وزارت دفاع اور میسرز ایل اینڈ ٹی کے درمیان تین کیڈٹ تربیتی جہازوں کے دیسی ڈیزائن اور تعمیر کا معاہدہ 23 مارچ کو طے پایا تھا۔ تیسرے کیڈٹ تربیتی جہاز (یارڈ-18005) کی اسٹیل کٹنگ کی تقریب 20 اپریل 24 کو میسرز ایل اینڈ ٹی شپ یارڈ، کٹوپلی میں منعقد ہوئی۔ تقریب کی صدارت سکریٹری دفاع جناب گریدھر ارمانے نے کی اور اس موقع پر ایل اینڈ ٹی پریسیشن انجینئرنگ اینڈ سسٹم کے ایگزیکٹو نائب صدر جناب ارون رام چندانی کی موجودگی میں بھارتی بحریہ اور میسرز ایل اینڈ ٹی کے سینئر افسران بھی موجود تھے۔

ان کیڈٹ تربیتی جہازوں کو ساحل پر ان کی بنیادی تربیت کے بعد سمندر میں افسر کیڈٹس کی تربیت کے لیے استعمال کیا جائے گا۔ یہ بحری جہاز دوست ممالک کے کیڈٹس کو تربیتی سہولیات بھی فراہم کریں گے۔ امکان ہے کہ یہ جہاز ستمبر 2026 سے آئی این کو فراہم کیے جائیں گے۔ یہ بھارتی بحریہ کے دیسی جہاز سازی کی جستجو میں ایک اور اہم سنگ میل ہے اور یہ حکومت ہند کے ’آتم نربھر بھارت‘ اور ’میک ان انڈیا‘ اقدام کے وژن سے آہنگ ہے۔ طویل مدتی انٹیگریٹڈ پرسپیکٹو پلان (ایل ٹی آئی پی پی 2012-27) میں بھارتی بحریہ کے لیے تین کیڈٹ تربیتی جہازوں کی فورس لیول کا تصور کیا گیا ہے۔

***

(ش ح – ع ا – ع ر)

U. No. 6606