारतीय रिझर्व्ह बँके द्वारा वेळोवेळी सुधारित परिपत्रक दिनांक 24 जुलै, 2018 च्या RBI/2018-19/25 अंतर्गत जारी मार्गदर्शक तत्वांनुसार “व्हेन इशूड” ट्रेडिंगसाठी पात्र असतील.

S.Kakade/R.Agashe/B.Sontakke/P.Malandkar

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai