இந்திய புதுப்பிக்கத்தக்க எரிசக்தி மேம்பாட்டு நிறுவனம் லிமிடெட் (ஐஆர்இடிஏ) தனது 38வது நிறுவன தினத்தை மார்ச் 11, 2024 அன்று கொண்டாடியது, இது இந்தியாவில் புதுப்பிக்கத்தக்க எரிசக்தி வளர்ச்சியை வளர்ப்பதற்கான பயணத்தில் ஒரு குறிப்பிடத்தக்க மைல்கல்லைக் குறிக்கிறது. நிறுவன தினக் கொண்டாட்டம் ஐஆர்இடிஏவின் 37 ஆண்டுகாலப் பயணம் மற்றும் சாதனைகளைத் திரும்பிப் பார்க்க ஒரு மதிப்புமிக்க வாய்ப்பை வழங்கியது. இதனை நாட்டின் மிகப்பெரிய நிதி நிறுவனமாக மாற்றுவதில் கருவியாக இருந்த அதன் அர்ப்பணிப்புள்ள ஊழியர்கள், பங்குதாரர்கள் மற்றும் வணிக கூட்டாளர்களுக்கு நன்றியைத் தெரிவிக்கும் தருணம் இது.

38வது நிறுவன தினக் கொண்டாட்டத்தில் தலைவர் மற்றும் நிர்வாக இயக்குனர் திரு பிரதீப் குமார் தாஸ் கலந்து கொண்டார்; இயக்குநர் (நிதி) டாக்டர் பிஜய் குமார் மொஹந்தி; மற்றும் தலைமை விஜிலென்ஸ் அதிகாரி திரு அஜய் குமார் சஹானி, நிறுவனத்தின் சாதனைகள், சவால்கள் மற்றும் எதிர்கால முயற்சிகள் குறித்து ஊழியர்களிடையே உரையாற்றினார்.

தலைவர் மற்றும் மேலாண்மை இயக்குநர் திரு பிரதீப் குமார் தாஸ் இந்த நிகழ்ச்சியில் தமது மகிழ்ச்சியை வெளிப்படுத்தினார், சாதனைகளைக் கொண்டாடுவது, சவால்களைப் பிரதிபலிப்பது, எதிர்கால நடவடிக்கைகளை வகுப்பது ஆகியவற்றின் முக்கியத்துவத்தை அவர் வலியுறுத்தினார். இந்தியாவின் எரிசக்தி மாற்றத்திற்கு நிதியளிப்பதில் ஐஆர்இடிஏவின் முக்கியப் பங்களிப்பை அவர் பாராட்டினார், எரிசக்தி பாதுகாப்பு, பருவநிலை நடவடிக்கை மற்றும் நிலையான வளர்ச்சி ஆகிய தேசிய இலக்குகளுக்கு குறிப்பிடத்தக்க பங்களிப்பை இது வழங்குகிறது.

புதிய மற்றும் புதுப்பிக்கத்தக்க எரிசக்தி அமைச்சகத்துடன் கையெழுத்திடப்பட்ட புரிந்துணர்வு ஒப்பந்தம் 2022-23 இன் கீழ் நிறுவனம் 'சிறந்த' மதிப்பீட்டை அடைந்ததாக தலைவர் மற்றும் மேலாண்மை இயக்குநர் தெரிவித்தார். தொடர்ச்சியாக மூன்றாவது நிதியாண்டில் 93.50 மதிப்பெண் மற்றும் 'சிறந்த' இறுதி மதிப்பீட்டுடன் இந்த அங்கீகாரம், நிறுவனத்தின் அர்ப்பணிப்பு, கடின உழைப்பு மற்றும் சிறப்புக்கான அர்ப்பணிப்பை பிரதிபலிக்கிறது என்று அவர் கூறினார்.

கடந்த மூன்றரை ஆண்டுகளில் ஐஆர்இடிஏ-வின் சாதனைகளைப் பிரதிபலிக்கும் வகையில், கடன் தொகுப்பில் அதிவேக வளர்ச்சி, கடன் தர மதிப்பீடுகளின் உயர்வு, பங்குச் சந்தைகளில் வரலாற்றுச் சிறப்புமிக்க பட்டியல், அட்டவணை 'பி' யிலிருந்து அட்டவணை 'ஏ' க்கு தரம் உயர்த்துதல், ரிசர்வ் வங்கியிடமிருந்து 'உள்கட்டமைப்பு நிதி நிறுவனம்   அந்தஸ்தைப் பெறுவது மற்றும் 'மினி ரத்னா' அந்தஸ்திலிருந்து 'நவரத்னா' அந்தஸ்துக்கு உயர்த்துவதற்கான தற்போதைய செயல்முறை குறித்து அவர் திருப்தி தெரிவித்தார். குஜராத்தின் கிப்ட் சிட்டியில் உள்ள சர்வதேச நிதிச் சேவை மையத்தில் முழுமையாக சொந்தமான துணை நிறுவனத்தை நிறுவுவது போன்ற பல்வேறு துறைகளில் விரிவாக்கம் மற்றும் புதிய வணிக வாய்ப்புகளை ஆராய்வது ஆகியவற்றையும் அவர் வலியுறுத்தினார்.

***

PKV/AG