ప్ర‌ధాన మంత్రి శ్రీ న‌రేంద్ర మోదీ ఈ రోజు న్యూ ఢిల్లీలోని భార‌త్ మండ‌పంలో దేశంలో అతిపెద్ద గ్లోబల్ టెక్స్‌టైల్ ఈవెంట్‌లలో ఒకటైన భారత్ టెక్స్ 2024ను ప్రారంభించారు. ఈ సందర్భంగా ఎగ్జిబిషన్‌ను కూడా ప్రధాని తిలకించారు.

స‌భ‌ను ఉద్దేశించి ప్రసంగించిన ప్ర‌ధాన మంత్రి భార‌త్ టెక్స్ 2024కి ప్ర‌తి ఒక్క‌రికి స్వాగ‌తం పలికారు. భార‌త్ మండ‌పం మరియు యశో భూమి అనే రెండు అతిపెద్ద ఎగ్జిబిష‌న్ సెంట‌ర్ల‌లో ఈ ఈవెంట్ జ‌రుగుతున్నందున ఈ రోజు ప్రత్యేకమైనదని అన్నారు. దాదాపు 100 దేశాల నుండి 3000 మందికి పైగా ఎగ్జిబిటర్లు మరియు వ్యాపారులు మరియు దాదాపు 40,000 మంది సందర్శకులు ఉన్నారని, వారందరికీ భారత్ టెక్స్ ఒక వేదికను అందిస్తుంది అని ప్రధాని తెలిపారు.

నేటి కార్య‌క్ర‌మం అనేక కోణాల‌తో కూడుకున్నద‌ని ప్ర‌ధాన మంత్రి అన్నారు. 'భారత్‌ టెక్స్‌ థ్రెడ్ భారతీయ సంప్రదాయం యొక్క అద్భుతమైన చరిత్రను నేటి ప్రతిభతో అనుసంధానిస్తుంది; సంప్రదాయాలతో కూడిన సాంకేతికత మరియు శైలి/సుస్థిరత/ స్థాయి/నైపుణ్యాన్ని ఒకచోట చేరుస్తుంది. భారతదేశం అంతటా ఉన్న అనేక వస్త్ర సంప్రదాయాలను కలిగి ఉన్న ఏక్ భారత్ శ్రేష్ఠ భారత్‌కు గొప్ప ఉదాహరణగా కూడా  ప్రధాని వివరించారు. భారతదేశ వస్త్ర సంప్రదాయ విశిష్ఠత మరియు సామర్థ్యాన్ని ప్రదర్శించడానికి వేదికపై జరిగిన ప్రదర్శనను కూడా ఆయన ప్రశంసించారు.

టెక్స్‌టైల్ వాల్యూ చైన్‌లో వివిధ వాటాదారుల ఉనికిని ప్ర‌ధాన మంత్రి ప్ర‌స్తావిస్తూ..భార‌త‌దేశ టెక్స్‌టైల్ రంగాన్ని అర్థం చేసుకోవ‌డంతోపాటు సవాళ్లు మరియు ఆకాంక్ష‌ల గురించి తెలుసుకోవ‌డంలో వారి తెలివితేట‌ల‌ను ప్ర‌ధాన మంత్రి హైలైట్ చేశారు. వాల్యూ చైన్‌కు కీలకమైన నేత కార్మికుల ఉనికిని మరియు క్షేత్రస్థాయి నుండి వారి అనుభవాన్ని కూడా ఆయన గుర్తించారు. వారిని ఉద్దేశించి ప్రధాని ప్రసంగిస్తూ..వికసిత భారత్ మరియు దాని నాలుగు ప్రధాన స్తంభాల సంకల్పాన్ని నొక్కిచెప్పారు. భారతదేశ వస్త్ర రంగం పేదలు, యువత, రైతులు మరియు మహిళలు ప్రతి ఒక్కరితో అనుసంధానించబడి ఉందని హైలైట్ చేశారు. అందువల్ల, భారత్ టెక్స్ 2024 వంటి ఈవెంట్ యొక్క ప్రాముఖ్యత మరింత పెరుగుతుందని ప్రధాన మంత్రి అన్నారు.

పత్తి, జనపనార మరియు పట్టు ఉత్పత్తిదారుగా భారతదేశం అభివృద్ధి చెందుతున్న ప్రొఫైల్ గురించి మాట్లాడుతూ..ప్రభుత్వం పత్తి రైతులకు మద్దతు ఇస్తోందని మరియు వారి నుండి పత్తిని కొనుగోలు చేస్తోందని ప్రధాని మోదీ అన్నారు. ప్రభుత్వం ప్రారంభించిన కస్తూరి కాటన్ ప్రపంచవ్యాప్తంగా భారతదేశ బ్రాండ్ విలువను సృష్టించడంలో పెద్ద ముందడుగు అని ఆయన అన్నారు. జూట్ మరియు సిల్క్ రంగానికి సంబంధించిన చర్యలను కూడా ప్రధాన మంత్రి ప్రస్తావించారు. టెక్నికల్ టెక్స్‌టైల్స్ వంటి కొత్త రంగాల గురించి కూడా మాట్లాడారు. నేషనల్ టెక్నికల్ టెక్స్‌టైల్స్ మిషన్ గురించి మరియు ఆ రంగంలో స్టార్టప్‌ల అవకాశాల గురించి తెలియజేశారు.

వివిధ రాష్ట్రాల్లో ఏడు పిఎం మిత్రా పార్కులను రూపొందించడానికి ప్రభుత్వం విస్తృత ప్రణాళికలను ప్రధాన మంత్రి వివరించారు. మొత్తం వస్త్ర రంగానికి అవకాశాల కల్పనపై ఉద్ఘాటించారు. “ప్లగ్ అండ్ ప్లే సౌకర్యాలతో కూడిన ఆధునిక మౌలిక సదుపాయాలు అందుబాటులోకి వచ్చిన ఒకే స్థలంలో మొత్తం విలువ గొలుసు పర్యావరణ వ్యవస్థను స్థాపించడానికి ప్రభుత్వం కృషి చేస్తుంది” అని ప్రధాన మంత్రి వ్యాఖ్యానించారు. ఇది స్కేల్ మరియు ఆపరేషన్‌ను మెరుగుపరచడమే కాకుండా లాజిస్టిక్స్ ఖర్చులను కూడా తగ్గిస్తుందని తెలిపారు.

గ్రామీణ జనాభా మరియు టెక్స్‌టైల్స్ రంగాలలో మహిళల ఉపాధి సామర్థ్యాలు మరియు భాగస్వామ్యాన్ని ప్రస్తావిస్తూ 10 మంది దుస్తుల తయారీదారులలో 7 మంది మహిళలు మరియు చేనేతలో వారి సంఖ్య మరింత ఎక్కువగా ఉందని ప్రధాన మంత్రి అన్నారు. గత 10 ఏళ్లలో తీసుకున్న చర్యలు ఖాదీని అభివృద్ధి మరియు ఉద్యోగాలకు బలమైన మాధ్యమంగా మార్చాయని ఆయన ఉద్ఘాటించారు. అదే విధంగా గత దశాబ్దంలో సంక్షేమ పథకాలు, మౌలిక సదుపాయాల పెంపు జౌళి రంగానికి కూడా మేలు చేకూర్చాయని చెప్పారు.

కేంద్ర జౌళి, వినియోగదారుల వ్యవహారాలు, ఆహారం మరియు ప్రజాపంపిణీ, వాణిజ్యం & పరిశ్రమల శాఖ మంత్రి శ్రీ పీయూష్ గోయల్ తన స్వాగత ప్రసంగంలో  గ్లోబల్ టెక్స్‌టైల్ ఎక్స్‌పో దేశంలోనే తొలిసారిగా నిర్వహించబడుతున్న అతిపెద్ద ఇంటిగ్రేటెడ్ టెక్స్‌టైల్ ఈవెంట్ అని అన్నారు.  ప్రధాని నరేంద్ర మోదీ దృష్టిలో 5 ఎఫ్‌ అంటే  వ్యవసాయం నుండి ఫైబర్, ఫైబర్ నుండి ఫ్యాక్టరీ, ఫ్యాక్టరీ నుండి ఫ్యాషన్ మరియు ఫ్యాషన్ నుండి విదేశీ మార్కెట్లకు మొత్తం వస్త్ర విలువ గొలుసును కవర్ చేస్తుందని మంత్రి తెలియజేశారు. స్థానిక సరఫరా గొలుసులను బలోపేతం చేయాల్సిన అవసరం ఉందని మరియు 3ఎస్‌ అంటే స్కిల్ , స్పీడ్ మరియు స్కేల్‌కు ‘వికసిత భారత్’ దృక్పథాన్ని నెరవేర్చడానికి ఎక్కువ ప్రాధాన్యత అవసరమని ఆయన అన్నారు. 2030 నాటికి 100 బిలియన్ డాలర్ల విలువైన ఎగుమతులతో పాటుగా భారతదేశం 250 బిలియన్ డాలర్ల ఉత్పత్తి లక్ష్యాన్ని సాధించడానికి బలమైన సరఫరా గొలుసులు సహాయపడతాయని శ్రీ గోయల్ పేర్కొన్నారు.

గ్లోబల్ ప్లాట్‌ఫారమ్‌లో టెక్స్‌టైల్ పరిశ్రమ యొక్క మొత్తం విలువ గొలుసును ఒకచోట చేర్చి ప్రదర్శించడానికి ఎక్స్‌పో చేయగలిగిందని శ్రీ గోయల్ చెప్పారు. ప్రపంచ టెక్స్‌టైల్ పవర్‌హౌస్‌గా భారతదేశం యొక్క స్థానాన్ని పునరుద్ఘాటిస్తుందన్నారు. ఈ కార్యక్రమం భారతదేశాన్ని ఆకర్షణీయమైన పెట్టుబడి మరియు సోర్సింగ్ గమ్యస్థానంగా నిలబెడుతుందని ఆయన తెలిపారు. తన ‘వోకల్ ఫర్ లోకల్’ మంత్రం ద్వారా స్థానిక ఉత్పత్తులకు మద్దతిచ్చేలా దేశాన్ని సమీకరించడమే కాకుండా ‘లోకల్ ఫర్ గ్లోబల్’ చొరవ తీసుకునేలా వారిని ప్రోత్సహించినందుకు ప్రధానిని ఆయన అభినందించారు.

ప్రభుత్వం తన వివిధ కార్యక్రమాలైన - పిఎం మిత్ర, ఉత్పత్తి-లింక్డ్ ఇన్సెంటివ్ (పిఎల్‌ఐ) పథకం, సమర్థ్ (టెక్స్‌టైల్స్ సెక్టార్‌లో కెపాసిటీ బిల్డింగ్ స్కీమ్) మరియు నేషనల్ టెక్నికల్ టెక్స్‌టైల్స్ మిషన్ పరిశ్రమకు భారీ ప్రోత్సాహాన్ని అందించిందని మంత్రి చెప్పారు. పత్తి మరియు మానవ నిర్మిత ఫైబర్ పరిశ్రమకు ఎండ్-టు-ఎండ్ కనెక్టివిటీని రూపొందించడానికి టెక్స్‌టైల్ మంత్రిత్వ శాఖ కొత్త టెక్స్‌టైల్ అడ్వైజరీ గ్రూప్‌ను ఏర్పాటు చేసిందని, ఇది బ్యాలెన్స్‌ను నిర్వహించడానికి మరియు టెక్స్‌టైల్ రంగంలో మెరుగైన సినర్జీని సృష్టించడానికి సహాయపడుతుందని ఆయన అన్నారు.

కోట్లాది మంది భారతీయులు పేదరికం నుండి బయటపడ్డారని, గ్రామీణ మరియు పట్టణ ప్రాంతాలలో వినియోగం పెరుగుతోందని శ్రీ గోయల్ పేర్కొన్నారు. ఆహార ద్రవ్యోల్బణాన్ని అదుపులో ఉంచడానికి ప్రభుత్వం చేస్తున్న నిరంతర ప్రయత్నాల కారణంగా ఇతర ఉత్పత్తులపై ఖర్చు చేయడానికి ప్రాధాన్యతనిచ్చిన ఆకాంక్ష యువ భారతదేశం యొక్క మారుతున్న వినియోగ విధానాల నుండి వస్త్ర పరిశ్రమ నేడు లాభపడుతుందని మంత్రి అన్నారు.

కేంద్ర జౌళి శాఖ సహాయ మంత్రి శ్రీమతి. దర్శన జర్దోష్ మరియు టెక్స్‌టైల్ సెక్రటరీ, శ్రీమతి రచనా షా కూడా  ఈ కార్యక్రమంలో  పాల్గొన్నారు.