زراعت اور کسانوں کی بہبود کے مرکزی وزیر جناب ارجن منڈا نے آج لوک سبھا میں ایک تحریری جواب میں بتایا کہ  حکومت پرمپراگت کرشی وکاس یوجنا (پی کے وی وائی) کے تحت بھارتیہ پراکرتک کرشی پدھتی (بی پی کے پی) نام کی ایک ذیلی اسکیم کے ذریعے 2019-2020 سے کیمیکل سے پاک کھیتی کے طور پر قدرتی کھیتی کو  فروغ دے رہی ہے۔ اب تک ملک بھر میں  بی پی کے پی کے تحت  8  ریاستوں میں قدرتی کھیتی کے لئے 4.09 لاکھ ہیکٹر رقبہ کو منظور دی گئی  ہے اور 70.13 کروڑ روپے جاری کیے گئے ہیں۔ 1.48 لاکھ ہیکٹر کی اراضی  کی منظوری دی گئی ہے تاکہ گنگا راہ داری کے ساتھ قدرتی کھیتی کو فروغ  دیا جاسکے ۔ کسانوں کو قدرتی کھیتی کو اپنانے کی ترغیب دینے اور قدرتی کھیتی کی رسائی کو بڑھانے کے لیے، حکومت نے بی پی کے پی کو بڑھا کر ایک علیحدہ اور خودمختار اسکیم کے طور پر نیشنل مشن آن نیچرل فارمنگ (این ایم این ایف) تشکیل دیا ہے۔

کسانوں کے فائدے کے لیے، حکومت ہند زراعت کے شعبے میں ڈرون کو فروغ دے رہی ہے،  جس سے جدید ٹیکنالوجی کے استعمال، کارکردگی کو بہتر بنانے، فصل کی پیداوار کو بڑھانے اور آپریشن کی لاگت کو کم کرنے میں مدد ملے گی۔

زرعی میکانائزیشن سے متعلق ذیلی مشن (ایس ایم اے ایم) کے تحت  10  لاکھ روپے فی ڈرون تک کے لئے ڈرون کی لاگت کی 100  فیصد مالی امداد، اس کی خریداری کے لئے  فراہم کی گئی ہے اور  انڈین کونسل آف ایگریکلچرل ریسرچ (آئی سی اے آر) کے تحت انسٹی ٹیوٹ کے ذریعہ کسانوں کے کھیتوں میں عملی مظاہرے کے لئے بھی  مالی امداد فراہم کی گئی ہے۔ فارم مشینری تربیت اور ٹیسٹنگ انسٹی ٹیوٹ، کرشی وگیان کیندروں (کے وی کے ایس) اسٹیٹ  ایگریکلچر یونیورسٹیز (ایس اے یوز) اسٹیٹ اینڈ ادر سینٹر گورنمنٹ انسٹی ٹیوشن /  ڈپارٹمنٹ اور حکومت ہند کے پبلک سیکٹر انڈر ٹیکنگ (پی ایس یوز) زرعی سرگرمیوں میں مصروف ہیں۔ کسانوں کے کھیتوں پر اس کے مظاہروں کے لیے کسان ڈرون کی لاگت کا 75 فیصد تک کسان پیدا کرنے والی تنظیموں (ایف پی اوز) کو گرانٹ فراہم کی جاتی ہے۔ ان نافذ کرنے والی ایجنسیوں کو 6000 روپے فی ہیکٹر کا ہنگامی خرچ فراہم کیا جاتا ہے ، جو ڈرون نہیں خریدنا چاہتیں لیکن کسٹم ہائرنگ سینٹرز (سی ایچ سیز)، ہائی ٹیک ہبس، ڈرون مینوفیکچررز اور اسٹارٹ اپس سے مظاہروں کے لیے ڈرون کرایہ پر لیں گی۔ ڈرون مظاہروں کے لیے ڈرون خریدنے والی ایجنسیوں کے لیے ہنگامی اخراجات 3000 روپے فی ہیکٹر تک محدود ہیں۔ کسانوں کو کرائے کی بنیاد پر ڈرون خدمات فراہم کرنے کے لیے، 40 فیصد کی شرح سے زیادہ سے زیادہ 4.00 لاکھ روپے تک کی مالی امداد فراہم کی جاتی ہے۔ کوآپریٹو سوسائٹی آف فارمرز، ایف پی اوز اور دیہی کاروباریوں کے تحت سی ایچ سیزکے ذریعے ڈرون کی خریداری کے لیے یہ رقم فراہم  کی جاتی ہے۔ سی ایچ سیز قائم کرنے والے ایگریکلچر گریجویٹس ڈرون کی لاگت کے 50 فیصد کے حساب سے زیادہ سے زیادہ 5.00 لاکھ روپے فی ڈرون تک مالی امداد حاصل کرنے کے اہل ہیں۔ انفرادی ملکیت کی بنیاد پر ڈرون کی خریداری کے لیے، چھوٹے اور پسماندہ، درج فہرست ذات/شیڈیولڈ ٹرائب، خواتین اور شمال مشرقی ریاست کے کسانوں کو زیادہ سے زیادہ 5.00 لاکھ روپے تک لاگت کے 50فیصد کے حساب سے مالی امداد فراہم کی جاتی ہے۔  اور زیادہ سے زیادہ 45.00 لاکھ  فراہم کئے جاتے ہیں جبکہ دیگر کسانوں  کو @ 40 فیصد  تک  فراہم کئے جاتے ہیں۔

ایس ایم اے ایم کے تحت کسان ڈرون کے فروغ کے لیے 141.39 کروڑ روپے جاری کیے گئے ہیں،جس میں کسان ڈرونز کی خریداری اور 100 کے وی کے ایس کے ذریعہ کسانوں کے کھیتوں میں  ان کے مظاہروں کے اہتمام اور 75 آئی سی اے آر انسٹی ٹیوشن اور  25 ایس اے یوز کی خریداری کے لئے بھی  آئی سی اے آر کو  52.50  کروڑ روپے جاری کئے گئے۔ کسانوں کو سبسڈی پر 461 کسان ڈرون کی فراہمی اور کسانوں کو ڈرون خدمات فراہم کرنے کے لیے 1585 کسان ڈرون سی ایچ سی کے قیام کے لیے ریاستی حکومتوں کو فنڈز فراہم کیے گئے ہیں۔ ملک بھر میں آئی سی اے آر کے 193 اداروں کے ذریعہ 263 ایگری ڈرون خریدے گئے ہیں۔ ان اداروں کے 260 اہلکاروں نے ڈرون پائلٹ کی تربیت حاصل کی ہے۔ زراعت میں ڈرون کے فوائد کے بارے میں بیداری پیدا کرنے کے مقصد سے، ان اداروں نے 16,471 ہیکٹر رقبے پر محیط معیاری آپریٹنگ پروسیجرز (ایس او پیز) کے بعد غذائی اجزاء، کھادوں، کیمیکلز (کیڑے اور مکوڑے) ایپلی کیشنز پر 15,075 ڈرون مظاہرے کیے ہیں۔

حکومت نے حال ہی میں خواتین کے سیلف ہیلپ گروپس (ایس ایچ جیز) کو 1261 کروڑ روپے کے اخراجات کے ساتھ ڈرون فراہم کرنے کے لیے مرکزی سیکٹر اسکیم "نمو ڈرون دیدی" کو بھی منظوری دی ہے۔ اس اسکیم کا مقصد 15000 منتخب خواتین ایس ایچ جیز کو کرائے کی خدمات فراہم کرنے کے لیے ڈرون فراہم کرنا ہے۔ کاشتکاروں کو زراعت کے مقصد کے لیے (کھادوں اور کیڑے مار ادویات کا اطلاق)، 2023-24 میں لیڈ فرٹیلائزر کمپنیوں (ایل ایف سیز) کے ذریعے 500 ڈرون خریدے جائیں گے، جو ایس ایچ جیز کو تقسیم کرنے کے لیے اپنے اندرونی وسائل استعمال کریں گے۔ اس اسکیم کے تحت 2024-25 اور 2025-26 کے دوران فراہم کی جائے گی اور خواتین کےایس ایچ جیز کو ڈرون کی قیمت کا 80 فیصد اور زیادہ سے زیادہ 8.0 لاکھ روپے تک کی مرکزی مالی امداد فراہم کی جائے گی۔ ڈرون ایس ایچ جیزکے کلسٹر لیول فیڈریشنز (سی ایل ایف) بقایا رقم (خرید کی کل لاگت مائنس سبسڈی) کو بڑھا سکتے ہیں جیسا کہ قومی زرعی انفرا فنانسنگ سہولت (اے آئی ایف) کے تحت سود میں 3 فیصد قرضہ فراہم کیا جائے گا۔سی ایل ایف ایس اس اسکیم سے کسانوں کے فائدے کے لیے بہتر کارکردگی، فصل کی پیداوار میں اضافہ اور آپریشن کی لاگت میں کمی کے لیے زراعت میں جدید ٹیکنالوجی کے استعمال میں مدد ملے گی۔ یہ اسکیم ایس ایچ جیزکو پائیدار کاروبار اور روزی روٹی کی مدد بھی فراہم کرے گی اور وہ کم از کم 1.0 لاکھ روپے سالانہ کی اضافی آمدنی حاصل کرنے کے قابل ہوں گے۔

جیسا کہ نیشنل بینک فار ایگریکلچر اینڈ رورل ڈویلپمنٹ (نبارڈ) کی طرف سے مطلع کیا گیا ہے انہوں نے واٹرشیڈ اینڈ ٹرائبل ڈیولپمنٹ فنڈز کے تحت جے آئی وی اے پروگرام شروع کیا ہے تاکہ پائلٹ بنیادوں پر مکمل شدہ واٹرشیڈ اور قبائلی ترقیاتی منصوبوں میں کیمیکل سے پاک قدرتی کاشتکاری کے ذریعے زرعی ماحولیاتی نقطہ نظر کو فروغ دیا جا سکے۔ اتفاق سے، غیر سرکاری تنظیمیں جنہوں نے واٹرشیڈ اور قبائلی ترقی کے منصوبوں کو لاگو کیا ہے وہ جے آئی وی اے ایگرو ایکولوجی پروگرام (قدرتی فارمنگ) کے نفاذ کرنے والی ایجنسیوں کے طور پر کام کر رہی ہیں۔

۔۔۔۔۔۔۔۔۔۔۔۔۔۔۔۔۔۔

 

 

(ش ح- اح - ق ر)

U-6634

(Release ID: 2018569) Visitor Counter : 35