নেস্নেল পঞ্চায়তি রাজ দে পালন তৌনবা এপ্রিল 24, 2024দা নই দিল্লীগী বিজ্ঞান ভাৱনদা পঞ্চায়তি রাজ মন্ত্রালয়না “73শুবা কন্সতিত্যুস্নেল অমেন্দমেন্তগী দিকেদ অহুম শুবরা মতুংদা গ্রাসরুৎস গভর্নান্স”কী মতাংদা নেস্নেল কোল্লোক্যুয়ম পাঙথোক্কদৌরি। পঞ্চায়তি রাজ মন্ত্রালয়গী এদিস্নেল সেক্রেতরী, দা. চন্দ্র শেখর কুমার অমসুং অতৈ মকোক থোংবা ওফিসিএলশিং য়াওদুনা পঞ্চায়তি রাজ মন্ত্রালয়গী সেক্রেতরী শ্রী বিবেক ভারদৱাজ অমসুং খুঙ্গং চাউখৎ-থৌরাংগী বিভাগকী সেক্রেতরী, শ্রী শাইলেশ কুমার সিংহনা নেস্নেল কোল্লোক্যুয়ম অসি হৌদোক্কনি।

গ্রাসরুৎ গভর্নান্সকী নেস্নেল কোল্লোক্যুয়মগী পান্দমদি সেন্ত্রেল অমসুং স্তেত গভর্নমেন্ত, NIRD&PR গী ওফিসিএলশিং, SIRD&PRগী ফেকল্তী মেম্বরশিং, একাদমিসিয়নশিং, হীরম অসিগী এক্সপর্তশিং, UN এজেন্সীশিংগী মীহুৎশিং, অমসুং সিভিল সোসাইতী ওর্গনাইজেসনশিং (CSOশিং) য়াওনা স্তেকহোল্দরশিংগী মরক্তা ৱারী শানবগী অমসুং তেংবাং পীনবগী থৌওং অসি ওইথোকহনবনি। মরুওইবা হীরমশিং অদুদি পব্লিক সর্ভিস দেলিভরীদা অহোংবা পুরকপদা দিজিতেল তেক্নোলোজীগী থৌদাং, পঞ্চায়ৎ গভর্নান্সদা অহোংবা পুরক্নবা পান্দম থম্লিবা MoPRগী থৌরাংশিং অমসুং তোঙান তোঙানবা মন্ত্রালয়শিং/ দিপার্তমেন্তশিংগী দিজিতেল গভর্নান্সকী থৌরাংশিং অদুনি।

নুমিৎ নিনিগী কোলোক্যুয়ম অসিনা পঞ্চায়তি রাজ ইন্সতিত্যুসন (PRI)শিংগী খুত্থাংদা গ্রাসরুৎ গভর্নান্স অমসুং পব্লিক সর্ভিস দেলিভরী হেনগৎহন্নবা মাই পাকখিবশিং য়েংশিন্নবা, শীংনবশিং মশক খঙদোক্নবা অমসুং খুদোংচাবশিং খঙদোক্নবগী তোপ তোপ্পা প্লেৎফোর্ম অমা পীরি। খুঙ্গংগী লমশিংদা গুদ গভর্নান্সকী কাংলোনশিং অমসুং PRIশিংবু মপুং ফানা মীয়ামগী সেবা ফংহন্নবা পাম্বৈশিং ওইনা মপাঙ্গল কনখৎহন্নবগী লম্বীশিংদা খন্ন-নৈনগনি।  

দিজিতেল এম্পাৱরমেন্তকী মায়কৈদা পঞ্চায়তি রাজ মন্ত্রালয়না হৌজিক হোৎনরিবা অসিনা স্মার্ত পঞ্চায়ৎশিং ওইহন্নবগী ৱাখল্লোন অমসুং ভিজন অসি মপুং ফাহন্নবগীদমক মসিগী মিসন অসিগী য়ুম্ফম ওইরি। মপাঙ্গল কনবা ই-গভর্নান্সকী খোঙথাংশিংগী খুত্থাংদা, মন্ত্রালয়না ত্রান্সপরেন্সী, ইফিসিএন্সী অমসুং গ্রাসরুৎ গভর্নান্সতা মীয়ামগী শরুক য়াবা হেনগৎহন্নবা ফিরেপ লৌরি। দিজিতেল স্ত্রেতেজিশিংবু মগুন লৈনা ইমপ্লিমেন্ত তৌনবা ত্রেনিং প্রোগ্রামশিংসু পায়খৎলি। মন্ত্রালয়না রাজ্যশিং/UTশিগা লোইয়ননা পার্তনরশিপকী খুত্থাংদা প্রজাশিংবু গ্রাসরুৎ গভর্নান্সতা সেন্সিতাইজ তৌরি অমসুং শরুক য়াহল্লি।

সরকারকী অহুমশুবা তায়র অমা ওইরিবা অমসুং কেন্দ্র সরকার অমসুং খুঙ্গংগী কাংলুপশিংগী মরক্তা মরুওইবা ইন্তরফেস অমা ওইরিবা, পঞ্চায়ৎশিংনা রুরেল ইন্দিয়াদা ইজ ওফ লিভিং অমসুং ইজ ওফ দুইং বিজিনেস প্রমোৎ তৌবদা মরুওইবা থৌদাং অমা লৌরি। মন্ত্রালয়গী দিজিতেল ইনিসিএতিবশিংনা মশা-মরোমদোম লেপচবা, তুং কোইনা হিংনবগী লম্বী শেম্বা, ইনক্লুসিব দিবেলপমেন্ত সপোর্ত তৌবা অমসুং লৈবাক শীনবা থুংনা গ্রাম পঞ্চায়ৎশিংদা সস্তেনেবল দিবেলপমেন্ত গোল (LSDGশিং) প্রমোৎ তৌবদা মতেং পাংলি।

পঞ্চায়তি রাজ মন্ত্রালয়না চহি খুদিংগী এপ্রিল 24বু নেস্নেল পঞ্চায়তি রাজ দিৱস (NPRD) ওইনা হরাও-তয়াম্বগা লোয়ননা পালন তৌদুনা  এপ্রিল 24, 1993দা চৎনবা হৌখিবা সংবিধান (73শুবা এমেন্দমেন্ত) এক্ত, 1992 অসিবু নীংশিংলিবা থৌরমনি। গ্রাসরুৎ গভর্নান্সকী নেস্নেল কোল্লোক্যুয়ম অসি সংবিধান (73শুবা এমেন্দমেন্ত) এক্তকী দিকেদ অহুম ফারকপা অমসুং পঞ্চায়তি রাজ মন্ত্রালয় শেমখিবগী দিকেদ অনি ফারকপগী থৌরম পুন্না তামিন্নদুনা মরুওইবা অমা ওইরি। পঞ্চায়তি রাজ মন্ত্রালয়না গ্রাসরুৎ গভর্নান্সপু মপাঙ্গল কনখৎহন্নবা অমসুং অনৌবা থৌরাংশিং অমসুং দিজিতেল ইন্তরভেন্সনশিংগী খুত্থাংদা ভারতকী খুঙ্গংশিংদা গ্রাসরুৎ গভর্নান্স এম্পাৱর তৌনবা অমসুং LSDGশিংদা খুমাং চাউশিনহন্নবা লেপ্পী।

***