بھارتی بحریہ  6 مارچ 2024 کو آئی این ایس گروڑ، کوچی میں نئے شامل ایم ایچ 60 آر سی ہاک (بلیک ہاک ہیلی کاپٹر کا ایک سمندری ورژن) ملٹی رول ہیلی کاپٹر کو بحریہ میں شامل کرے گی جو بھارت کی دفاعی جدید کاری کے سفر میں ایک اہم لمحہ ہے۔ سی ہاکس اسکواڈرن کو بھارتی بحریہ میں آئی این اے ایس 334کے طور پر کمیشن کیا جائے گا۔ یہ ہیلی کاپٹر فروری 2020 میں امریکی حکومت کے ساتھ طے پانے والے 24 طیاروں کے ایف ایم ایس معاہدے کا حصہ ہیں۔

بھارتی بحریہ سی ہاکس کی شمولیت کے ساتھ اپنی سمندری طاقت میں نمایاں اضافہ دیکھنے کے لیے تیار ہے۔ یہ ہیلی کاپٹر آبدوز شکن جنگ (اے ایس ڈبلیو)، اینٹی سرفیس وارفیئر (اے ایس یو ڈبلیو)، تلاش اور بچاؤ کی کارروائی (ایس اے آر)، طبی انخلا (ایم ای ڈی ای وی اے سی) اور ورٹیکل ری پلینشمنٹ (وی آر ٹی آر ای پی) کے لیے ڈیزائن کیا گیا ہے۔ اس ہیلی کاپٹر کو بھارتی ماحول (آئی آر اے) کے حالات میں سخت آزمایئشوں سے گزارا گیا ہے اور اسے بیڑے میں مکمل طور پر ضم کر لیا گیا ہے۔ جدید ہتھیاروں، سینسرز اور ایویونکس سویٹ نے سی ہاکس کو بھارتی بحریہ کی بحری سلامتی کی ضروریات کے لیے مثالی بنا دیا ہے، جو روایتی اور غیر متوازن خطرات دونوں کے لیے بہتر صلاحیتیں پیش کرتا ہے۔

ایم ایچ 60 آر ہیلی کاپٹر بھارت کی بلیو واٹر صلاحیتوں میں اضافہ کرے گا، بحریہ کی آپریشنل رسائی کو وسعت دے گا اور مختلف شعبوں اور وسیع سمندری علاقوں میں مسلسل بحری کارروائیوں میں مدد کرے گا۔ آئی او آر میں سی ہاک کی تعیناتی بھارتی بحریہ کی سمندری موجودگی کو مضبوط کرے گی ، ممکنہ خطرات کو دور کرے گی اور اسٹریٹجک طور پر اہم اس خطے میں ایک محفوظ اور محفوظ ماحول کو یقینی بنائے گی۔

سی ہاکس کی شمولیت بحری سلامتی کو مستحکم کرنے کے لیے بھارتی بحریہ کے مستقل عزم کی عکاس ہے ، جو خطے میں سبھی کے لیے سلامتی اور ترقی کو یقینی بنانے کے حکومت ہند کے دور اندیش ہدف کے ساتھ بے حد ہم آہنگ ہے۔

***

(ش ح – ع ا – ع ر)

U. No. 5624