ఛీఫ్ ఆఫ్ ఎయిర్ స్టాఫ్, ఎయిర్ ఛీఫ్ మార్షల్ వి.ఆర్. చౌదరి, 2024 మార్చి 22న వెల్లింగ్టన్లోని డిఫెన్స్ సర్వీసెస్ స్టాప్ కాలేజీని సందర్శించారు. ఈ సందర్భంగా సిఎఎస్  , భారత సాయుధ దళాలకు చెందిన విద్యార్తులు, స్నేహ పూర్వక దేశాలనుంచి వచ్చి ఇక్కడ శిక్షణ పొందుతున్న 79 వ స్టాఫ్ కోర్స్, డిఎస్ఎస్సి శాస్వత సిబ్బందిని ఉద్దేశించి ప్రసంగించారు. ఆఫీసర్లను ఉద్దేశించి ప్రసంగిస్తూ ఛీఫ్ ఆఫ్ ఎయిర్స్ఠాఫ్ (సిఎఎస్), భారత వైమానిక దళం ఎదుర్కొంటున్న సవాళ్లను ప్రస్తావించారు. అలాగే అభివృద్ధి ప్రణాళిక గురించి, సంయుక్తంగా కార్యకలాపాల నిర్వహణ గురించి మాట్లాడారు. ఐఎఎఫ్ సమకాలీన , భవిష్యత్ సన్నద్ధత గురించి కూడా ఆయన మాట్లాడారు. ఐఎఎఫ్ దార్శినక పత్రంలో పేర్కొన్న అంశాలను ఆయన ప్రస్తావించారు. ఇవి సమర్దమైన , వైమానిక దళ శక్తికి వీలు కల్పిస్తాయని, నిర్ణయాథ్మక వైమానిక శక్తిగా తీర్చిదిద్దుతాయని తెలిపారు. 

భారత సంతతికి   చెందిన వారిని సంక్షుభిత ప్రాంతాలనుంచి  సురక్షితంగా తరలించడంలో, విపత్తులు తలెత్తినపుడు సహాయ కార్యకలాపాలు చేపట్టడంలో భారత వైమానిక దళం పాత్ర గురించి సిఎఎస్ ప్రముఖంగా ప్రస్తావించారు. రష్యా–ఉక్రెయిన్ యుద్ద:, ఇజ్రాయిల్– హమస్ యుద్ధాల నుంచి వైమానికదళ శక్తికి సంబంధించి నేర్చుకున్న పాఠాల గురించి ఆయన ప్రస్తావించారు.ప్రస్తుతం కొనసాగుతున్న శిక్షణ కార్యక్రమాల గురించి, డిఎస్ఎస్సి లో సంయుక్త కార్యకలాపాల నిర్వహణ ను మరింత ముందుకు తీసుకుపోవడం గురించి వివరించారు. వారి ప్రసంగానికి మంచి స్పందన లభించింది.