ڈی اے آر پی جی نے ماہ جنوری 2024 کے لیے ‘‘سیکریٹریٹ ریفارمز’’کے بارے میں اپنی ماہانہ رپورٹ کا 10 واں ایڈیشن شائع کیا جس میں تین  پہل قدمیوں (i) سووچھتا مہم اور التوا کو کم از کم سطح تک کم کرنا؛ (ii) فیصلہ سازی سے متعلق کارکردگی میں اضافہ (iii) ای آفس میں کارکردگی میں اضافہ کے تحت تفصیلی تجزیہ کیا گیا ہے۔  رپورٹ میں فیصلہ سازی میں کارکردگی بڑھانے کے اقدام کے تحت سوچھتا کو ادارہ جاتی بنانے، التوا میں کمی اور تاخیر کو کم کرنے کے لیے حکومت کی کوششوں پر روشنی ڈالی گئی ہے جو تمام وزارتوں اور محکموں میں نمایاں رفتار کا مشاہدہ کرتی رہی۔ نوڈل افسران نے تمام وزارتوں اور محکموں میں صفائی ستھرائی سے متعلق مہم کے لیے ہر ہفتے 3 گھنٹے کا وقت  مقرر کیا ہے۔

ماہ جنوری 2024 کی رپورٹ کی اہم خصوصیات حسب ذیل ہیں:

1. سووچھتا مہم اور التوا میں کمی

1. 4,563 دفاتر میں صفائی مہم چلائی گئی
2. 17.02 لاکھ مربع فٹ جگہ کی گنجائش پیدا کی گئی۔
3. اسکریپ یعنی فالتو اشیاء کو فروخت کرکے  18.18 کروڑ روپے کی آمدنی ہوئی
4. 4,67,955 عوامی شکایات کا ازالہ کیا گیا

2. فیصلہ سازی میں کارکردگی بڑھانے کے لیے پہل قدمیاں

مرکزی سیکریٹریٹ میں فعال فائلوں کے لیے اوسط لین دین کی سطح جنوری 2021 میں 7.19 سے کم ہو کر جنوری 2024 میں 4.58 ہو گئی ہے۔

3.  ای-آفس کا نفاذ اور تجزیات

1. ای-آفس تجزیات  ڈیش بورڈ کو تمام وزارتوں اور محکموں میں وسیع پیمانے پر اختیار کیا گیا ہے۔
2. جنوری 2024 میں، مرکزی سیکرٹریٹ میں بنائی گئی کل فائلوں میں سے 92فیصد ای-فائلیں ہیں اور کل رسیدوں کا 92.73فیصد ای-رسیدیں ہیں۔
3. جنوری 2024 میں بین وزارتی فائلوں میں 4470 بین وزارتی فائلوں کا اضافہ ہوا جبکہ دسمبر 2023 میں یہ تعداد 3808  تھی ۔

محکمہ ڈاک، محکمہ پرسونل اینڈ ٹریننگ، وزارت کانوں اور محکمہ بائیو ٹیکنالوجی میں بہترین طریقوں کے طور پر جنوری 2024 کی رپورٹ میں‘‘ریکارڈ رومز کی دیکھ بھال’’ پر خصوصی توجہ دی گئی ہے ۔ ڈی اے آر پی جی کے سکریٹری جناب  وی سرینواس نے تمام نوڈل افسران کے ساتھ ایک ماہانہ میٹنگ میں ماہانہ پیش رفت کا جائزہ لیا۔ انہوں نے اس میٹنگ میں  تمام وزارتوں اور محکموں سے فروری 2024 کے مہینے تک مہم کے تحت حاصل کی گئی رفتار کو برقرار رکھنے کی درخواست کی۔

۔۔۔۔۔۔۔۔۔۔۔

ش ح۔ ع م  ۔ع ن

(U: 5399)