چیف آف دی ایئر اسٹاف ایئر چیف مارشل وی آر چودھری نے 22 مارچ 2024 کو ڈیفنس سروسز اسٹاف کالج ویلنگٹن کا دورہ کیا۔سی اے ایس نے 79واں اسٹاف کورس کرنے والے ہندوستانی مسلح افواج اور دوستانہ بیرونی  ممالک کے طلباء اور ڈی ایس ایس سی کے مستقل عملے سے خطاب کیا۔

افسروں سے اپنے خطاب میں سی اے ایس نے ہندوستانی فضائیہ کو درپیش چیلنجوں، اس کی صلاحیت کے فروغ  کے منصوبے اور جوائنٹ مین شپ کا احاطہ کیا۔ انہوں نے آئی اے ایف کی ایک عصری اور مستقبل کے لیے تیار ایرو اسپیس فورس میں تبدیلی کے بارے میں بتایا۔ انہوں نے اس وژن کا اعادہ کیا جیسا کہ آئی اے ایف کے نظریے میں بیان کیا گیا ہے، جس میں فیصلہ کن ایرو اسپیس پاور فراہم کرنے کے لیے ایک چست اور موافق فضائیہ کا تصور کیا گیا ہے۔ سی اے ایس نےتنازعات والے علاقوں سے ہندوستانی تارکین وطن کے انخلاء اور آفات سے متعلق امدادی کارروائیوں کے دوران  آئی اے ایف کے ذریعہ ادا کیے گئے اہم کردار کو اجاگر کیا۔ انہوں نے موجودہ تنازعات جیسے کہ روس - یوکرین جنگ اور اسرائیل - حماس کے تنازعات سے حاصل ہونے والے اہم فضائی طاقت کے اسباق کو بھی اجاگر کیا۔

سی اے ایس کو اس وقت چلائی جانے والی تربیتی سرگرمیوں اورڈی ایس ایس سی میں جوائنٹ مین شپ کے محرک کے بارے میں بھی بریفنگ دی گئی، جسے خوب سراہا گیا۔

۔۔۔۔۔۔۔۔۔۔۔

ش ح۔ اگ۔ع ن

(U: 6309)