مسلح افواج کی میڈیکل سروسز (اے ایف ایم ایس) نے 23 اپریل 2024 کو انڈین کونسل آف میڈیکل ریسرچ (آئی سی ایم آر) کے ساتھ تعاون پر مبنی تحقیق اور تربیت کے لیے ایک مفاہمت نامے (ایم او یو) پر دستخط کیے تھے۔ اس مفاہمت نامے پر سیکریٹری، محکمہ صحت تحقیق اور ڈائریکٹر جنرل، آئی سی ایم آر ڈاکٹر راجیو بہل اور ڈائریکٹر جنرل آرمڈ فورسز میڈیکل سروسز لیفٹیننٹ جنرل دلجیت سنگھ نے دستخط کیے ۔ ایم او یو کا مقصد بایومیڈیکل ریسرچ اور اکیڈمیا کے شعبے میں تعاون پر مبنی اور باہمی تعاون پر مبنی سرگرمیاں شروع کرنا ہے، جو ملک اور مسلح افواج کے لیے کثیر الضابطہ سائنسی، تکنیکی اور تعلیمی مسائل کو حل کرے گی۔

اے ایف ایم ایس اورآئی سی ایم آر نے بڑے پیمانے پر صحت کی تحقیق کے لیے ہاتھ ملایا ہے، جو جنگ سے متعلق صدمے/پوسٹ ٹرامیٹک اسٹریس ڈس آرڈر، ایرو اسپیس میڈیسن، متعدی امراض اور مسلح افواج کے اہلکاروں کو درپیش دیگر صحت کے مسائل کا احاطہ کرے گا۔

اس مفاہمت نامے کے دائرہ کار کے تحت، مختلف مشترکہ تعلیمی سرگرمیوں کی بھی منصوبہ بندی کی گئی ہے، جس میں اے ایف ایم ایس افسران کو Iسی ایم آر- اے سی ایس آئی آر پی ایچ ڈی پروگرام کے تحت پی ایچ ڈی کے لیے رجسٹر کرنے کا موقع شامل ہوگا۔

****

U.No.6645

(ش ح –ا ع- ر ا)   

(Release ID: 2018666) Visitor Counter : 75