کوئلہ، کانکنی اور پارلیمانی امور کے مرکزی وزیر جناب پرہلاد جوشی نے آج یہاں کوئلہ کی وزارت میں منعقدہ ایک پروگرام میں کول انڈیالمیٹڈ(سی آئی ایل) کے نئے کارپوریٹ سماجی ذمہ داری (سی ایس آر) اقدامات کا آغاز کیا۔اس موقع  پرکوئلہ کے سکریٹری ،جناب امرت لال مینانے (ویڈیو کانفرنسنگ کے ذریعے)،  کوئلے کی وزارت کی ایڈیشنل سکریٹری محترمہ روپندر برار،  وزارت کے سینئر افسران، سی آئی ایل، این ایل سی آئی ایل، ایس سی سی ایل  کے حکام اور سی ایس آر پارٹنرز  موجود تھے۔

پہلے اقدام کے تحت، کول انڈیالمیٹڈ 70 سرکاری اسکولوں میں اسمارٹ کلاس روم شروع کرکے معیاری تعلیم کے تئیں اپنے عزم کو ایک قدم آگے بڑھا رہی ہے۔ یہ اقدام 31جنوی 2024کو جھارکھنڈ کے 11 اضلاع کے لئے شروع کی گئی اسی طرح کی پہل کے تسلسل میں ہے۔ موجودہ پروجیکٹ  جس کی مالیت 2.42 کروڑ روپےہے،کانفاذحکومت ہندکی ایک منی رتن سرکاری سیکٹرکی کمپنی  ای ڈی سی آئی ایل (انڈیا) لمیٹڈ کے ذریعہ انجام دیاجائےگا۔ بھارت کے اس اقدام سے توقع ہے کہ طلباء کے درمیان سیکھنے کے نتائج کو بہتر بنانے کے ساتھ ساتھ سرکاری اسکولوں کے طلباء اور نجی اسکولوں کے درمیان موجود ڈیجیٹل فرق کو کم کیاجاسکے گا۔

اس موقع پر کول انڈیا لمیٹڈ کی ایک نئی سی ایس آر اسکیم – کول انڈیا لوک سیوا پروتساہن یوجنا بھی شروع کی گئی۔اس اسکیم کا مقصدکول انڈیا لمیٹڈ کے کوئلہ کان کنی والے اضلاع سے درج فہرست ذاتوں /درج فہرست قبائل اورخواتین /مخنث امیدواروں کو جو2024سے 2026کے دوران یونین پبلک سروس کمیشن (یوپی ایس سی) کے ذریعہ منعقدہ سول سروس /فاریسٹ سروس امتحانات کے پہلے راؤنڈمیں کامیابی حاصل کرتے ہیں انھیں ایک لاکھ روپے فی کس کی مالی امداد فراہم کرنا ہے۔ اس اسکیم کے تحت فائدہ حاصل کرنے کے لئے ایک امیدوار کی سالانہ خاندانی آمدنی آٹھ لاکھ روپے سے کم ہونی چاہیے۔درخواست دینے کا عمل یونین پبلک سروس کمیشن  کے ذریعہ سول سروس/فاریسٹ سروس کے ابتدائی امتحانات2024 کے نتائج کے اعلان کے بعد شروع ہوگا۔ درخواست دینے کی پوری کارروائی کول انڈیا لمیٹڈ کی ایک ذیلی کمپنی سینٹرل مائن پلاننگ اینڈ ڈیزائن انسٹی ٹیوٹ لمیٹڈ (سی ایم پی ڈی آئی) کی طرف سے تیار کردہ ایک وقف پورٹل کے ذریعے کی جائے گی۔ اس موقع پر پورٹل کا آغاز بھی کیا گیا۔

جھارکھنڈ کوئلے کی کانکنی کے لیے ایک اہم ریاست ہے اور  یہاں کول انڈیا لمیٹڈ کی متعدد کوئلے کی کانیں ہیں۔ پروجیکٹ ننھا سا دل کو کوئلہ کے وزیر نے ایک جامع پہل کے طور پر شروع کیا تھا تاکہ کی سرجریوں کو ضرورت مندوں کے لیے سستی بنایا جا سکے۔ خاندان اس وقت، پیدائشی دل کی بیماری (سی ایچ ڈی) کے ساتھ پیدا ہونے والے 2.40 لاکھ بچوں میں سے صرف 5 فیصد اس کی زیادہ لاگت کی وجہ سے سرجری کروانے کے قابل ہیں۔ پیدائشی نقائص کی وجہ سے ہونے والی تمام اموات میں ایک تہائی اموات پیدائشی دل کی بیماری (سی ایچ ڈی) کی وجہ سے ہوتی ہیں ۔ چونکہ مرض کا جلد پتہ لگانے سے بہتر تشخیص ہوتا ہے، اس لیے یہ پروجیکٹ جھارکھنڈ کے 4 اضلاع میں 176 گاؤں/بلاک سطح اور 16 ضلعی سطح کے کیمپوں کے  ذریعے18000  سے زیادہ بچوں کی جانچ کرے گا۔  اس پروجیکٹ کے تحت تصدیق شدہ بیماری والے بچوں کی سرجری کے لیے مالی مدد فراہم کی جائے گی۔ 9.37 کروڑروپے کےاس پروجیکٹ کو دھنباد، رانچی، ہزاری باغ اور گرڈیہ اضلاع میں آزمائشی بنیادوں پر شروع کیا جائے گا اور اس کے اثرات کی بنیاد پر اس میں اضافے کے امکانات ہیں۔ اس عمل کے دوران پیڈیاٹرک کارڈیالوجی کے مخصوص شعبے میں ڈاکٹروں اور نیم طبی عملے کی تربیت اس پروجیکٹ سے ایک اضافی فائدہ ہوگا۔ اس پروجیکٹ کو سری ستھیا سائی ہیلتھ اینڈ ایجوکیشن ٹرسٹ (ایس ایس ایس ایچ ای ٹی) کے ذریعے شروع کیا جا رہا ہے جو اپنے 'اسپتالوں کے بغیر بلنگ کاؤنٹرز' ماڈل کے تحت مفت صحت کی دیکھ بھال کی خدمات فراہم کر رہا ہے۔ ایس ایس ایس ایچ ای ٹی کے پاس اب تک 28,000 سے زیادہ پیڈیاٹرک کارڈیک سرجریوں کا تجربہ ہے۔

ننھا سا دل پروجیکٹ کول انڈیالمیٹڈ کے منفرد اوراہم  پروجیکٹ ‘‘تھیلیسیمیا بال سیوا یوجنا’’ کی وراثت کو آگے بڑھاتا ہے جس نے پروگرام کے دوران 500 بون میرو ٹرانسپلانٹس کا اہم سنگ میل حاصل کیا۔ کول انڈیا لمیٹڈ، 2017 میں پہلی پی ایس یو بن گئی جس نے تھیلیسیمیا کے علاج معالجے کے لیے بون میروٹرانسپلانٹس  آپریشن کی مدد سے سی ایس آر پروجیکٹ شروع کیا۔ بون میرو ٹرانسپلانٹس کے لیے اہل مریضوں کو 10 لاکھ روپے  کی مالی مدد فراہم  کی جاتی ہے ۔ یہ مالی مددحاصل کرنے کے قابل ہونے کے لئے  مریضوں کی فیملی کی سالانہ آمدنی طبی اور عمر سے متعلق معیار کو پورا کرنے کے ساتھ ساتھ 8 لاکھ روپے سے کم ہونی چاہیے ۔70 کروڑروپے کی مالیت کایہ پروجیکٹ فی الحال اپنے تیسرے مرحلے میں ہے۔ حال ہی میں، پروجیکٹ کے تحت 500واں بون میروٹرانسپلانٹ مکمل کیاگیا۔ فی الحال ملک میں پھیلے ہوئے  11اہم اسپتال، اس پروگرام میں شراکتداری کررہےہیں۔ مجموعی رہنمائی کا فریم ورک وزارت صحت اور خاندانی بہبود، حکومت کی طرف سے فراہم کیا گیا ہے۔ بھارت کے تھیلیسیمکس انڈیا، تھیلیسیمیا کے شعبے میں گزشتہ 25 سالوں سے کام کرنے والی ایک این جی او کوآرڈینیٹنگ پارٹنر ہے۔ اس اسکیم نے حال ہی میں بین الاقوامی شہرت یافتہ ‘گرین ورلڈ انوائرمنٹ ایوارڈ’ جیتا ہے، جس کا اعلان جنوری 2024 میں ‘‘ایندھن، بجلی اور توانائی’’ کے شعبے میں سی ایس آر زمرے میں کیا گیا تھا۔

کول انڈیا لمیٹڈ اپنے سی ایس آر اقدامات کے ذریعے معاشرے کے ضرورت مند لوگوں کی زندگیوں میں خوشیاں لا رہی ہے۔ ملک کے سب سے بڑے کارپوریٹ خرچ کرنے والوں میں مستقل طور پر نمایاں ہونے والی، کمپنی بشمول اس کے ماتحت اداروں نے  سال2015-2014سے 2023-2022کی نو سالہ مدت کے دوران کارپوریٹ سماجی ذمہ داری (سی ایس آر) کے تحت 5000 کروڑ روپے خرچ کئے ہیں۔ کمپنی کی توجہ کے حامل شعبے  صحت کی دیکھ بھال، صفائی ستھرائی اور غذائیت، تعلیم اور ذریعہ معاش، دیہی ترقی، کھیلوں کا فروغ، ماحولیاتی تحفظ اور قدرتی آفات کے بندوبست رہےہیں۔ مرکزی وزیر جناب پرہلاد جوشی نے  کوئلہ کے سکریٹری  جناب مینا کی قیادت میں وزارت کوئلہ کی ٹیم کی صحت، تعلیم، ہنر مندی اور کھیلوں کے شعبوں میں اعلیٰ اثر والے پروجیکٹوں کو شروع کرنے کے لیے مسلسل وابستگی کے لیے تعریف کی تاکہ مستحق افراد کے معیار زندگی کو بہتر بنایا جا سکے۔

*********

 (ش ح۔ م  ع ۔ع آ)

U-6235

(Release ID: 2015491) Visitor Counter : 42