ಈ ಮಹತ್ವದ ಸಂವಾದಕ್ಕಾಗಿ ನಾನು ನಿಮ್ಮೆಲ್ಲರನ್ನು ಉಪರಾಷ್ಟ್ರಪತಿ ನಿವಾಸಕ್ಕೆ ಸ್ವಾಗತಿಸುತ್ತೇನೆ. ಇದನ್ನು ಆಯೋಜಿಸಿದ್ದಕ್ಕಾಗಿ ರಾಷ್ಟ್ರೀಯ ರಕ್ಷಣಾ ಕಾಲೇಜಿಗೆ (ಎನ್ ಡಿಸಿ)  ನನ್ನ ಧನ್ಯವಾದಗಳು.

ಜಾಗತಿಕ ಸಹಕಾರವನ್ನು ಉತ್ತೇಜಿಸುವ ದೂರದೃಷ್ಟಿಯ ಉಪಕ್ರಮವಾಗಿದೆ ಮತ್ತು ಆಳವಾದ ಪ್ರಾಮುಖ್ಯತೆಯ ಕಾರ್ಯತಂತ್ರದ ವಿಷಯಗಳ ಬಗ್ಗೆ ತಿಳುವಳಿಕೆಯನ್ನು ಹಂಚಿಕೊಂಡಿರುವ ಅಂತಾರಾಷ್ಟ್ರೀಯ ಕಾರ್ಯತಂತ್ರ ಒಪ್ಪಂದದ ಕಾರ್ಯಕ್ರಮ ಇನ್-ಸ್ಟೆಪ್ (IN-STEP)ನಲ್ಲಿ ಭಾಗವಹಿಸುವವರ ಪೈಕಿ ಒಬ್ಬನಾಗಿರಲು ಬಹಳ  ಸಂತೋಷವಾಗಿದೆ.   

ಭಾರತವು ಜನಸಂಖ್ಯೆಯ ಆರನೇ ಒಂದು ಭಾಗಕ್ಕೆ ನೆಲೆಯಾಗಿದೆ, ಶಾಂತಿ ಮತ್ತು ಸಾಮರಸ್ಯದ ನಾಗರಿಕತೆಯ ನೀತಿಯೊಂದಿಗೆ ಎಲ್ಲಾ ಹಂತಗಳಲ್ಲಿ ಸಾಂವಿಧಾನಿಕವಾಗಿ ರಚನಾತ್ಮಕ ಮತ್ತು ಕ್ರಿಯಾತ್ಮಕ ಪ್ರಜಾಪ್ರಭುತ್ವದೊಂದಿಗೆ, ಜಾಗತಿಕ ಶಾಂತಿಯ ಸ್ಪಷ್ಟವಾದ  ಉದಾಹರಣೆಯಾಗಿದೆ.

ರಾಷ್ಟ್ರೀಯ ಭದ್ರತಾ ಮಂಡಳಿಯ ಸಚಿವಾಲಯ, ವಿದೇಶಾಂಗ ಸಚಿವಾಲಯ ಮತ್ತು ರಕ್ಷಣಾ ಸಚಿವಾಲಯದ ಆಶ್ರಯದಲ್ಲಿ ನವದೆಹಲಿಯ ರಾಷ್ಟ್ರೀಯ ಭದ್ರತಾ ಕೇಂದ್ರದಲ್ಲಿ 21 ದೇಶಗಳ ಅಂತರರಾಷ್ಟ್ರೀಯ ಪ್ರತಿನಿಧಿಗಳು ಮತ್ತು 8 ಭಾರತೀಯ ಅಧಿಕಾರಿಗಳ ಭಾಗವಹಿಸುವಿಕೆಯೊಂದಿಗೆ ಇದು ಸಮಯೋಚಿತ ಜಂಟಿ  ಪ್ರಯತ್ನವಾಗಿದೆ.

ರಾಷ್ಟ್ರೀಯ ರಕ್ಷಣಾ ಕಾಲೇಜು ಮತ್ತು ವಿವೇಕಾನಂದ ಇಂಟರ್‌ನ್ಯಾಶನಲ್ ಫೌಂಡೇಶನ್ ಈ ಹೆಚ್ಚು ಅಗತ್ಯವಿರುವ ಒಳನೋಟವುಳ್ಳ ಕಾರ್ಯಕ್ರಮವನ್ನು ಕಾರ್ಯತಂತ್ರದ ಡೊಮೇನ್ನಲ್ಲಿ ಚಿಂತನಶೀಲವಾಗಿ ನಿರ್ವಹಿಸಿವೆ ಎಂದು ನಾನು ಅರ್ಥಮಾಡಿಕೊಂಡಿದ್ದೇನೆ.  

ಎರಡು ವಾರಗಳ ಕಾಲದ ಸೆಮಿನಾರ್ ಗಳು ಮತ್ತು ಸಂವಾದಾತ್ಮಕ ಅವಧಿಗಳು ಖಂಡಿತವಾಗಿಯೂ ಪ್ರಯೋಜನಕಾರಿಯಾಗಿರುತ್ತವೆ.

ಜಾಗತಿಕ ರಾಜಕೀಯ  ಮತ್ತು ಭದ್ರತಾ ಸವಾಲುಗಳಿಂದ ಹಿಡಿದು ರಾಜತಾಂತ್ರಿಕ ಸಮಾಲೋಚನೆಗಳು ಮತ್ತು ಸಂಘರ್ಷ ಪರಿಹಾರ ತಂತ್ರಗಳವರೆಗೆ - ವೈವಿಧ್ಯಮಯ ವಿಷಯಗಳನ್ನು ಅನ್ವೇಷಿಸಲು ಇದು ಮಹತ್ವದ ಸಂದರ್ಭವಾಗಿದೆ.

ಜಾಗತಿಕ ಶಾಂತಿ ಮತ್ತು ಭದ್ರತೆಯು ಬೆಳವಣಿಗೆಗೆ  ತಳಹದಿಯಾಗಿವೆ.   ಸಾಮರ್ಥ್ಯದಿಂದ ಪಡೆದ ಶಾಂತಿಯು ಉತ್ತಮವಾಗಿರುತ್ತದೆ. ಯುದ್ಧವನ್ನೆದುರಿಸಲು ಸದಾ ಸನ್ನದ್ಧವಾಗಿರುವುದು ಶಾಂತಿಯುತ ಪರಿಸರಕ್ಕೆ ಇರುವ ಸುರಕ್ಷಿತ ಮಾರ್ಗವಾಗಿದೆ.

ಹಲವಾರು ವರ್ಷಗಳಿಂದ ಭದ್ರತಾ ಕಾಳಜಿಗಳು ಮತ್ತು ಅದನ್ನು ಪರಿಹರಿಸಲು ವಿಧಾನಗಳಲ್ಲಿ ಮಹತ್ತರ ಬದಲಾವಣೆಗಳಾಗಿವೆ. ಸಾಂಪ್ರದಾಯಿಕ ಯುದ್ಧ ಮತ್ತು ಭದ್ರತಾ ಬೆದರಿಕೆಗಳ ದಿನಗಳು ಹೋಗಿವೆ.

ಈಗ ತಾಂತ್ರಿಕ ಪ್ರಗತಿ ಮತ್ತು ವಿಚ್ಛಿದ್ರಕಾರಕ ತಂತ್ರಜ್ಞಾನಗಳ ಆಕ್ರಮಣವು ಭದ್ರತೆಗೆ ಸಂಬಂಧಿಸಿದ ಎಲ್ಲಾ ಸಮಸ್ಯೆಗಳ ಮೇಲೆ ನೇರ ಪರಿಣಾಮ ಬೀರುತ್ತದೆ.

ಪ್ರಪಂಚದ ಯಾವುದೇ ಭಾಗದಲ್ಲಿನ  ಸಂಘರ್ಷಗಳು ಜಾಗತಿಕ ಸವಾಲಾಗಿ ಹೊರಹೊಮ್ಮುತ್ತವೆ. ಜಂಟಿ  ಪ್ರಯತ್ನಗಳಿಂದ ಪರಿಹಾರಗಳು  ಹೊರಹೊಮ್ಮಬಹುದು. ಪ್ರತ್ಯೇಕವಾಗಿ ನಿರ್ವಹಿಸುವ ವಿಧಾನವು ಈಗ  ಹಳೆಯದಾಗಿದೆ.

ಇಂತಹ ವೇಗವಾಗಿ ಬದಲಾಗುತ್ತಿರುವ ಜಾಗತಿಕ   ರಾಜಕೀಯ ಮತ್ತು ಕಾರ್ಯತಂತ್ರದ ಸನ್ನಿವೇಶದಲ್ಲಿ, ಜ್ಞಾನದ ಈ ವಿನಿಮಯವು ಪ್ರಮುಖ ಪಾತ್ರವನ್ನು ವಹಿಸುತ್ತದೆ. ಇದು  ಪ್ರಸ್ತುತ ಸಮಯದ ಸಂಕೀರ್ಣವಾದ ಭೌಗೋಳಿಕ ರಾಜಕೀಯ  ಸನ್ನಿವೇಶ ಮತ್ತು ಸವಾಲುಗಳನ್ನು ಅರ್ಥಮಾಡಿಕೊಳ್ಳಲು ಮತ್ತು ಪರಿಹರಿಸಲು ಸಹಾಯ ಮಾಡುತ್ತದೆ.

ಇಂದು ಜಗತ್ತು ಹಿಂದೆಂದಿಗಿಂತಲೂ ಸಂಕೀರ್ಣವಾದ ಸಮಸ್ಯೆಗಳ ರೂಪದಲ್ಲಿ ಅಸ್ತಿತ್ವವಾದದ ಸವಾಲುಗಳನ್ನು ಎದುರಿಸುತ್ತಿದೆ - ಹವಾಮಾನ ಬದಲಾವಣೆ, ಸಾಂಕ್ರಾಮಿಕ ರೋಗಗಳು, ಭಯೋತ್ಪಾದನೆ, ಸೈಬರ್ ಬೆದರಿಕೆಗಳು ಮತ್ತು ಬಾಹ್ಯಾಕಾಶ, ಸಮುದ್ರಗಳು, ನೆಲ ಮತ್ತು ಇತ್ಯಾದಿಗಳಾದ ಜಾಗತಿಕ ವ್ಯವಸ್ಥೆಗಳಿಗೆ  ಸಂಘಟಿತವಾಗಿ ಉಂಟು ಮಾಡುವ ಅಡ್ಡಿ ಆತಂಕಗಳು.

ಮಾಹಿತಿ ಪ್ರಸರಣ ಕ್ಷಿಪ್ರವಾಗಿ ವಿಕಸನಗೊಳ್ಳುತ್ತಿರುವ ಕ್ಷೇತ್ರ, ಸಾಮಾಜಿಕ ಮಾಧ್ಯಮವು ನಿರೂಪಣೆಗಳನ್ನು ಹೇಗೆ ರೂಪಿಸುತ್ತದೆ ಮತ್ತು ಪರಸ್ಪರ ಕ್ರಿಯೆಗಳು ಹೇಗೆ ಸಂಭವಿಸುತ್ತವೆ, ಅಡೆ ತಡೆಯಿಲ್ಲದ ಮಾಹಿತಿಯು ಈ ಸವಾಲುಗಳನ್ನು ಸಂಕೀರ್ಣಗೊಳಿಸುತ್ತದೆ.

ಹಾನಿಕಾರಕ ಪ್ರೇರಣೆಗಳೊಂದಿಗೆ ದುರುದ್ದೇಶಪೂರಿತ ವಿನ್ಯಾಸಗಳು ಬಂದು ಯಂತ್ರ ಕಲಿಕೆಯು ಹೆಚ್ಚು ಪ್ರಸ್ತುತವಾಗುವಂತೆ ಮಾಡಿವೆ.  ನೀವೆಲ್ಲರೂ  ಎದುರಿಸುತ್ತಿರುವ ಸಮಸ್ಯೆಗಳು ಇವು. ನಾನು ಅವುಗಳ  ಬಗ್ಗೆ ಆಳವಾಗಿ ಹೋಗಲು ಬಯಸುವುದಿಲ್ಲ.

ಸಕಾರಾತ್ಮಕ ಬದಲಾವಣೆಯನ್ನು ಹೆಚ್ಚಿಸಲು ಈ ಬದಲಾವಣೆಗಳನ್ನು ಸಮರ್ಥವಾಗಿ  ಕೊಂಡೊಯ್ಯುವುದು  ಸೃಜನಶೀಲ ಮತ್ತು ಚೇತರಿಸಿಕೊಳ್ಳುವ ಜಾಗತಿಕ ಸಹಯೋಗಕ್ಕೆ ಅತ್ಯಗತ್ಯವಾಗಿದೆ. 

ಘರ್ಷಣೆಗಳು ಮತ್ತು ಜಾಗತಿಕ ಸಮಸ್ಯೆಗಳನ್ನು ನಿಭಾಯಿಸುವಲ್ಲಿ ಪ್ರತಿಕ್ರಿಯೆಗಳನ್ನು ಮಾಪನಾಂಕ ನಿರ್ಣಯಿಸಲು ದೃಢವಾಗಿ ಆಳವಾಗಿ ಅಧ್ಯಯನ ಮಾಡಲು ಇದು ಅಂಥ ಒಂದು ವೇದಿಕೆಯಾಗಿದೆ.

ಪರಸ್ಪರ ಸಂವಾದಕ್ಕೆ ನಮ್ಮ ಹಂಚಿಕೆಯ ಬದ್ಧತೆಯನ್ನು ಇನ್-ಸ್ಟೆಪ್ ಒತ್ತಿಹೇಳುತ್ತದೆ ಮತ್ತು ಪರಿಣಾಮಕಾರಿ ನೀತಿ ನಿರ್ಮಾಣ  ಮತ್ತು ಸಂಘರ್ಷ ಪರಿಹಾರದ ತಳಹದಿಯಾಗಿ ಒಟ್ಟಾಗಿ ಕೆಲಸ ಮಾಡುತ್ತದೆ.

ದೇಶಗಳು ಅರ್ಥಪೂರ್ಣ ಮಾತುಕತೆಗಳಲ್ಲಿ ತೊಡಗಿಸಿಕೊಳ್ಳುವ ಅಗತ್ಯವು ಈ ಪ್ರಕ್ಷುಬ್ಧ ಸಮಯಕ್ಕಿಂತ ಬೇರೆ ಸಮಯವಿಲ್ಲ. ಜಗತ್ತಿನ ಯಾವುದೇ ಭಾಗದಲ್ಲಿನ ಸಂಘರ್ಷಗಳು ಜಾಗತಿಕ ಆರ್ಥಿಕತೆ ಮತ್ತು ಸಂಬಂಧಿಸಿದ ರಾಷ್ಟ್ರಗಳನ್ನು ಮೀರಿ ಪೂರೈಕೆ ಸರಪಳಿಗಳ ಮೇಲೆ ಪರಿಣಾಮ ಬೀರುತ್ತವೆ. ಗೌರವಾನ್ವಿತ ಪ್ರಧಾನಮಂತ್ರಿ ಮೋದಿಯವರು ಒತ್ತಿಹೇಳಿದ ರಾಜತಾಂತ್ರಿಕತೆ ಮತ್ತು ಸಂವಾದದಲ್ಲಿ ಈ ರೀತಿಯ ಸಂಘರ್ಷಗಳಿಗೆ ಪರಿಹಾರವಿದೆ.

ಭಾರತೀಯ ಸಶಸ್ತ್ರ ಪಡೆಗಳು, ಅರೆಸೇನಾಪಡೆ, ವಿದೇಶಾಂಗ ಸೇವೆಗಳು ಮತ್ತು 21 ವಿದೇಶಿ ರಾಷ್ಟ್ರಗಳ ಪ್ರತಿನಿಧಿಗಳ ದೃಷ್ಟಿಕೋನಗಳು ಒಮ್ಮುಖವಾಗಿರುವುದರಿಂದ ಈ ಕಾರ್ಯಕ್ರಮವು ವಿಶಿಷ್ಟವಾಗಿದೆ. ಅಂತಹ ವೈವಿಧ್ಯಮಯ ಪ್ರಾತಿನಿಧ್ಯವು ನಮ್ಮ ಭಿನ್ನಾಭಿಪ್ರಾಯಗಳ ನಡುವೆ ಅಂತರರಾಷ್ಟ್ರೀಯ ಸಹಕಾರ ಮತ್ತು ಐಕ್ಯತೆಯನ್ನು ಬೆಳೆಸುವ ನಮ್ಮ ಸಾಮೂಹಿಕ ಸಂಕಲ್ಪವನ್ನು ತೋರಿಸುತ್ತದೆ.  

ಎರಡು ವಾರಗಳಿಗೂ ಹೆಚ್ಚು ಕಾಲ ನೀವು ಸುದುದ್ಧೇಶದ ಚರ್ಚಾ ಅವಧಿಗಳಲ್ಲಿ ತೊಡಗಿಸಿಕೊಳ್ಳುತ್ತೀರಿ ಎನ್ನುವುದರಲ್ಲಿ ನನಗೆ ಸಂದೇಹವಿಲ್ಲ. ಖಂಡಿತವಾಗಿ ಸಂಪರ್ಕ, ಹೆಚ್ಚಿನ ತಿಳುವಳಿಕೆ, ಮೆಚ್ಚುಗೆ ಇರುತ್ತದೆ ಅದು ಒಬ್ಬರಿಗೆ ಮತ್ತು ಎಲ್ಲರಿಗೂ ಪ್ರಯೋಜನವಾಗುವಂತೆ ಸಮಸ್ಯೆಗಳ ನಿರ್ಣಯಗಳಿಗೆ ಕಾರಣವಾಗುತ್ತದೆ. ಖಂಡಿತವಾಗಿಯೂ ಬಾಂಧವ್ಯ, ಹೆಚ್ಚಿನ ತಿಳುವಳಿಕೆ, ಮೆಚ್ಚುಗೆ ಇರುತ್ತದೆ, ಇದು ಎಲ್ಲರಿಗೂ ಪ್ರಯೋಜನವನ್ನು ನೀಡುವ ಸಮಸ್ಯೆಗಳ ಪರಿಹಾರಕ್ಕೆ ಕಾರಣವಾಗುತ್ತದೆ.

ಪ್ರತಿಯೊಂದು ದೇಶವೂ ಶಾಂತಿ, ಭದ್ರತೆ ಮತ್ತು ಅಭಿವೃದ್ಧಿಗಾಗಿ ಹಂಬಲಿಸುತ್ತದೆ. ಆದರೂ ಈ ಆಕಾಂಕ್ಷೆಗಳನ್ನು ಸಾಧಿಸಲು ಸಮಗ್ರ ಮತ್ತು ಸಂಘಟಿತ ಪ್ರತಿಕ್ರಿಯೆಗಳ ಅಗತ್ಯವಿರುವ ಬಹುಮುಖಿ, ಅಂತರ್ ಸಂಪರ್ಕಿತ ಸವಾಲುಗಳನ್ನು ನಿಭಾಯಿಸುವ ಅಗತ್ಯವಿದೆ.

ಆತಂಕಕಾರಿಯಾದ ವಿಷಯವೇನೆಂದರೆ, ಈ ಸಮಸ್ಯೆಗಳು ಸಂಖ್ಯೆಗಳಲ್ಲೇ ಅಲ್ಲ ಗಾತ್ರದಲ್ಲಿಯೂ  ಜಟಿಲವಾಗುತ್ತಿವೆ ಅದಕ್ಕೆ ನಾವು ಈ ಸವಾಲುಗಳನ್ನು ಅತ್ಯಂತ ಪ್ರಭಾವಶಾಲಿ ರೀತಿಯಲ್ಲಿ ತಟಸ್ಥಗೊಳಿಸಲು ನಿಮ್ಮಂತಹ ತಂಡಗಳಿಂದ ತಕ್ಕನಾದ ಪ್ರತಿಕ್ರಿಯೆಯ ಅಗತ್ಯವಿರುತ್ತದೆ. 

ಸಂಕೀರ್ಣತೆಗಳನ್ನು ವಿಶ್ಲೇಷಿಸುವುದು ಮತ್ತು ನಮ್ಮ ಪ್ರಮುಖ ಮೌಲ್ಯಗಳಲ್ಲಿ ಬೇರೂರಿರುವ ಹೊಂದಾಣಿಕೆಯ ತಂತ್ರಗಳನ್ನು ಅಭಿವೃದ್ಧಿಪಡಿಸುವುದು ಬಹುಮುಖ್ಯವಾಗಿದೆ.
 
ಇದು ಸಾಂಪ್ರದಾಯಿಕ ಆಲೋಚನಾ ಪ್ರಕ್ರಿಯೆಗಳನ್ನು ಮೀರಿ ಚಿಂತಿಸಲು ಅನುವು ಮಾಡುತ್ತವೆ. ಸಾಂಪ್ರದಾಯಿಕ ಯುದ್ಧ ಸಂಪೂರ್ಣವಾಗಿ ಬದಲಾಗಿರುವುದರಿಂದ ಸಾಂಪ್ರದಾಯಿಕ ಕಾರ್ಯವಿಧಾನವನ್ನು ಉಪಯೋಗಿಸಲಾಗುವುದಿಲ್ಲ. ಸಾಂಪ್ರದಾಯಿಕ ಕಾರ್ಯವಿಧಾನವು ವಿವಿಧ ರೀತಿಯ ತಂತ್ರಜ್ಞಾನ ಮತ್ತು ವಿಧಾನಗಳಿಗೆ ಜಾಗ ಮಾಡಿಕೊಟ್ಟಿದೆ.

ನಮ್ಮ ಪರಿಣತಿ ಮತ್ತು ಅನುಭವಗಳನ್ನು ಒಟ್ಟುಗೂಡಿಸುವ ಮೂಲಕ, ಸಾಮಾನ್ಯ ಅಡೆತಡೆಗಳನ್ನು ಮೀರಿಸಲು ಮತ್ತು ಹಂಚಿಕೆಯ ಅವಕಾಶಗಳನ್ನು ಪಡೆದುಕೊಳ್ಳಲು ನಾವು ನಮ್ಮ ಸಾಮೂಹಿಕ ಶಕ್ತಿಯನ್ನು ಬಳಸಿಕೊಳ್ಳಬಹುದು. ಇಂತಹ ಕಾರ್ಯಕ್ರಮಗಳು ಸರಿಯಾದ ಮುಂದಿನ ನಿಲುವಾಗಿದೆ.

ಭಾರತವು ತನ್ನ ಶ್ರೀಮಂತ ಪರಂಪರೆಯ, "ವಸುಧೈವ ಕುಟುಂಬಕಂ" -  ಈ ಜಗತ್ತು ಒಂದೇ ಕುಟುಂಬ ಎಂಬ ನೀತಿಯನ್ನು ಬಹಳ ಹಿಂದಿನಿಂದಲೂ ಅಳವಡಿಸಿಕೊಂಡಿದೆ.

ಇದು ಸಾವಿರಾರು ವರ್ಷಗಳಿಂದ ನಮ್ಮ ಮಾರ್ಗದರ್ಶಿ ತತ್ವವಾಗಿದೆ. ನಮ್ಮದೇ ಜನರಿಗೆ ಸಹಾಯ ಮಾಡುವ ಮೂಲಕ ಸಾಂಕ್ರಾಮಿಕ ಕೋವಿಡ್ ಸಮಯದಲ್ಲಿ ಇದನ್ನು ಸಾಕಷ್ಟು ರುಜುವಾತಾಯಿತು, ಭಾರತವು ಇತರ 100 ದೇಶಗಳಿಗೆ ಸಹಾಯ ಮಾಡಲು ಮುಂದೆ ಬಂದಿತು.

ಈ ಮಾರ್ಗದರ್ಶಿ ತತ್ವವು ಅದರ ಒಂದು ವರ್ಷದ ಅವಧಿಯ ಜಿ20  ಅಧ್ಯಕ್ಷತೆಯಲ್ಲಿ  ಸಾಕಷ್ಟು ಸ್ಪಷ್ಟವಾಗಿತ್ತು. ಇದು ಗ್ಲೋಬಲ್ ಸೌತ್ ನ ಧ್ವನಿಯಾಗಿ ಬೆಳೆಯುತ್ತಿರುವ ಆಫ್ರಿಕನ್ ಯೂನಿಯನ್ ನ ಸೇರ್ಪಡೆಗೆ ಒತ್ತಾಸೆಯಾಗಿತ್ತು ಏಕೆಂದರೆ ಇದು  ಸಹಕಾರ, ಒಳಗೊಳ್ಳುವಿಕೆ ಮತ್ತು ಪರಸ್ಪರ ಗೌರವವನ್ನು ಒತ್ತಿಹೇಳುತ್ತದೆ.

ಕೆಲವರು ಸೂಚಿಸಿದಂತೆ ಭಾರತವು ಇನ್ನು ಮುಂದೆ ಸಾಮರ್ಥ್ಯ ಹೊಂದಿರುವ ರಾಷ್ಟ್ರ ಅಥವಾ ಮಲಗಿರುವ ದೈತ್ಯ ಅಲ್ಲ. ಇದು ಏರುಗತಿಯಲ್ಲಿದೆ ಮತ್ತು ಬೆಳವಣಿಗೆಯನ್ನು ತಡೆಯಲಾಗದು. ಭಾರತದ ಅಸಾಧಾರಣ ಬೆಳವಣಿಗೆಯ ಯಶೋಗಾಥೆಯು ಸಂದೇಹ ಪಡುವವರ ಮಾತುಗಳನ್ನು ಮೀರಿದೆ, ದೂರದೃಷ್ಟಿಯ ನಾಯಕತ್ವ, ಅಂತರ್ಗತ ಅಭಿವೃದ್ಧಿ ಮತ್ತು ಅಚಲ ಪರಿಶ್ರಮಕ್ಕೆ ಉದಾಹರಣೆಯಾಗಿದೆ.

ಮತ್ತೆ 1.4 ಶತಕೋಟಿ ಜನರು ವಾಸವಾಗಿರುವ ದೇಶದಲ್ಲಿ ಈ ದೊಡ್ಡ ಬದಲಾವಣೆಗಳು ಅಸಾಧಾರಣ ಬೆಳವಣಿಗೆ ಮತ್ತು ಸಾಧನೆಗಳು ನಡೆಯುತ್ತಿವೆ ಎಂಬುದನ್ನು ಯಾವಾಗಲೂ ನೆನಪಿಡಿ.

ಇಂದಿನ ಭೌಗೋಳಿಕ ರಾಜಕೀಯದ ಸನ್ನಿವೇಶಗಳ ನಡುವೆ, ಭಾರತದ ಅಭೂತಪೂರ್ವ ಏರಿಕೆ ಎದ್ದು ಕಾಣುತ್ತದೆ. ವಿಸ್ತರಿಸುತ್ತಿರುವ ಆರ್ಥಿಕತೆ, ಪರಿಣಾಮಕಾರಿ ರಾಜತಾಂತ್ರಿಕತೆ ಮತ್ತು ಬೆಳೆಯುತ್ತಿರುವ ಮೃದು ಶಕ್ತಿ, ಒಂದು ಪ್ರಮುಖ ಜಾಗತಿಕ ಪ್ರಮುಖನಾಗಿ ಸ್ಪಷ್ಟ ಹೊರಹೊಮ್ಮುವಿಕೆಯೊಂದಿಗೆ ಶಾಂತಿಗಾಗಿ ದೃಢೀಕೃತ ಪರಿಸರ ವ್ಯವಸ್ಥೆಗೆ ವೇಗವನ್ನುಕೊಡಲು ಜಗತ್ತು ಭಾರತದತ್ತ ಮುಖಮಾಡಿದೆ. ಈ ದಿಕ್ಕಿನಲ್ಲಿ ಇದು ಮಹತ್ವದ ಉಪಕ್ರಮವಾಗಿದೆ.

ಸವಾಲುಗಳನ್ನು ಎದುರಿಸಲು ಮತ್ತು ಮಾನವ ಬಂಡವಾಳಕ್ಕೆ ಪೂರಕವಾಗಿ ಕೃತಕ ಬುದ್ದಿಮತ್ತೆ, ಬ್ಲಾಕ್ಚೈನ್, ನವೀಕರಿಸಬಹುದಾದ ಶಕ್ತಿ ಮತ್ತು ಜೈವಿಕ ತಂತ್ರಜ್ಞಾನದಂತಹ  ಕ್ರಾಂತಿಕಾರಿ ತಂತ್ರಜ್ಞಾನಗಳನ್ನು ಬಳಸಿಕೊಳ್ಳುವಲ್ಲಿ ಭಾರತವು ಮುಂದಿದೆ. ಸ್ನೇಹಿತರೇ, ರಾಷ್ಟ್ರೀಯ ಕ್ವಾಂಟಮ್ ಮಿಷನ್ ಮತ್ತು ರಾಷ್ಟ್ರೀಯ ಹಸಿರು ಜಲಜನಕ ಮಿಷನ್ ಇತ್ತೀಚಿನ ತಂತ್ರಜ್ಞಾನವನ್ನು ಅನಾವರಣಗೊಳಿಸಲು ಮುನ್ನುಡಿಯಾಗಿದೆ.

ದಶಕಗಳ ಹಿಂದೆ ಈ ರಾಷ್ಟ್ರವು ತಂತ್ರಜ್ಞಾನದ ವಿಕಾಸಕ್ಕಾಗಿ ಕಾಯುತ್ತಿದ್ದ ಸಮಯವಿತ್ತು, ಈಗ ಈ ರಾಷ್ಟ್ರವು ದೊಡ್ಡ ಮಾನವ ಕಲ್ಯಾಣಕ್ಕಾಗಿ ಈ ಶಕ್ತಿಗಳನ್ನು ಹೊರತರುವಲ್ಲಿ ಉಪಕ್ರಮವನ್ನು ತೆಗೆದುಕೊಳ್ಳುವವರಲ್ಲಿ  ಮುಂಚೂಣಿಯಲ್ಲಿದೆ.

ಅಂತಹ ನಾವೀನ್ಯತೆಗಳ ಪ್ರವರ್ತಕ ಮೂಲಕ, ಭಾರತವು ಸುಸ್ಥಿರ ಜಾಗತಿಕ ಬೆಳವಣಿಗೆ ಮತ್ತು ಸಮೃದ್ಧಿಗಾಗಿ ಭವಿಷ್ಯದಲ್ಲಿ ಸಿದ್ಧವಾಗಿರುವ ಪರಿಸರ ವ್ಯವಸ್ಥೆಯನ್ನು ಪೋಷಿಸುತ್ತದೆ.

ಜಾಗತಿಕ ಶಾಂತಿ, ಸ್ಥಿರತೆ ಮತ್ತು ಸಾಮರಸ್ಯವನ್ನು ಪೋಷಿಸಲು ಮತ್ತು ಉಳಿಸಿಕೊಳ್ಳಲು ಸಮಾನ ಮನಸ್ಕ ರಾಷ್ಟ್ರಗಳೊಡನೆ ತೊಡಗಿಸಿಕೊಳ್ಳಲು ಭಾರತವು ಬದ್ಧವಾಗಿದೆ.

ಭಾರತಕ್ಕೆ ವಿಶಿಷ್ಟ ಸ್ಥಾನವಿದೆ. ಭಾರತೀಯರು ಎಂದಿಗೂ ವಿಸ್ತರಣೆಯಲ್ಲಿ ತೊಡಗಿಲ್ಲ, ಭಾರತವು ಎಂದಿಗೂ ಶಾಂತಿ ಮತ್ತು ಸಂವಾದದ ಮಾರ್ಗವನ್ನು ಬಿಟ್ಟುಕೊಡುವುದಿಲ್ಲ ಮತ್ತು ರಾಷ್ಟ್ರದ ಸೌಹಾರ್ದತೆಯಲ್ಲಿ ಯಾವಾಗಲೂ ನೆನಪಿಸಿಕೊಳ್ಳುತ್ತದೆ. 1.4 ಶತಕೋಟಿ ಜನರನ್ನು ಹೊಂದಿರುವ ಭಾರತವು ಹೆಚ್ಚಿನ ವಿಶ್ವಾಸಾರ್ಹತೆಯೊಂದಿಗೆ ಕ್ರಿಯಾತ್ಮಕ ರಚನಾತ್ಮಕ ಪ್ರಜಾಪ್ರಭುತ್ವವಾಗಿದೆ.  ಭಾರತವು ಎಲ್ಲರೊಂದಿಗೆ ಜೊತೆಯಾಗಿರಲು ಬದ್ಧವಾಗಿದೆ.

ನಮ್ಮ ಸಾಮೂಹಿಕ ಧ್ವನಿಯನ್ನು ಹೆಚ್ಚಿಸಲು ನಮ್ಮ ಆಸಕ್ತಿಗಳನ್ನು ಹೊಂದಿಸುವುದು, ನಮ್ಮ ಹಂಚಿಕೊಳ್ಳುವ ಆಕಾಂಕ್ಷೆಗಳನ್ನು ಪ್ರತಿಬಿಂಬಿಸುವ ವಿಶ್ವ ಕ್ರಮವನ್ನು ರೂಪಿಸಲು ಅನುವು ಮಾಡಿಕೊಡುತ್ತದೆ.

ಯುರೋಪಿಯನ್ ಯೂನಿಯನ್ ಈ ಮೊದಲು ಜಿ20 ಸದಸ್ಯರಾಗಿದ್ದರು. ಭಾರತವು ಜಿ20 ಅಧ್ಯಕ್ಷ ಸ್ಥಾನದಲ್ಲಿದ್ದಾಗ ಆದ ಐತಿಹಾಸಿಕ ಬೆಳವಣಿಗೆಯನ್ನು ನೋಡಿರಿ. ಆಫ್ರಿಕನ್ ಯೂನಿಯನ್ ಅನ್ನು ಸೇರಿಸಲಾಯಿತು. ಅದು ಬಹಳ ಬಹಳ ಮಹತ್ವದ ಹೆಜ್ಜೆಯಾಗಿದೆ.

ಆರ್ಥಿಕತೆಯಲ್ಲಿ ಭಾರತದ ಏಳಿಗೆ ಮತ್ತು ಜಾಗತಿಕ ಖ್ಯಾತಿಯು ಜಾಗತಿಕ ಶಾಂತಿ ಮತ್ತು ಸಾಮರಸ್ಯಕ್ಕೆ ಒಂದು ಭರವಸೆಯಾಗಿದೆ. ದೇಶಗಳು ಅಧಿಕಾರದಲ್ಲಿ ಮೇಲೇರಬಹುದು, ದೇಶಗಳು ದೊಡ್ಡ ತಾಂತ್ರಿಕ ಸಾಧನೆಗಳನ್ನು ಸಾಧಿಸಬಹುದು ಆದರೆ ಅದು ಜಾಗತಿಕ ಶಾಂತಿ ಮತ್ತು ಸಾಮರಸ್ಯದೊಂದಿಗೆ  ಜೊತೆಯಾಗುತ್ತವೆಯೇ.

ವಿಶ್ವಶಾಂತಿ, ಸೌಹಾರ್ದತೆ ಮತ್ತು ಜಾಗತಿಕ ವ್ಯವಸ್ಥೆಗೆ ಹೆಚ್ಚಿನ ಭರವಸೆಯೊಂದಿಗೆ ಆರ್ಥಿಕತೆ ಮತ್ತು ತಂತ್ರಜ್ಞಾನದಲ್ಲಿ ಭಾರತದ ಬೆಳವಣಿಗೆ ಇದೆಯೆಂದು ನಾನು ಬದ್ಧತೆ ಮತ್ತು ವಿಶ್ವಾಸದಿಂದ ಹೇಳುತ್ತೇನೆ.

ವಿಭಿನ್ನ ಹಿನ್ನೆಲೆಗಳಿಂದ ಕಲ್ಪನೆಗಳ ವಿನಿಮಯವು   ಇನ್-ಸ್ಟೆಪ್ನ ಅತ್ಯಂತ ಅಮೂಲ್ಯವಾದ ಅಂಶವಾಗಿದೆ. ಇದು  ತಮ್ಮ ಪರಿಧಿಯನ್ನು ವಿಸ್ತರಿಸಲು ಮುಕ್ತ ಮತ್ತು ರಚನಾತ್ಮಕ ಸಂವಾದವನ್ನು ಸ್ವೀಕರಿಸುತ್ತದೆ, ಊಹೆಗಳನ್ನು ಸವಾಲು ಮಾಡುತ್ತದೆ ಮತ್ತು ಸಮಗ್ರ ಪರಿಹಾರಗಳನ್ನು ಪಡೆಯುತ್ತವೆ .

ನಾವು ಊಹೆಗಳನ್ನು ಪ್ರಶ್ನಿಸಬೇಕಾದ ಸಮಯ ಇದು. ನಮ್ಮ ಊಹೆಗಳು ವಾಸ್ತವಿಕ ನೆಲದ ವಾಸ್ತವತೆಯ ಮೇಲೆ ದೃಢವಾಗಿಲ್ಲ; ಈ ಊಹೆಗಳು ನಮ್ಮನ್ನು ಹಿಂದಿರಿಸಲು ನಾವು ಇನ್ನು ಮುಂದೆ ಅನುಮತಿಸುವುದಿಲ್ಲ; ಅಂತಹ ಅದ್ಭುತ ಮನಸ್ಸುಗಳ ಸಂವಾದಾತ್ಮಕ ಅಧಿವೇಶನವು ತಂತ್ರಜ್ಞಾನ ಮತ್ತು ತಂತ್ರಗಳ ಪರಿಣಾಮಕಾರಿ ಹೊರಹೊಮ್ಮುವಿಕೆಗೆ ಖಂಡಿತವಾಗಿಯೂ ದಾರಿ ಮಾಡಿಕೊಡುತ್ತದೆ.

ನಿಮ್ಮ ಅನುಭವವು ಉತ್ಕೃಷ್ಟ, ಪ್ರಬುದ್ಧ ಮತ್ತು ಸಬಲೀಕರಣವಾಗಲಿ. ಮತ್ತು ಬಂಧಗಳು ಈ ಕಾರ್ಯಕ್ರಮವನ್ನು ಮೀರಲಿ, ಸ್ನೇಹ ಮತ್ತು ಜಾಗತಿಕ ಪಾಲುದಾರಿಕೆಯ ಶಾಶ್ವತ ಪರಂಪರೆಯಾಗಿ  ಮುಂದುವರೆಯಲಿ.

ಇಂತಹ ಅದ್ಭುತ ಮನಸ್ಸುಗಳಿಗೆ ನನ್ನ ಕೆಲವು ಆಲೋಚನೆಗಳನ್ನು ವ್ಯಕ್ತಪಡಿಸಲು ಈ ಅವಕಾಶವನ್ನು ನನಗೆ ಒದಗಿಸಿದ್ದಕ್ಕಾಗಿ ನಾನು ಎನ್ ಡಿಸಿ  ಗೆ ಕೃತಜ್ಞನಾಗಿದ್ದೇನೆ.

ನಾವೆಲ್ಲರೂ ಬಯಸಿದಂತೆ ಮುಂದಿನ ಪೀಳಿಗೆಗಾಗಿ ಈ ಭೂಮಿಯನ್ನು ಸಂರಕ್ಷಿಸುವ ಈ ಪ್ರಯತ್ನದಲ್ಲಿ ನೀವು ಯಶಸ್ವಿಯಾಗಲಿ ಎಂದು ನಾನು ಹಾರೈಸುತ್ತೇನೆ.  

ಧನ್ಯವಾದಗಳು!

******