وزیر اعظم جناب نریندر مودی  نے آج عادل آباد تلنگانہ میں  بجلی، ریل اور سڑک کے شعبوں سے متعلق  56000 کروڑ روپے سے زیادہ مالیت کے متعدد ترقیاتی پروجیکٹوں  کو قوم کے نام وقف کیا اور  سنگ بنیاد رکھا ۔

حاضرین  سے خطاب کرتے ہوئے وزیر اعظم نے کہا کہ عادل آباد کی سرزمین نہ صرف تلنگانہ بلکہ پورے ملک سے متعلق ترقیاتی پروجیکٹوں کی گواہ بن رہی ہے کیونکہ 56000 کروڑ روپے سے زیادہ کی مالیت کے 30 سے زیادہ ترقیاتی  پروجیکٹ   آج یا تو قوم کے نام وقف کیے جا رہے ہیں یا  ان کا سنگ بنیاد رکھا جا رہا ہے۔ ان پروجیکٹوں میں ریاست میں توانائی، ماحولیات کی پائیداری اور سڑک کنکٹی وٹی سے  متعلق کئی پروجیکٹ شامل ہیں۔

وزیر اعظم نے بتایا کہ 800 میگاواٹ صلاحیت کے این ٹی پی سی یونٹ 2 کا آج افتتاح کیا گیا ہے جس سے تلنگانہ کی بجلی پیدا کرنے کی صلاحیت میں مزید اضافہ ہوگا۔

وزیر اعظم نے ریاستوں کی ترقی کے ذریعے ملک کی ترقی کے منتر کو دہرایا۔ انہوں نے کہا کہ بہتر معیشت کے ساتھ ملک میں اعتماد بڑھتا ہے اور ریاستوں کو بھی اس سے فائدہ ہوتا ہے کیونکہ وہ سرمایہ کاری حاصل کرتی ہیں۔ انہوں نے ہندوستانی معیشت کی بلند شرح نمو کی دنیا بھر میں  ہونے والی  گونج کا ذکر کیا کیونکہ ہندوستان  وہ واحد بڑی معیشت ہے جس نے پچھلی سہ ماہی میں 8.4 فیصد کی ترقی کی ہے۔ وزیر اعظم نے کہا ’’اس رفتار کے ساتھ، ہندوستان دنیا کی تیسری سب سے بڑی معیشت بن جائے گا‘‘انہوں نے مزید کہا کہ اس کا مطلب تلنگانہ کی معیشت کے لیے بھی اعلیٰ نمو ہو گا۔

تلنگانہ کے گورنر، ڈاکٹر تمیلی سائی سوندرراجن؛ تلنگانہ کے وزیراعلی جناب ریونتا ریڈی اور مرکزی وزیر جناب جی کشن ریڈی بھی  اس موقع پر موجود تھے۔

مزید پڑھیں: وزیر اعظم نے ملک بھر میں کئی  بجلی کے  پروجیکٹوں کو قوم کے نام وقف کیا  اور   سنگ بنیاد رکھا

وزیر اعظم نے جن پروجیکٹوں کا افتتاح کیا، قوم کے نام  وقف کیا اور جن  پروجیکٹوں کے لئے  انہوں نے آج سنگ بنیاد رکھا، ان کی فہرست حسب ذیل ہے۔

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

ان 32 پراجیکٹس کی کل لاگت  56,065 کروڑ روپے بنتی ہے۔

بجلی اور نئی اور قابل تجدید توانائی کے مرکزی وزیر جناب آر کے سنگھ نے نئی دہلی کے مہارانی باغ میں پاور گرڈ سب اسٹیشن سے پروگرام میں شمولیت اختیار کی۔ عادل آباد میں تقریب کے آغاز سے قبل حاضرین سے خطاب کرتے ہوئے، بجلی اور نئی اور قابل تجدید توانائی کے وزیر نے یاد دلایا کہ تیزی سے ترقی کرنے والے ملک کی امنگوں کو پورا کرنے کے لیے، پچھلی دہائی میں جنریشن، ٹرانسمیشن اور ڈسٹری بیوشن کے کئی بڑے پروجیکٹ کامیابی کے ساتھ شروع کیے گئے ہیں۔ ’’حکومت نے اپریل 2014 سے اب تک 196 گیگا واٹ سے زیادہ پیداواری صلاحیت کا اضافہ کرکے بجلی کی کمی کے اہم مسئلے کو حل کیا ہے، جس نے ہمارے ملک کو بجلی کی کمی والے ملک سے  تبدیل کرکے کافی بجلی والا ملک بنایا ہے۔ حکومت نے مارچ 2014 میں پیداواری صلاحیت کو 248554 میگاواٹ سے بڑھا کر دسمبر 2023 میں 428299 میگاواٹ کر دیا ہے۔ ان اقدامات کے نتیجے میں دیہی علاقوں میں بجلی کی دستیابی 2015 میں 12.5 گھنٹے سے بڑھ کر 2023 میں 20.6 گھنٹے ہو گئی ہے۔ سال  2023 میں شہری علاقوں میں سپلائی بڑھ کر 23.78 گھنٹے ہو گئی ہے۔‘‘

پاور گرڈ ملازمین اور پاور سیکٹر کے پی ایس یوز  اور  متعلقین  کی تعریف کرتے ہوئے،  بجلی کے وزیر نے کہا کہ یہ ترقی ان کے تعاون کی وجہ سے ممکن ہوئی ہے۔ پاور سیکٹر کی ترقی اور معیشت کے درمیان ہم آہنگی کے تعلق کو اجاگر کرتے ہوئے وزیر  موصوف نے کہا کہ بجلی کے شعبے کو مضبوط کیے بغیر ملک اتنی تیزی سے ترقی نہیں کر سکتا تھا۔ ’’ صلاحیت  میں خاطر خواہ اضافے کو ایڈجسٹ کرنے کے لیے، حکومت ہند نے منصوبہ بنایا اور  2013-14 سے 2022-23 کے درمیان 189052 سرکٹ کلومیٹر   ٹرانسمیشن لائنوں کو شامل کیا، پورے ملک کو ایک ہی فریکوئنسی پر چلنے والے ایک گرڈ سے جوڑتے ہوئے ملک کے ایک کونے سے دوسرے کونے میں 116540 میگاواٹ کی منتقلی کی صلاحیت حاصل کی اور  پورے ملک کو ایک قومی مارکیٹ میں  مربوط کرنے کی صلاحیت حاصل کی۔

وزیر موصوف  نے مزید کہا کہ حکومت نے پاور سیکٹر کو قابل عمل بنانے کے لیے ٹھوس کوششیں کی ہیں۔ اے ٹی اینڈ سی نقصانات 2014-15 میں 25.72 فیصد سے کم ہو کر 2022-23 میں 15.40 فیصد رہ گئے ہیں۔ جینکوز کی تمام موجودہ ادائیگیاں تازہ ترین ہیں اور جینکوز کے وراثتی واجبات  جو کہ جون 2022 میں 139947 کروڑ روپے  تھے،  31 جنوری 2024 کو  گھٹ کر  49451 کروڑ روپے رہ گئے ہیں۔ ریاستی حکومت کی طرف سے اعلان کردہ سبسڈی کے حساب  میں  ڈسکام  کو سبسڈی کی ادائیگی تازہ ترین ہے۔

وزیر  موصوف نے کہا کہ ہندوستان تیزی سے ترقی کرتا رہے گا اور پاور سیکٹر کو آنے والے سالوں میں بھی صلاحیت میں اضافہ اور اصلاحات کرتے رہنا ہوگا۔

 

یہ بھی پڑھیں:

• وزیر اعظم  نے 30000 کروڑ روپے سے زیادہ مالیت کے این ٹی پی سی کے  بجلی کے پروجیکٹوں کو قوم کے نام  وقف کیا اور  سنگ بنیاد رکھا ۔
•      پاور گرڈ کے 7  پروجیکٹوں  کی تفصیلات جو قوم کے  نام  وقف  کئے گئے  اور  ایک  پروجیکٹ  کا   سنگ بنیاد رکھا گیا ۔
•      ایس جے وی این کے 7 پروجیکٹوں کی تفصیلات جو قوم کے نام  وقف کیے گئے اور جن کا سنگ بنیاد رکھا گیا ۔
•      این ایچ پی سی کے ان پروجیکٹوں کی تفصیلات جن کا افتتاح کیا گیا/جن کا  سنگ بنیاد رکھا گیا ہے۔

 

۔۔۔۔۔۔۔۔۔۔۔

ش ح۔  ا گ۔ ن ا۔

U- 5695

(Release ID: 2011679) Visitor Counter : 83