ഇലക്ട്രോണിക്സ് & ഐ.ടി മന്ത്രാലയം
തിരുവനന്തപുരത്തും കൊച്ചിയിലും രണ്ട് എസ്ടിപിഐ കേന്ദ്രങ്ങള്‍ കേന്ദ്രമന്ത്രി രാജീവ് ചന്ദ്രശേഖര്‍ ഉദ്ഘാടനം ചെയ്തു
ഭാരത് സെമികണ്ടക്ടര്‍ ഗവേഷണ കേന്ദ്രത്തിന് (BSRC) തിരുവനന്തപുരത്തെ IIST-ല്‍ ഒരു പ്രാദേശിക കേന്ദ്രം ഉണ്ടാകും; ഇത് നഗരത്തിന്റെ സ്റ്റാര്‍ട്ടപ്പ് - ടെക് ആവാസ വ്യവസ്ഥയ്ക്ക് ഉത്തേജനം പകരും.
കേരളത്തില്‍ നിന്നുള്ള സ്റ്റാര്‍ട്ടപ്പുകളും സംരംഭകരും ഇന്ത്യയിലെ യുവാക്കളും സെമികണ്ടക്ടറില്‍ ഇന്ത്യയുടെ പരിവര്‍ത്തനത്തിന്റെ പ്രാരംഭ തലത്തില്‍ ഇടം നേടണം: കേന്ദ്ര സഹമന്ത്രി രാജീവ് ചന്ദ്രശേഖര്‍
Posted On:
06 MAR 2024 6:56PM by PIB Thiruvananthpuram
പ്രധാനമന്ത്രി നരേന്ദ്ര മോദി ജിയുടെ നേതൃത്വത്തില്‍, നവീനതയുടെ അടുത്ത തരംഗം കേരളത്തില്‍ നിന്ന് വരുമെന്ന് ഉറപ്പാക്കാന്‍ ഞങ്ങള്‍ പരിശ്രമിക്കും, കേരളത്തിലെ യുവാക്കള്‍ അതിന്റെ പ്രേരകശക്തിയാകുമെന്ന് കേന്ദ്ര സഹമന്ത്രി രാജീവ് ചന്ദ്രശേഖര്‍
ഹൈ-പെര്‍ഫോമന്‍സ് കമ്പ്യൂട്ടിംഗിനായുള്ള ഇന്ത്യയുടെ പ്രൊസസര്‍ ഡിസൈനും നിര്‍മ്മാണ ശേഷിയും ത്വരിതപ്പെടുത്തുന്നതിന് ഐബിഎമ്മും സി-ഡാക്കും തമ്മിലുള്ള ധാരണാപത്രത്തിന് കേന്ദ്ര സഹമന്ത്രി രാജീവ് ചന്ദ്രശേഖര്‍ വഴിയൊരുക്കുന്നു.
''ഒരു സെമി കണ്ടക്ടര്‍ എഞ്ചിനീയര്‍ ഒരു സൂപ്പര്‍ഹീറോ ആയ ഒരു കാലത്താണ് നമ്മള്‍ ജീവിക്കുന്നത്. പ്രധാനമന്ത്രി നരേന്ദ്ര മോദിയുടെ നേതൃത്വത്തില്‍ നമ്മുടെ രാജ്യം എത്രത്തോളം മുന്നേറി, സാങ്കേതികവിദ്യയുടെ യുഗത്തില്‍ നാം എത്രത്തോളം മുന്നേറി എന്ന് അത് തെളിയിക്കുന്നു ,'' നാലാമത് സെമിക്കോണ്‍ ഇന്ത്യ ഫ്യൂച്ചര്‍ ഡിസൈന്‍ റോഡ്ഷോയില്‍ ഇന്ന് കേരളത്തിലെ വിദ്യാര്‍ത്ഥികള്‍, ഗവേഷകര്‍, വ്യവസായ പ്രമുഖര്‍, ഐഎസ്ആര്‍ഒ അംഗങ്ങള്‍ എന്നിവരെ അഭിസംബോധന ചെയ്യവെ കേന്ദ്രമന്ത്രി രാജീവ് ചന്ദ്രശേഖര്‍ പറഞ്ഞു.
ഐബിഎമ്മും സി-ഡാക്കും തമ്മിലുള്ള ധാരണാപത്രത്തിന് മന്ത്രി സൗകര്യമൊരുക്കി. ഇത് ഇന്ത്യയുടെ പ്രോസസര്‍ ഡിസൈനും ഉയര്‍ന്ന പ്രവര്‍ത്തനക്ഷമതയുള്ള കമ്പ്യൂട്ടിംഗിനായുള്ള നിര്‍മ്മാണ ശേഷിയും ത്വരിതപ്പെടുത്തുന്നതിന് ലക്ഷ്യമിടുന്നു. ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സ്പേസ് സയന്‍സ് ആന്‍ഡ് ടെക്നോളജിയിലാണ് (ഐഐഎസ്ടി) പരിപാടി നടന്നത്.
വരാനിരിക്കുന്ന ഭാരത് സെമികണ്ടക്ടര്‍ റിസര്‍ച്ച് സെന്ററിന് (ബിഎസ്ആര്‍സി) തിരുവനന്തപുരത്തെ ഐഐഎസ്ടിയില്‍ ഒരു പ്രാദേശിക കേന്ദ്രം ഉണ്ടായിരിക്കുമെന്നും ഇത് നഗരത്തിന്റെ സ്റ്റാര്‍ട്ടപ്പ് - ടെക് ആവാസ വ്യവസ്ഥയെ ഉത്തേജിപ്പിക്കുമെന്നും അദ്ദേഹം പ്രഖ്യാപിച്ചു.
കേരളത്തിലെ ഇലക്ട്രോണിക്സ്, ഐടി മേഖല, സ്റ്റാര്‍ട്ടപ്പ് ഇക്കോസിസ്റ്റം എന്നിവയെ ഗണ്യമായി ഉത്തേജിപ്പിക്കുന്നതിനായി കേന്ദ്ര ഇലക്ട്രോണിക്സ്, ഐടി, നൈപുണ്യ വികസനം, സംരംഭകത്വം, ജലശക്തി സഹമന്ത്രി ശ്രീ രാജീവ് ചന്ദ്രശേഖര്‍ പുതിയ സോഫ്റ്റ്വെയര്‍ ടെക്നോളജി പാര്‍ക്ക് ഓഫ് ഇന്ത്യ (എസ്ടിപിഐ) കേന്ദ്രങ്ങളും ഉദ്ഘാടനം ചെയ്തു. തിരുവനന്തപുരത്തും കൊച്ചിയിലുമാണ് കേന്ദ്രങ്ങള്‍.
കേരളത്തിന്റെ ഐടി ഇന്‍ഫ്രാസ്ട്രക്ചര്‍ ശക്തിപ്പെടുത്തുന്നതിലും വളര്‍ന്നുവരുന്ന ടെക് സ്റ്റാര്‍ട്ടപ്പുകള്‍ക്ക് അത്യാധുനിക സൗകര്യങ്ങള്‍ നല്‍കുന്നതിലും അതുവഴി ആഗോളതലത്തില്‍ നവീകരണത്തിനും വളരാനും മത്സരിക്കാനും അവരെ പ്രാപ്തരാക്കുന്നതില്‍ നിര്‍ണായക പങ്ക് വഹിക്കാന്‍ ഈ കേന്ദ്രങ്ങള്‍ സജ്ജമാണ്.
ഉദ്ഘാടനത്തിന് ശേഷം മന്ത്രി ഇന്‍കുബേഷന്‍ സെന്റര്‍ സന്ദര്‍ശിക്കുകയും സ്റ്റാര്‍ട്ടപ്പുകളുമായി ഇടപഴകുകയും ചെയ്തു. 'കേരളത്തിലെ സാങ്കേതിക സ്റ്റാര്‍ട്ടപ്പുകളെ ഉത്തേജിപ്പിക്കുന്നു' എന്ന വിഷയത്തില്‍ നടന്ന ചര്‍ച്ചയില്‍ മന്ത്രി പങ്കെടുത്തു. ഇന്ത്യന്‍ സ്പേസ് റിസര്‍ച്ച് ഓര്‍ഗനൈസേഷന്റെ (ISRO) ചെയര്‍മാന്‍ എസ്. സോമനാഥുമായുള്ള ആശയവിനിമയത്തിനിടെ അദ്ദേഹം പറഞ്ഞതിങ്ങനെ - ''ഇന്ത്യയുടെ ഡിജിറ്റല്‍ സമ്പദ്വ്യവസ്ഥയുടെ വളര്‍ച്ചയ്ക്ക് തിരുവനന്തപുരത്തിന് വലിയ ഉത്തേജകമാകാന്‍ വലിയ അവസരമുണ്ട്. തിരുവനന്തപുരത്തും കൊച്ചിയിലും പുതുതായി ഉദ്ഘാടനം ചെയ്ത എസ്ടിപിഐ കേന്ദ്രങ്ങള്‍ സംസ്ഥാനത്തെ സ്റ്റാര്‍ട്ടപ്പ് ആവാസ വ്യവസ്ഥ ഉയര്‍ത്തുന്നതിനൊപ്പം ദക്ഷിണേന്ത്യയിലെ ഏറ്റവും വലിയ ടെക്നോളജി ഹബ്ബായി സംസ്ഥാനത്തെ മാറ്റും. 1990-കളില്‍ നഗരത്തില്‍ സ്ഥാപിതമായ ഇന്ത്യയിലെ ആദ്യത്തെ ടെക്നോപാര്‍ക്കുകളിലൊന്ന് ഉണ്ടായിരുന്നിട്ടും, ഇന്ന് സ്റ്റാര്‍ട്ടപ്പ് ഇന്നൊവേഷന്‍ സമ്പദ്വ്യവസ്ഥയുടെ ആദ്യ 20-ല്‍ പോലും തിരുവനന്തപുരം ഇല്ലെന്നത് ലജ്ജാകരമാണ്. യു.ഡി.എഫിന്റെയും എല്‍.ഡി.എഫിന്റെയും നേതൃത്വത്തിലുള്ള സംസ്ഥാന സര്‍ക്കാരിന്റെ രാഷ്ട്രീയ വീക്ഷണമില്ലായ്മ കേരളത്തിന്റെ പുരോഗതി നഷ്ടപ്പെടുത്തുക മാത്രമല്ല, വികസനത്തിന്റെ യാത്രയില്‍ തീവണ്ടിയില്‍ നിന്ന് പിന്നോട്ടടിക്കുകയും ചെയ്തു. പ്രധാനമന്ത്രി നരേന്ദ്രമോദി ജിയുടെ നേതൃത്വത്തില്‍, നവീനതയുടെ അടുത്ത തരംഗം കേരളത്തില്‍ നിന്നാണ് വരുന്നതെന്ന് ഉറപ്പാക്കാന്‍ ഞങ്ങള്‍ പരിശ്രമിക്കും, കേരളത്തിലെ യുവാക്കള്‍ അതിന്റെ പ്രേരകശക്തിയാണ്'.
ഫ്യൂച്ചര്‍ ഡിസൈന്‍ റോഡ്ഷോയിലെ തന്റെ പ്രസംഗത്തിനിടെ, മന്ത്രി ചന്ദ്രശേഖര്‍ ഇന്ത്യയിലെ സെമികണ്ടക്ടര്‍ ആവാസവ്യവസ്ഥയുടെ സമഗ്രമായ അവലോകനം നടത്തുകയും കഴിഞ്ഞ 2.5 വര്‍ഷമായി അതിന്റെ സുപ്രധാന പുരോഗതി ഉയര്‍ത്തിക്കാട്ടുകയും ചെയ്തു.
സെമികണ്ടക്ടര്‍ ആവാസവ്യവസ്ഥയില്‍ ഇത് ഇന്ത്യയെ സംബന്ധിച്ചിടത്തോളം ഏറ്റവും ആവേശകരമാണെന്ന് അദ്ദേഹം പറഞ്ഞു. ഈ പുരോഗതിയുടെ യാത്രയില്‍ കേരളത്തിലെ സ്റ്റാര്‍ട്ടപ്പുകളും ഇന്ത്യയിലെ യുവാക്കളും ചേരണമെന്ന് ഞാന്‍ ആഗ്രഹിക്കുന്നു. ഈ മേഖലയില്‍ നാം സാക്ഷ്യം വഹിക്കുന്ന വളര്‍ച്ചയും വിജയവും അവസരങ്ങളും വരും വര്‍ഷങ്ങളില്‍ അത് വികസിക്കുകയും ത്വരിതപ്പെടുത്തുകയും ചെയ്യുമെന്ന് നമുക്ക് കാണാനാകും. ലോകമെമ്പാടുമുള്ള നമ്മുടെ ജീവിതത്തിലും സംരംഭങ്ങളിലും ഗവണ്‍മെന്റുകളിലും ഡിജിറ്റലൈസേഷനും സാങ്കേതികവിദ്യയുടെ തീവ്രതയും അഭൂതപൂര്‍വമായ തോതില്‍ വര്‍ദ്ധിച്ചുകൊണ്ടിരിക്കുകയാണ്. സാങ്കേതിക വിദ്യയെ സ്വീകരിക്കുന്നതിന് വിരുദ്ധമായ വിഭാഗങ്ങള്‍ പോലും ( സര്‍ക്കാരും ഭരണവും, പൊതു സേവനങ്ങള്‍, ജലവിതരണം, സബ്സിഡി വിതരണം, പരിധിക്ക് പുറത്തുള്ള കാര്യങ്ങള്‍) ഇപ്പോള്‍ സാങ്കേതികവിദ്യയെ സ്വീകരിക്കുന്നു. നാളത്തെ സംവിധാനങ്ങള്‍, ഉപകരണങ്ങള്‍, നാളത്തെ ഉല്‍പ്പന്നങ്ങള്‍ എന്നിവ രൂപകല്‍പന ചെയ്യുന്നതിനും പുനര്‍വിചിന്തനം ചെയ്യുന്നതിനും തുടക്കം കുറിക്കാന്‍ , ഇന്നത്തെയും നാളത്തേയും സംരംഭകര്‍ക്ക് ഭാഗമാകാനുള്ള വലിയ അവസരമാണ് ഇത് നല്‍കുന്നത്. ആ പശ്ചാത്തലത്തിലാണ് ഞങ്ങള്‍ FutureDESIGN ആരംഭിച്ചത്''-
സ്റ്റാര്‍ട്ടപ്പുകളെ ശാക്തീകരിക്കാനും സെമികണ്ടക്ടര്‍ മേഖലയില്‍ ഒരു ഇന്ത്യന്‍ ഇന്നൊവേഷന്‍ ഇക്കോസിസ്റ്റം പരിപോഷിപ്പിക്കാനും ഈ പരിപാടി എങ്ങനെ ലക്ഷ്യമിടുന്നുവെന്ന് ഊന്നല്‍ നല്‍കി മന്ത്രി FutureDESIGN-നെ കുറിച്ച് വിശദീകരിച്ചു.
''70-75 വര്‍ഷമായി, ഐഎസ്ആര്‍ഒയും ഡിആര്‍ഡിഒയും നേടിയതൊഴിച്ചാല്‍ സെമികണ്ടക്ടര്‍ മേഖലയില്‍ ഞങ്ങള്‍ വളരെ കുറച്ച് മാത്രമേ ചെയ്തിട്ടുള്ളൂ. സെമികണ്ടക രൂപകല്‍പ്പനയുടെ ആഗോള ആവാസവ്യവസ്ഥയില്‍ നിന്ന് ഇന്ത്യ വിട്ടുനില്‍ക്കുകയായിരുന്നു-ഇന്ത്യയില്‍ നിന്നുള്ള പ്രതിഭ ആഗോള ഗവേഷണ-വികസനത്തിലേക്ക് ഒഴുകുകയും അത് തുടരുകയും ചെയ്തു. സ്വതന്ത്ര ഇന്ത്യയിലെ വിദ്യാര്‍ത്ഥികളുടെ ഏറ്റവും ഭാഗ്യമുള്ള തലമുറ നിങ്ങളാണ്. ഇതാ നിങ്ങള്‍ക്കായി ഒരു സര്‍ക്കാര്‍, ഒരു വ്യവസായം നിങ്ങളുടെ അടുക്കല്‍ വരുന്നു, ഞങ്ങള്‍ നിങ്ങള്‍ക്ക് അവസരങ്ങളും മാര്‍ഗരേഖയും ധനസഹായവും വാഗ്ദാനം ചെയ്യുന്നു, എന്തെങ്കിലും ചെയ്യാന്‍, നിങ്ങളുടേതായ എന്തെങ്കിലും നിര്‍മ്മിക്കുക,' മന്ത്രി വിശദീകരിച്ചു.
ആഗോള പ്രമുഖര്‍ ഇന്ത്യയില്‍ തങ്ങളുടെ യൂണിറ്റുകള്‍ സ്ഥാപിക്കുന്നതോടെ രാജ്യം അതിവേഗം നീങ്ങുന്നത് എങ്ങനെയെന്ന് അദ്ദേഹം കൂട്ടിച്ചേര്‍ത്തു.
''നാം ഇതിനകം തന്നെ അതിവേഗം വളരുകയാണ്, 2027-2029 ഓടെ അവരുടെ ഉപകരണ നിര്‍മ്മാണത്തിന്റെയും ആഗോള ജിവിസികളുടെയും 12-15% ഇന്ത്യയിലായിരിക്കുമെന്ന് ആപ്പിള്‍ അടുത്തിടെ സമ്മതിച്ചു. അപ്പോഴേക്കും സെമികണ്ടക്ടര്‍ വിപണി 110 ബില്യണ്‍ ഡോളര്‍ വളരുമെന്ന് ഞങ്ങള്‍ പ്രതീക്ഷിക്കുന്നു. ഉല്‍പ്പാദനത്തെക്കുറിച്ച് നാം അതിമോഹമുള്ളവരാണെന്നത് പോലെ തന്നെ ഡിസൈന്‍, ഐപി, ഇന്നൊവേഷന്‍ എന്നിവയിലും നേതാക്കളാകാന്‍ ഞങ്ങള്‍ ആഗ്രഹിക്കുന്നുവെന്ന് നമ്മുടെ പ്രധാനമന്ത്രി പറഞ്ഞു. ഇത് കേവലം നിര്‍മ്മാണ-നേതൃത്വത്തിലുള്ള പ്രകടനത്തെ അനുകരിക്കുകയല്ല, മറിച്ച് ഡിസൈനും നവീകരണവും നയിക്കുന്ന പ്രകടനമാണ്,'' മന്ത്രി കൂട്ടിച്ചേര്‍ത്തു.
''ആത്മനിര്‍ഭര്‍ ഭാരത്'' കൂടുതല്‍ കെട്ടിപ്പടുക്കുന്ന ഘട്ടത്തില്‍, ഊര്‍ജ്ജസ്വലമായ ഒരു ആവാസവ്യവസ്ഥ സൃഷ്ടിക്കുകയാണ് സര്‍ക്കാര്‍ എന്നും അദ്ദേഹം പറഞ്ഞു.
'ഇപ്പോള്‍, സ്റ്റാര്‍ട്ടപ്പുകള്‍ക്ക് ധനസഹായം നല്‍കുന്നതിനായി ഏകദേശം 1000 കോടി സര്‍ക്കാര്‍ ഈ മേഖലയില്‍ അനുവദിച്ചിട്ടുണ്ട്. ഈ വരുന്ന ദശകത്തില്‍, ഇന്ത്യന്‍ സ്റ്റാര്‍ട്ടപ്പുകളേയും വന്‍കിട കമ്പനികളേയും രൂപപ്പെടുത്തുന്നത് ഇന്ത്യയുടെ സാങ്കേതികാബ്ദം ആയിരിക്കുമെന്ന നമ്മുടെ പ്രധാനമന്ത്രിയുടെ വിശ്വാസമാണ് ഇതില്‍ പ്രധാനം, അതിനാല്‍ യുവ ഇന്ത്യക്കാര്‍ക്കും സ്റ്റാര്‍ട്ടപ്പുകള്‍ക്കും ഒരു പങ്കുണ്ട്. ഓട്ടോമൊബൈല്‍, മൊബൈല്‍, കമ്പ്യൂട്ട്, നെക്സ്റ്റ്-ജെന്‍ ഡിസൈന്‍ സ്റ്റാര്‍ട്ടപ്പുകള്‍ എന്നിവയില്‍ നിന്നുള്ള ആപ്ലിക്കേഷനുകളുടെ വിശാലമായ സ്‌പെക്ട്രത്തിലുടനീളം സെമികണ്ടക്ടര്‍ രൂപകല്‍പ്പന നവീകരിക്കുന്നു (ഐപി, കോ-ഡെവലപ്പ്‌മെന്റ്, സംയുക്ത ഉടമസ്ഥത എന്നിവയെ ഉത്തേജിപ്പിക്കുന്നു. RISC V, IBM-ന്റെ ശക്തി എന്നിവ ഉള്‍പ്പെടുന്ന ഒരു തന്ത്രം ഞങ്ങള്‍ ഇരട്ടിയാക്കുന്നു) അതിന് ചുറ്റും ഞങ്ങള്‍ ഒന്നിലധികം ആപ്ലിക്കേഷനുകള്‍ നിര്‍മ്മിക്കും- (മൈക്രോപ്രോസസറുകള്‍, IoT തുടങ്ങിയവ)
ഇന്ന്, ഏകദേശം 26 ബില്യണ്‍ ഡോളറിന്റെ നിക്ഷേപ നിര്‍ദ്ദേശങ്ങള്‍ ഞങ്ങള്‍ കണ്ടു-മൈക്രോണ്‍, ടവര്‍, പിഎസ്എംസി തായ്വാന്‍, ടാറ്റസ് എന്നിവ മള്‍ട്ടി ബില്യണ്‍ ഡോളര്‍ നിര്‍മ്മാണ സൗകര്യങ്ങള്‍ നിര്‍മ്മിക്കുന്നു. സെമികോണിലെ എല്ലാ ആഗോള നാമങ്ങള്‍ക്കും ഇന്ന് ഇന്ത്യയില്‍ ഒരു ഗവേഷണ-വികസന കേന്ദ്രമുണ്ട്. കഴിഞ്ഞ രണ്ട് വര്‍ഷത്തിനുള്ളില്‍ ഞങ്ങള്‍ വളരെ ഊര്‍ജ്ജസ്വലമായ, അതിവേഗം ചാര്‍ജ് ചെയ്യുന്ന, ആഗോളതലത്തില്‍ മത്സരാധിഷ്ഠിതമായ സ്റ്റാര്‍ട്ടപ്പ് ഇക്കോസിസ്റ്റം സൃഷ്ടിച്ചു. നിങ്ങള്‍ യാത്രയുടെ ഭാഗമാകണമെന്നും നിങ്ങള്‍ സെമി കണ്ടക്ടര്‍ ആവാസവ്യവസ്ഥയുടെ ഭാഗമാകണമെന്നും ഞാന്‍ ആഗ്രഹിക്കുന്നു,'' അദ്ദേഹം പറഞ്ഞു.
സെമി കണക്ടര്‍ വ്യവസായത്തിലെയും ഐഎസ്ആര്‍ഒയിലെയും മുതിര്‍ന്ന വ്യവസായ അംഗങ്ങളും സന്നിഹിതരായിരുന്നു. അവര്‍ എങ്ങനെ മികച്ച ഭാവി സൃഷ്ടിക്കുന്ന ഒരു ഇന്നൊവേഷന്‍ ഇക്കോസിസ്റ്റം സര്‍ക്കാര്‍ നിര്‍മ്മിച്ചുവെന്ന് എടുത്തുകാണിച്ചു.
ബഹിരാകാശ സാങ്കേതിക വിദ്യയില്‍ മികവ് പുലര്‍ത്തുന്നതിനായി ഐഎസ്ആര്‍ഒയിലും ഐഐഎസ്റ്റിയിലും 'മെയ്ക്ക് ഇന്‍ ഇന്ത്യ', 'ആത്മനിര്‍ഭര്‍ ഭാരത്' എന്നീ ആശയങ്ങളോട് ആഴത്തില്‍ പ്രതിജ്ഞാബദ്ധരാണെന്ന് തിരുവനന്തപുരം വിഎസ്എസ്സി & ഐഐഎസ്ടി ഡയറക്ടര്‍ ഡോ.എസ് ഉണ്ണികൃഷ്ണന്‍ നായര്‍ പറഞ്ഞു. രാജ്യത്തിനകത്ത് ഊര്‍ജ്ജസ്വലമായ സെമികണ്ടക്ടര്‍ നിര്‍മ്മാണ ആവാസവ്യവസ്ഥ സങ്കീര്‍ണ്ണമായ ദൗത്യങ്ങള്‍ക്കായി പുതിയ ഡിസൈനുകള്‍ നടപ്പിലാക്കുന്നതിന് ബഹിരാകാശ മേഖലയെ സഹായിക്കും. വളരെ നിര്‍ണായകവും തന്ത്രപ്രധാനവുമായ ഈ മേഖലയില്‍ പ്രധാനമന്ത്രി മോദിയുടെ നേതൃത്വത്തിലുള്ള സര്‍ക്കാര്‍ അതിവേഗം മുന്നേറുകയാണ്. ബഹുമാനപ്പെട്ട മന്ത്രി രാജീവ് ചന്ദ്രശേഖറിനെപ്പോലുള്ള മന്ത്രിമാര്‍ സെമികണ്ടക്ടര്‍ ഇന്നോ നാളെയോ ഉള്ള കളിയല്ലെന്നും അത് നാളേയ്ക്ക് ശേഷമുള്ള ഒരു കളിയാണെന്നും ഡൗണ്‍ ദി റോഡ് ഗെയിമാണെന്നും മനസ്സിലാക്കുന്നു.
ഐഎസ്ആര്‍ഒയിലെ ലിക്വിഡ് പ്രൊപ്പല്‍ഷന്‍ സിസ്റ്റംസ് സെന്റര്‍ (എല്‍പിഎസ്സി) ഡയറക്ടര്‍ ഡോ വി നാരായണന്‍ പറഞ്ഞതിങ്ങനെ- ബഹുമാനപ്പെട്ട മന്ത്രി രാജീവ് ചന്ദ്രശേഖര്‍ ഇവിടെയുണ്ട് എന്നത് ഐഎസ്ആര്‍ഒയിലെ നമുക്കെല്ലാവര്‍ക്കും വലിയ അംഗീകാരമാണ്. അദ്ദേഹം ഒരു നേതാവാണ്, ചലനാത്മക വ്യക്തിത്വമാണ്, കഴിഞ്ഞ 5 വര്‍ഷത്തിനിടെ കേന്ദ്ര സഹ മന്ത്രിയായിരിക്കെ കാര്യമായ സംഭാവനകള്‍ നല്‍കിയ വ്യക്തിയാണ്. കഴിഞ്ഞ 76 വര്‍ഷമായി നാം ഒരു സ്വതന്ത്ര രാജ്യമാണ്, മിക്കവാറും എല്ലാ മേഖലകളിലും നാം വളരെയധികം മുന്നേറിയിട്ടുണ്ട്. രാജ്യം വികസിത് ഭാരത് ആയി മാറുന്നതിന് വിവിധ മേഖലകള്‍ വലിയ രീതിയില്‍ വികസിക്കേണ്ടതുണ്ട് - ഇലക്ട്രോണിക്സ്, സെമികണ്ടക്ടര്‍ വികസനം ഇക്കാര്യത്തില്‍ ഒരു പ്രധാന മേഖലയാണ്. നമ്മുടെ ബഹുമാനപ്പെട്ട മന്ത്രി രാജീവ് ചന്ദ്രശേഖര്‍ ഈ മേഖലയില്‍ ഒരു മുന്‍നിര വ്യക്തിത്വം ആയതിനാലും ശ്രദ്ധേയമായ സംഭാവന നല്‍കിയതിലും ഞാന്‍ സന്തുഷ്ടനാണ്. '
NVIDIA, സൗത്ത് ഏഷ്യ മാനേജിംഗ് ഡയറക്ടര്‍ വിശാല്‍ ധുപര്‍ പറഞ്ഞതിങ്ങനെ - ''അവസരം നമ്മുടേതാണ്, നമുക്ക് ഇന്ത്യയെ , അതിനെ ലോകത്തിന്റെ 'ഓഫീസ്' ആക്കാം, ഇവിടെ ബുദ്ധിശക്തി വളര്‍ത്തിയെടുക്കാനും ബുദ്ധി ലോകത്തേക്ക് കയറ്റുമതി ചെയ്യാനും കഴിയും'.
--SK--
(Release ID: 2012066)
Visitor Counter : 47