بھوٹان کے وزیر اعظم محترم داشو شیرنگ توبگے نے آج (15 مارچ 2024) راشٹرپتی بھون میں صدر جمہوریہ ہند محترمہ  دروپدی مرمو سے ملاقات کی۔

بھوٹانی وزیر اعظم کا ہندوستان میں خیرمقدم کرتے ہوئے صدر جمہوریہ نے اس حقیقت کی تعریف کی کہ انہوں نے اپنے عہدے کا حلف اٹھانے کے بعد ہندوستان کو اپنے پہلے غیر ملکی دورے کے طور پر منتخب کیا ہے۔ انہوں نے کہا کہ ہندوستان اور بھوٹان کے درمیان ہر سطح پر باہمی اعتماد، خیر سگالی اور افہام و تفہیم پر مبنی قریبی اور منفرد تعلقات ہیں۔ انہوں نے کہا کہ بدھ مت کا مشترکہ روحانی ورثہ دونوں ممالک کو جوڑتا ہے۔ انہوں نے اس بات پر روشنی ڈالی کہ ہندوستان بھوٹان کے ساتھ اپنی کثیر جہتی شراکت داری کو بہت اہمیت دیتا ہے، جو توانائی کے تعاون، ترقیاتی شراکت داری، لوگوں سے لوگوں کے تعلقات، تجارت اور سرمایہ کاری کے روابط جیسے شعبوں میں پھیلی ہوئی ہے۔

صدر جمہوریہ نے کہا کہ بھوٹان ایک قابل اعتماد دوست اور شراکت دار کے طور پر ہندوستان پر بھروسہ کر سکتا ہے۔ انہوں نے مزید کہا کہ بھارت کو بھوٹان کے لوگوں کی سماجی و اقتصادی بہبود اور خوشحالی کو بڑھانے کے لیے ترقیاتی تعاون کے شعبے میں بھوٹان کے ساتھ شراکت داری کا اعزاز حاصل ہے۔ انہوں نے اس بات پر زور دیا کہ ہندوستان کی ترقیاتی شراکت بھوٹان کی ترجیحات اور خاص طور پر نوجوانوں کی خواہشات کی رہنمائی کرتی رہے گی۔

۔۔۔۔۔۔۔۔۔۔۔

ش ح۔  ش ت۔ن ا۔

U- 6143