بارڈر روڈز آرگنائزیشن (بی آر او) نے 25 مارچ 2024 کو لداخ میں اسٹریٹجک نیمو-پدم-درچہ سڑک کو جوڑا۔ یہ 298 کلومیٹر طویل سڑک کارگل-لیہہ ہائی وے پر دارچہ اور نیمو کے راستے منالی کو لیہہ سے جوڑے گی۔ یہ سڑک اب منالی-لیہہ اور سری نگر-لیہہ کے علاوہ تیسرا محور ہے جو لداخ کو اندرونی علاقوں سے جوڑتی ہے۔                      

نیمو-پدم-دارچہ سڑک اس حقیقت سے اپنی سٹریٹجک اہمیت حاصل کرتی ہے کہ یہ نہ صرف دوسرے دو محوروں کے مقابلے میں چھوٹی ہے، بلکہ صرف ایک پاس ، شنکن لا (16,558 فٹ) سے گزرتی ہے ،جس پربی آر او کے ذریعہ سرنگ کا کام شروع ہونے والا ہے۔ اس کے نتیجے میں یہ سڑک لداخ کے علاقے سے تمام موسمی رابطہ قائم کرے گی۔ رابطے سے دفاعی تیاریوں کو تقویت ملے گی اور زنسکار وادی میں اقتصادی ترقی کو فروغ ملے گا۔

بارڈر روڈ کے  ڈی جی، لیفٹیننٹ جنرل راگھو سری نواسن نے کہا کہ جنوری میں جب دریائے زانساکر کو منجمد کیا گیا تھا، آلات اور اہلکاروں کو متحرک کیا گیا تھا اور رابطہ قائم کرنے کا کام مکمل کیا گیا تھا۔ انہوں نے یقین ظاہر کیا کہ سڑک کی بلیک ٹاپنگ کا کام جلد شروع ہو جائے گا۔ انہوں نے مزید کہا کہ شنکون لا سرنگ کی تعمیر شروع ہونے کے ساتھ، لداخ کے لیے تیسرا تمام موسمی محور قائم ہو جائے گا۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ت ع  (

6342