زراعت اور کسانوں کی بہبود کے مرکزی وزیر جناب ارجن منڈا نے زراعت کے شعبے کے تین بڑے اہم اقدامات یعنی نئے سرے سے بنائے گئے مٹی  ہیلتھ کارڈ پورٹل اور موبائل ایپلی کیشن، اسکول مٹی ہیلتھ پروگرام اور سینٹرل فرٹیلائزر کوالٹی کنٹرول اینڈ ٹریننگ انسٹی ٹیوٹ (سی ایف کیو سی ٹی آئی) کے پورٹل کا کھاد کے نمونے کی جانچ کے لیے  آج نئی دہلی کے کرشی بھون میں مرکزی وزیر برائے دیہی ترقی جناب گری راج سنگھ کے ساتھ مشترکہ کانفرنس میں   افتتاح کیا ۔ کانفرنس کے دوران مرکزی وزیر جناب گری راج سنگھ نے زراعت اور کسانوں کی بہبود کی وزارت اور دیہی ترقی کی وزارت کی مشترکہ پہل کرشی سکھی کنورجنس پروگرام کا افتتاح کیا۔

 

تقریب کے دوران جناب ارجن منڈا نے کہا کہ ان اقدامات کا مقصد دور دراز علاقوں میں بھی کسانوں کو فائدہ پہنچانا اور انہیں آسانی کے ساتھ کاشتکاری کرنے کے قابل بنانا ہے۔ انہوں نے کہا کہ اگر ہمارے کسانوں کو ایسی تمام سہولیات سے بااختیار بنایا جائے تو وہ نہ صرف اپنے لیے بلکہ ملک اور دنیا کے لیے بھی اہم کردار ادا کریں گے۔ مرکزی وزیر نے کہا کہ حکومت تعاون کے ذریعے خوشحالی کے بنیادی منتر کے ساتھ باہمی تعاون پر مبنی ہندوستان بنانے کے لیے یہ کام کر رہی ہے۔

جناب ارجن منڈا نے مٹی کی اہمیت پر بھی روشنی ڈالی۔ انہوں نے کہا کہ مٹی ہماری دھرتی ماں ہے اور ہر جاندار کی خاطر مٹی کی صحت کو بہتر رکھنا ہماری ذمہ داری ہے۔ جناب منڈا نے کہا کہ کرشی سکھی کا کردار مٹی کی بہتر صحت کو برقرار رکھنے میں بہت اہم ہے۔ وزیر اعظم کی قیادت میں یہ عظیم طاقت ابھری ہے جو کسانوں کو مٹی کی صحت کے بارے میں آگاہ کر سکتی ہے۔ انہوں نے کہا کہ خواتین کو بااختیار بنانے کے ساتھ ہم مقصد کی طرف قدم بڑھاتے ہوئے بامعنی نتائج کی طرف بڑھ رہے ہیں۔ مرکزی وزیر نے مٹی کی اچھی صحت کو برقرار رکھنے میں طلباء کے کردار پر بھی روشنی ڈالی۔ انہوں نے کہا کہ اسکول سوائل ہیلتھ پروگرام ایک کلیدی اقدام ہے جو طلباء کو مٹی اور ہمارے ماحول کی اہمیت کو سمجھنے میں رہنمائی کرے گا۔ اس کے تحت دیہی علاقوں میں کچھ کیندریہ اور نوودیہ ودیالیوں میں مٹی کی تجربہ گاہیں قائم کی گئیں۔ طلباء اور اساتذہ کو تربیت دی گئی، جو اپنے گاؤں اور زراعت کے شعبے کی ترقی میں حصہ لیں گے۔

 

تقریب کے دوران، جناب گری راج سنگھ نے کہا کہ کرشی سکھی ٹریننگ پروگرام کا آغاز کرشی سکھیوں کو "پیرا ایکسٹینشن ورکرز" کے طور پر تصدیق کرنے کے لیے ایک مشترکہ پہل کے طور پر کیا گیا ہے۔ انہوں نے وزیر اعظم جناب مودی کا شکریہ ادا کیا کہ جب سے وہ مرکز میں اقتدار میں آئے ہیں مٹی کی صحت کو اولین اہمیت دی گئی ہے۔ جناب سنگھ نے کہا کہ کرشی سکھی اور ڈرون دیدی جیسے پروگراموں کی شکل میں ایک بڑی طاقت ملک میں اچھا کام کرنے میں لگی ہوئی ہے۔ انہوں نے زمین کو صحت مند بنانے میں زمین کے نامیاتی کاربن کے کردار پر زور دیتے ہوئے کہا کہ جب مٹی اور جانوروں کی صحت بہتر ہوتی ہے تو انسانوں کی صحت بھی خود بخود بہتر ہو جاتی ہے۔

جناب گری راج سنگھ نے کہا کہ آج شروع کی گئی سہولیات کے ذریعے حقیقی وقت کا ڈیٹا بھی دستیاب ہوگا۔ انہوں نے کسانوں کو پائیدار زراعت کے طریقوں سے آگاہ کرنے میں کرشی سکھی کے کردار پر روشنی ڈالی اور کہا کہ کرشی سکھی سے نہ صرف کاشتکاری کو فائدہ پہنچے گا بلکہ اس سے معاشرے میں اس کی ساکھ بھی بڑھے گی اور کسانوں میں اعتماد بھی بڑھے گا۔ انہوں نے پوری انسانیت کی بھلائی کے لیے نامیاتی اور قدرتی کاشتکاری کے طریقوں کو استعمال کرنے کا بھی مشورہ دیا۔ جناب سنگھ نے امید ظاہر کی کہ آنے والے دنوں میں نامیاتی مصنوعات کی مارکیٹ میں نمایاں اضافہ ہوگا۔ انہوں نے نامیاتی کھیتی کو فروغ دینے میں تمام کرشی وگیان کیندروں کے تعاون کو یقینی بنانے کی اپیل  کی۔ مرکزی وزیر جناب سنگھ نے کہا کہ زراعت سے متعلق اداروں کو کاربن کا حقیقی وقت کا ڈیٹا بھی رکھنا چاہیے۔ انہوں نے کہا کہ اس طرح کی سہولیات کے ذریعے ملک میں وزیر اعظم جناب مودی کے خوابوں کو 100 فیصد نافذ کرنے کا کام کیا جا رہا ہے۔

 اصلاح شدہ سوائل ہیلتھ کارڈ پورٹل اور موبائل ایپلی کیشن - مٹی صحت کارڈ پورٹل کو نئے سرے سے بنایا گیا ہے اور مٹی کے نمونے جمع کرنے اور جانچ کے لیے موبائل ایپلی کیشن متعارف کرائی گئی ہے۔ پورٹل میں مٹی کی لیباریٹری رجسٹری ہے اور لیبز کی حیثیت کو حقیقی وقت کی بنیاد پر دیکھا جا سکتا ہے۔ لیبز کی پورٹل پر جیو کوآرڈینیٹس کے ساتھ نقشہ سازی  کی گئی ہے۔ پورٹل میں مٹی کے نمونے جمع کرنے، لیباریٹریوں میں ٹیسٹ اور سوائل ہیلتھ کارڈ کی تیاری کا حقیقی وقت میں ڈیٹا دکھانے کی سہولت موجود ہے۔ سوائل ہیلتھ کارڈ موبائل ایپلی کیشن میں ایپ پر مبنی کیو آر کوڈ کے ساتھ مٹی کے نمونے جمع کرنے کا نظام متعارف کرایا گیا ہے۔ نئے پورٹل کے تحت قومی، ریاستی اور ضلعی سطح پر سینٹرلائزڈ ڈیش بورڈ فراہم کیا گیا ہے۔ جیوگرافک انفارمیشن سسٹم (جی آئی  ایس) کے تجزیات حقیقی وقت کی بنیاد پر دستیاب ہیں۔ کسان ایس ایم ایس نوٹیفکیشن کے ذریعے اور پورٹل پر موبائل نمبر درج کرکے سوائل ہیلتھ کارڈ (ایس ایچ سی) ڈاؤن لوڈ کرسکتے ہیں۔ پورٹل میں کھاد کا انتظام، ایموجی پر مبنی سوائل ہیلتھ کارڈ، غذائیت کا ڈیش بورڈ، غذائی اجزاء کے گرمی کے نقشے ہیں۔ اس اقدام کے ذریعے اب حقیقی وقت پر پیش رفت کی نگرانی کی جا سکتی ہے۔ اب، کسانوں کے جیو کوآرڈینیٹس جہاں سے نمونے جمع کیے جاتے ہیں وہاں درج شدہ ، موبائل ایپلی کیشن کے ذریعے خود بخود حاصل کیے  جا رہے ہیں۔ ایپ پلاٹ کی تفصیلات بھی رجسٹر کرتی ہے اور آن لائن اور آف لائن موڈ میں قابل عمل ہے۔ کاشتکار سوائل ہیلتھ کارڈ کی تیاری تک اپنی مٹی کے نمونے کا  ریکارڈ  رکھ سکتےہیں۔

 

اسکول سوائل ہیلتھ پروگرام- محکمہ اسکول ایجوکیشن اور خواندگی کے ساتھ مل کر اسکول سوائل ہیلتھ پروگرام پر ایک پائلٹ پروجیکٹ شروع کیا ہے۔ پروجیکٹ کے تحت دیہی علاقوں کے کیندریہ اور نوودیہ ودیالیہ  کے 20 اسکولوں میں 20 مٹی لیب قائم کی گئیں۔ مطالعہ کے ماڈیول تیار کیے گئے اور طلباء اور اساتذہ کو تربیت دی گئی۔ موبائل ایپلی کیشن کو اسکول کے پروگرام کے لیے اپنی مرضی کے مطابق بنایا گیا تھا اور پورٹل میں پروگرام کے لیے ایک الگ سیگمنٹ ہے جہاں طلبہ کی تمام سرگرمیوں کو دستاویزی شکل دی گئی ہے۔ اب، اس پروگرام کو 1000 اسکولوں میں بڑھا دیا گیا ہے۔ کیندریہ ودیالیہ، نوودیہ ودیالیہ اور ایکلویہ ماڈل اسکولوں کو اس پروگرام کے تحت لیا گیا ہے۔ پورٹل پر اسکولوں کو آن بورڈ کیا جا رہا ہے اور آن لائن بیچز بنائے جا رہے ہیں۔ نیشنل بینک فار ایگریکلچر اینڈ رورل ڈیولپمنٹ (نابارڈ) کے ذریعے ڈی اے اینڈ ایف ڈبلیو  ان اسکولوں میں مٹی کی لیب قائم کرے گا۔ اسکول کے طلباء مٹی کے نمونے جمع کریں گے، اسکولوں میں قائم لیبز میں ٹیسٹ کریں گے اور سوائل ہیلتھ کارڈ تیار کریں گے۔ سوائل ہیلتھ کارڈ بنانے کے بعد، وہ کسانوں کے پاس جائیں گے اور انہیں سوائل ہیلتھ کارڈ کی سفارش کے بارے میں آگاہ کریں گے۔ یہ پروگرام طلباء کو تجربات کرنے، مٹی کے نمونوں کا تجزیہ کرنے اور مٹی کے اندر دلچسپ حیاتیاتی تنوع کو دریافت کرنے کا موقع فراہم کرے گا۔ عملی سرگرمیوں میں مشغول ہو کر، طلباء تنقیدی سوچ کی مہارتیں، مسئلہ حل کرنے کی صلاحیتیں، اور ماحولیاتی نظام کے باہم مربوط ہونے کے بارے میں ایک جامع سمجھ پیدا کریں گے۔ مزید برآں، سوائل لیب پروگرام صرف سائنسی تحقیق کے بارے میں نہیں ہے۔ یہ ہمارے ماحول کے لیے ذمہ داری اور احترام کا احساس پیدا کرنے کے بارے میں ہے۔ طلباء پائیدار زرعی طریقوں، مٹی کی صحت پر انسانی سرگرمیوں کے اثرات، اور ہمارے ماحولیاتی نظام کے نازک توازن کو برقرار رکھنے میں ہم میں سے ہر ایک کے کردار کے بارے میں سیکھیں گے۔

 

کرشی سکھی کنورجنس پروگرام- دیہی ہندوستان کے قلب میں، ایک خاموش انقلاب جڑ پکڑ رہا ہے۔ کرشی سکھیاں دیہی تبدیلی کے پیچھے محرک قوت ہیں۔ اس انقلاب کو مزید تقویت دینے کے لیے، کنورجنسی اقدام کے ایک حصے کے طور پر، وزارت زراعت اور کسانوں کی بہبود اور دیہی ترقی کی وزارت کے درمیان – 30اگست 2023 کو وزارتوں کے درمیان اپنے پروگراموں کو یکجا کرنے کے لیے ایک مفاہمت نامے پر دستخط کیے گئے۔ مفاہمت نامے کے ایک حصے کے طور پر، ایک مشترکہ پہل یعنی کرشی سکھیوں کا تربیتی پروگرام شروع کیا گیا جس کا مقصد 70,000 کرشی سکھیوں کو "پیرا ایکسٹینشن ورکرز" کے طور پر تصدیق کرنا ہے۔ کرشی سکھیاں نیشنل مشن آف نیچرل فارمنگ (این ایم این ایف)، بائیو ریسورس سینٹرز، پردھان منتری فصل بیمہ یوجنا (پی ایم  ایف بی وائی ) جیسی اسکیموں کو نافذ کرنے میں اپنی طاقت کی وجہ سے جو ان کے عزم، جذبے، سخت محنت اور جوش میں پنہاں ہے، اہم کردار ادا کرتی ہیں۔ مقامی ہونے کے ناطے، مقامی زبان، ثقافت، طریقوں کو جاننے اور دیہاتیوں اور کسانوں کے ساتھ مل کر تمام خوشیوں اور غموں سے گزرنے کے بعد، وہ ماحولیاتی نظام کو بہتر طور پر سمجھتی ہیں۔ کرشی سکھیاں، جن میں سے اکثر خود کسان ہیں، زیادہ   بہتر سمجھتی  ہیں اور اپنے دوستوں، خاندانوں، گاؤں کو زیادہ متعلقہ انداز میں سمجھانے کے لیے فائدہ مند پوزیشن میں ہیں۔

"وہ وہی سکھاتی ہیں جس پر وہ عمل کرتی ہیں، وہ دیہی ترقی کے لیے محرک ہیں"۔

کرشی سکھیاں صرف زرعی رہنما نہیں ہیں؛ وہ کسان ہیں، کسانوں کی دوست، کمیونٹی کے وسائل، اور بیداری پیدا کرنے والی، تحقیقی اداروں کو ٹیکنالوجی کے پھیلاؤ کے لیے نچلی سطح سے جوڑ نے والی  ہیں۔ کرشی سکھیوں، ایس آر ایل ایمیز کے ذریعہ شناخت کردہ دیہات کی خواتین کو ان کی فطری صلاحیت کے ساتھ دیہی زرعی خدمات کے خلا کو پر کرنے کے لیے تربیت دی جا رہی ہے اور ان کی جڑیں کھیتی اور گاؤں تک مضبوطی سے جڑی ہوئی ہیں۔ یہ زراعت کے مستقبل کو تشکیل دینے والی تبدیلی اور بااختیار بنانے کی کہانی ہے۔

تصدیق شدہ کرشی سکھیاں کسانوں میں بیداری پیدا کرنے اور صلاحیت بڑھانے کے لیے پیرا ایکسٹینشن ورکرز، کمیونٹی ریسورس پرسن بن جاتی ہیں اور کسانوں، کے ، زراعت اور متعلقہ محکموں کے درمیان ایک لنک کے طور پر بھی کام کرتی ہیں۔ زراعت میں ایک ہنر مند بات چیت کرنے والی سے لے کر ایک اختراعی مسئلہ حل کرنے والی تک، کرشی سکھی غیر معمولی افراد کے طور پر ابھرتی ہیں۔ زرعی ماحولیات، قدرتی وسائل کے انتظام، فصلوں کے تنوع، صحت اور غذائی تحفظ کے بارے میں علم سے آراستہ، وہ اپنے گاؤں میں پائیدار کاشتکاری کی ریڑھ کی ہڈی بن جاتے ہیں۔

وہ کلیدی وسائل کے طور پر کام کرتی ہیں، کسانوں کو ان اقدامات کے فوائد تک رسائی کے لیے رہنمائی کرتی ہیں۔ وہ جن بھاگیداری کے حصے کے طور پر قدرتی کاشتکاری، مٹی کی صحت کے انتظام اور جانچ کے بارے میں بیداری پیدا کرنے والی میٹنگیں کریں گی۔ ان اقدامات کا براہ راست اثر کرشی سکھیوں کی روزی روٹی بڑھانے پر پڑے گا اور زرعی پروگرام اور اسکیموں تک وسیع تر رسائی کو یقینی بنایا جائے گا۔ اب تک تقریباً 3500 کرشی سکھیوں کو پہلے ہی تربیت دی جا چکی ہے اور یہ پروگرام بیک وقت 13 ریاستوں میں نافذ کیا جا رہا ہے۔

کرشی سکھیاں تبدیلی کے محرک کے طور پر: تبدیلی کے شعبوں میں، کرشی سکھیاں ترقی کے بیج ہیں، جو پائیدار زراعت کے مستقبل کو  پروان چڑھاتی  ہیں۔ یہ کرشی سکھیاں دیہی ہندوستان کو نئی شکل دینے والی غیر معمولی خواتین ہیں۔

سی ایف کیو سی ٹی آئی  پورٹل- فرٹیلائزر کوالٹی کنٹرول سسٹم (ایف کیو سی ایس) پورٹل میں ون ٹائم پاس ورڈ (او ٹی پی) /ایس ایم ایس  ایپلی کیشن کی سہولت بندرگاہوں پر نمونے جمع کرنے اور اس کی جانچ کے لیے متعارف کرائی گئی ہے۔ نئے پورٹل میں، سسٹم کے ذریعے ایک او ٹی پی تیار کیا جائے گا اور اسے درآمد کنندہ کے مجاز افراد کے موبائل نمبر پر بھیجا جائے گا جس میں وہ فرد تصدیق کر سکتا ہے کہ فرٹیلائزر انسپیکٹر نے ایف سی او، 1985 کے بطور مقررہ فارم-جے میں تفصیلات پُر کی ہیں۔کسی بے ضابطگی کی صورت میں، مجاز شخص او ٹی پی کی تصدیق کرنے سے انکار کر سکتا ہے۔ سیمپل سسٹم کے ذریعے متعلقہ لیبز کو رینڈمائز کی بنیاد پر خود بخود الاٹ کیا جائے گا اور تجزیہ رپورٹ سسٹم کے ذریعے درآمد کنندہ کے مجاز شخص کے ای میل آئی ڈی پر یا براہ راست درآمد کنندہ کو جیسا کہ معاملہ ہو، جاری کیا جائے گا۔ دوسرے مرحلے میں، پورٹل کو مقامی طور پر تیار کردہ کھادوں کے نمونے لینے کے لیے اپ ڈیٹ کیا جا سکتا ہے، جس میں  بندرگاہوں/ڈیلر سیل پوائنٹ وغیرہ پر لائیو نمونے لینا شامل ہے۔

 

اجلاس میں سیکرٹری، محکمہ زراعت اور کسانوں کی بہبود (ڈی اے اینڈ ایف ڈبلیو) ، سیکرٹری، دیہی ترقی؛ ڈائریکٹر جنرل، انڈین کونسل آف ایگریکلچرل ریسرچ (آئی سی اے آر) اور حکومت ہند کے سینئر افسران نے شرکت کی۔ تمام ریاستوں کے زراعت کے محکمے؛ نودیہ ودیالیہ  سمیتی (این وی ایس) کے مختلف اسکول؛ کیندریہ ودیالیہ سنگٹھن (کے وی ایس) اور ایکلویہ ماڈل رہائشی اسکول (ای ایم آر ایس)؛ کرشی سکھی؛ زرعی ٹیکنالوجی مینجمنٹ ایجنسی (اے ٹی ایم اے) کے کارکنان؛ مختلف کرشی وگیان مراکز (کے وی کیز) بھی ویڈیو کانفرنسنگ کے ذریعے اس موقع پر شریک ہوئے۔

*****

(ش ح -ا ک  - ر ب)

U.No.5802

(Release ID: 2012334) Visitor Counter : 96