جیولوجیکل سروے آف انڈیا(جی ایس آئی) نے اپنا 174 واں یوم تاسیس 4 مارچ 2024 کو پورے ملک میں پھیلے ہوئے اپنے تمام دفاتر میں شاندار طریقے سے منایا۔ تقریب بڑے جوش و خروش اورولولے کے ساتھ منائی گئی۔ مرکزی ہیڈکوارٹر، کولکاتہ میں، جشن کا افتتاح جناب جناردن پرساد، ڈائریکٹر جنرل، جی ایس آئی نے کیا، جنھوں نے تقریبات کا آغاز کرنے کے لیے روایتی چراغ روشن کیا۔ اس تقریب میں جی ایس آئی کے سابق ڈائریکٹر جنرل اور تقریب کے مہمان خصوصی ڈاکٹر ایم کے مکوپادھیائے، ڈاکٹر جوئے دیپ گوہا، ایڈیشنل ڈائریکٹر جنرل اور ہیڈ آف ڈپارٹمنٹ، سی ایچ کیو اور دیگر اہم کام کرنے والے اور ریٹائرڈ عہدیداروں سمیت متعدد معززین نے شرکت کی۔

تقریبات کا آغاز جی ایس آئی کے بانی ڈاکٹر تھامس اولڈہم اور جی ایس آئی کے پہلے ہندوستانی سربراہ ڈاکٹر ایم ایس کرشنن کی تصویروں پر رسمی طور پر پھول پیش کرنے کے ساتھ ان کے تعاون  کے اعتراف اور خراج عقیدت کے طور پر آغاز ہوا۔ اس کے بعد پتھروں، معدنیات اور فوسلز کی نمائش کرنے والی ایک نمائش کا افتتاح کیا گیا، جو کولکاتہ اور اس کے مضافات کے مختلف کالجوں کے طلباء کے لیے کھلی تھی۔

اپنے استقبالیہ خطاب میں، ڈاکٹر جویدیپ گوہا،اے ڈی جی اور ایچ او ڈی، سی ایچ کیو، نے اپنے آغاز سے ہی ہندوستان میں معدنیات کی تلاش اور جیو سائنسی علم کی ترقی میں جی ایس آئی کے اہم کردار پر زور دیا۔

اس موقع پر، جناب جناردن پرساد، ڈی جی، جی ایس آئی، نے معدنیات کی تلاش میں پروبنگ تکنیک، مصنوعی ذہانت اور مشین لرننگ اور مطلوبہ اہداف کے حصول کے لیے قومی اور بین الاقوامی ایجنسیوں کے ساتھ تعاون کے تعلق سے   تنظیم کی شاندار 174 سالہ تاریخ  ملک کے معدنی وسائل کی تلاش میں اس کی ناگزیر شراکت، اور پیشگی استعمال کے ساتھ ملک کو معدنی وسائل میں خود کفیل بنانے کے جاری عزم پر زور دیا۔ انہوں نے جی ایس آئی کی طرف سے جیو ہارڈ مینجمنٹ اور قبل از وقت وارننگ سسٹمز کے میدان میں کئے جانے والے غیر معمولی کام پربھی  روشنی ڈالی۔ انہوں نے ماضی اور حال کے ملازمین کا بھی شکریہ ادا کیا ۔انہوں نے گزشتہ برسوں میں جی ایس آئی کی ترقی اور کامیابی میں ان کی لگن اور تعاون کے لیے شکریہ ادا کیا۔

جناب جناردن پرساد، ڈی جی، جی ایس آئی، اس مبارک موقع پر اجتماع سے خطاب کرتے ہوئے۔

تقریب کے دوران، ڈاکٹر ایم کے مکوپادھیائے، جی ایس آئی کے سابق ڈائریکٹر جنرل اور مہمان خصوصی، نے دور دراز علاقوں میں اپنے وسیع ارضیاتی فیلڈ ورک اور پالیسی سازوں کے ساتھ بات چیت سے بصیرت کا اشتراک کیا۔ انہوں نے ماہر ارضیات کی زندگی کے مختلف پہلوؤں پر زور دیا، دور دراز کے فیلڈ ورک سے لے کر ہائی پروفائل میٹنگز تک۔ انہوں نےجی ایس آئی کمیونٹی پر زور دیا کہ وہ بہترین کارکردگی کے لیے کوشش کریں اوراس کے ساتھ ساتھ انہوں نے  پالیسی سازوں کو قدرتی آفات سے نمٹنے کے لیےجی ایس آئی  کی سائنسی مہارت سے فائدہ اٹھانے کی ترغیب دی۔

تقریب کے دوران، انڈین جرنل آف جیو سائنس کا تازہ ترین شمارہ (جلد 77، شمارہ IV) جاری کیا گیا، جس میں جغرافیائی سائنس کے میدان میں تازہ ترین تحقیق اور پیش رفت پر روشنی ڈالی گئی۔ مزید برآں، نامور ماہرین ارضیات اور ماہرین کی طرف سے لیکچرز اور پریزنٹیشنز کا ایک سلسلہ منعقد کیا گیا، جس میں مختلف موضوعات پر روشنی ڈالی گئی جیسے کہ جغرافیائی سائنس میں مشین لرننگ اور ابھرتی ہوئی ٹیکنالوجیز کا استعمال کرتے ہوئے معدنی امکانی تجزیہ، اور مستقبل کے معدنیات/ دھاتوں کے لیے چیلنج کا سامنا کرنا۔ تقریب میں ثقافتی پروگرام اور ریٹائر ہونے والے اہلکاروں کا اعزاز بھی شامل تھا۔

*****

ش ج۔ ج ق۔ ج ا

U-No. 5724